तत्त्वज्ञान

समाजात

कारभारी होऊन चालत नाही
कारभार तसा करावा लागतो
खुर्चीत बसुनंच जमत नाही
समाज सुध्दा सावरावा लागतो

नाहीतर आपले समजलेलेही
दुसरे मार्ग चापसु लागतात
अन् सुखातले वाटेकरी देखील
पाठीत खंजीर खुपसु लागतात

विशाल मस्के
सौताडा, पाटोदा, बीड.
मो. ९७३०५७३७८३

आपलं

आपला तो बाबू आणि
दुसर्‍याचं ते कारटं असतं
कित्तेक मना-मनामध्ये
हे ठरलेलं पार्ट असतं

आपल्याचे आपलेपणही
आपुलकीने ओढले जातात
अन् आपल्याचे दोषही कधी
गुणामध्ये मोडले जातात

विशाल मस्के
सौताडा, पाटोदा, बीड.
मो. ९७३०५७३७८३

शाई

जशी प्रतिमा चढू शकते
तशी खालीही पडू शकते
एकाच शाईच्या वापरातुन
वेग-वेगळी कृती घडू शकते

दर्जा ऊंचावत शाईची
कधी शाही टेक असते
तर कधी निषेधासाठी
मुद्दाम शाई फेक असते

विशाल मस्के
सौताडा, पाटोदा, बीड.
मो. ९७३०५७३७८३

डाव

कोण जवळ आहेत याची
सतत चाचपणी केली जाते
जवळच्यांना जवळ ठेवण्या
आमिशी चुणूक दिली जाते

जवळचा दूर जाता मात्र
त्यावरही खडा घाव असतो
प्रत्येक राजकीय खेळामध्ये
हा ठरेल-पुरेल डाव असतो

विशाल मस्के
सौताडा, पाटोदा, बीड.
मो. ९७३०५७३७८३

आजकाल गर्दीच्या ठिकाणी कशामुळे कुणाचा पारा चढेल याचा भरवसा देता येत नाही. माझ्यासोबत किंवा माझ्या समोर घडलेले काही प्रसंग मी सांगतो तुम्हाला.

एक प्रसंग याच ऑक्टोबर महिन्यात घडलेला. पुण्यात विमान नगर मार्गे एयर पोर्ट रोडने कल्याणीनगरला कॅब मध्ये जातांना सिम्बियोसिस च्या थोडे पुढे एका चौकात अभूतपूर्व ट्राफिक जाम झाला होता. चालकाच्या समोर असलेल्या काचेतून समोर दिसलेल्या प्रसंगाचं मला जे आकलन झालं त्यानुसार मी हे लिहित आहे. कदाचीत त्या प्रसंगाला अजून दुसरी तिसरी बाजू असू शकेल ती मला माहिती नाही. असो.

पोपट

बोलके पोपट चतुर
बोलण्यासाठी आतुर
बोलता बोलता मात्र
बोलते पोपट फितुर

आश्वासनीय गोष्टही
जणू केवळ डमी आहे
बोलणारे खुप झालेत
करणारांची कमी आहे

विशाल मस्के
सौताडा, पाटोदा, बीड.
मो. ९७३०५७३७८३

दोष

दुसर्‍यांना नावं ठेऊन-ठेऊन
प्रसिध्दीच्या भाजतात पोळ्या
ते ही इथे एकटे नाहीत
आता त्यांच्याही आहेत टोळ्या

"जसे बोलावे तसेच चालावे"
या नीतीला जोपासले जावे
दुसर्‍यांना दोष देण्या आधी
स्वत:चे दोष तपासले जावे

विशाल मस्के
सौताडा, पाटोदा, बीड.
मो. ९७३०५७३७८३

धर्माचा वापर

ज्याला जसा करावा वाटेल
त्याकडून तसा वापर आहे
कधी वैयक्तिक कुकर्माचेही
धर्मावरतीच खापर आहे,.!

जाती-धर्माची मोहर लावून
आता रासवटांनी फिरूच नये
स्वत:च्या हव्यासापोटी कधी
धर्माचा वापर करूच नये,...

विशाल मस्के
सौताडा, पाटोदा, बीड.
मो. ९७३०५७३७८३

ग्रुप काढताना

स्वातंत्र्य आहे म्हणून तर
हल्ली ग्रुप काढले जातात
एका-एका सदस्याचेही
ग्रुप वरवर वाढले जातात

ग्रुप काढण्याला बंधन नाही
उपद्रवी लक्षण टळलं पाहिजे
ग्रुपमध्ये कोण असावं,नसावं
ग्रुप अॅडमीनला कळलं पाहिजे

विशाल मस्के
सौताडा, पाटोदा, बीड.
मो. ९७३०५७३७८३

विरोध

करता येतो म्हणून कधी
विरोध केला जात नाही
ज्याचे चरित्र चांगले आहे
त्याला विरोध होत नाही

स्वत: मध्ये बदल करण्यासाठी
स्वत:लाच शिकावं लागतं
आपला विरोध टाळण्यासाठी
चारित्र्य चांगलं राखावं लागतं

विशाल मस्के
सौताडा, पाटोदा, बीड.
मो. ९७३०५७३७८३