कॅनडा गीज

कॅनडा गीजच्या सहवासात एक तास
इथे यांचे फोटो पहा
http://www.maayboli.com/node/48171

( हा लेख मेनका मासिकात पूर्वप्रकाशित. त्यांनी इथे अपलोड करायला परवानगी दिल्याबद्दल धन्यवाद.)
मुक्काम पोस्ट वॉशिन्गट्न डीसी, USA

आत्तापर्यंत अमेरिकेतल्या स्प्रिंग आणि समरचाच अनुभव घेतला होता.
पण या वेळी इथे विंटरमधेच आल्याने इथल्या थन्डीची बरीच वेगवेगळी रूपं अनुभववली.

कधी जबरदस्त हिम वर्षाव, कधी भर दुपारी बारा वाजता कडक उन्हात हाडं गोठवणारी थंडी. कधी डोक्यावर कडक ऊन, तरीही बोचऱ्या वाऱ्यामुळे आणखीच बोचरी झालेली थंडी.

कॅनडा गीजचे काही व्हिडीओज
वॉशिन्ग्टन डीसीतल्या वास्तव्यात एके दिवशी सकाळीच कॅनडा गीजचं हॉन्किन्ग ऐकू आलं. आणि सकाळी बाहेर पडले तर मेट्रो स्टेशनच्या परिसरात कॅनडा गीजचा एक प्रचंड मोठा कळपच दिसला. आयुष्यात पहिल्यांदाच हे पक्षी पहात होते आणि तेही स्थलांतरित! इतकं सह्ही वाटलं!
लगोलग घरी गेले आणि आयपॅड घेऊन परत आले. आणि खूप फोटो घेतले. आणि काही व्हिडिओजही.
हे सगळे व्हिडिओज अगदी सामान्य माणसाच्या उत्सुकतेने घेतलेले आहेत. पण "रार"चे याच विषयावरचा अत्यंत सुंदर आणि इन्टरेस्टिन्ग असा व्हिडिओ पाहिला आणि वाटलं ...चला आपणही आपले व्हिडिओ डकवूया!
हे व्हिडिओज फेब्रुवारीतले आहेत.