नाळ

मी परीक्षण लिहीत नाही. कारण मला ते लिहीता येत नाही. कारण माझी चित्रपटांची समज फार तोकडी आहे.

मी फक्त अनुभव शेअर करतो. कारण मी एक सामान्य चित्रपटप्रेमी आहे. जी कलाकृती आनंद देते ती आवडते. तिच्याबद्दल लिहितो.

मग ती वाळवी सारखी डार्क कॉमेडी असो किंवा झिम्मा सारखा हलकाफुलका एंटरटेनर, आत्मपॅम्फ्लेट सारखा हटके शैलीत बनवलेला चित्रपट असो किंवा जवानसारखा सौथेंडियन मसालापट..

नाळ ©

आयुष्यावर कसलस मळभ दाटून आलेलं
काळोख, शांतता आणि आर्द्रतेच सावट
नकोसं नकोसं करून सोडणारं
प्रकाशाचा तिटकारा यावा… वारा हि नको व्हावा …

नाती गोती मित्र वृंद सगळेच झूट वाटू लागले
शब्द सूर ताल वृत्त सगळेच सुके थिटे ...वीटलेले

एके दिवशी सगळं सोडून, बंध तोडून
झटकून टाकले जिने-बीने
एकट्यात जाऊन बंद खोलीत डांबून घेतले
बंद केले येणे - जाणे

आता निव्वळ मी होते अन अंधार दाटलेला
माझ्याच काळजाचे ठोके होते स्पष्ट अस्पष्टसे
मुठी वळलेल्या, डोळे गच्च बंद, अंग आखडून,
दोन्ही पाय पोटाशी घेऊन पडून राहिले मग शांत-क्लांत

कुठल्याश्या एका क्षणी तंद्री लागली अन
लाले-लाल चमकता पाणीदार ओलसर पडदा