भाषा (२) : शब्दवेध व शब्दरंग

भग
या शब्दाचे विभिन्न अर्थ आहेत :
ऐश्वर्य, नशीब, भेग, चीर, लिंग, योनी.

एक शंका :
भग आणि भोग यांचा काही संबंध असावा का ?
अर्थात भोग दोन्ही प्रकारचे असतात.

भग मराठीत आहे
https://bruhadkosh.org/words?shodh=%E0%A4%AD%E0%A4%97

जेव्हा एखाद्या सेवेचे तीन स्तर (levels) असतात त्यांना primary, secondary and tertiary ही इंग्लिश नावे आहेत.

हेच तीन शब्द मराठीत लिहायचे झाल्यास, प्राथमिक हा शब्द नेहमीच वापरला जातो. परंतु, पुढच्या दोन स्तरांसाठी
द्वितीयक व तृतीयक
ही रुपे सहसा वापरात दिसत नाहीत; पण शब्दकोशात हे दोन्ही शब्द आहेत.

परवा एका पेपरातल्या बातमीत असं वाक्य वाचले :
“या कर्जातून राज्यातील आरोग्याच्या तृतीयक सेवेचे बळकटीकरण होणार आहे”.

अगदी बरोबर. माझ्या मते किंचित नाही; पूर्णच.
जेव्हा एखाद्या सेवेचे आपण चढत्या श्रेणींमध्ये वर्णन करतो आहोत तेव्हा दुय्यम व तिय्यम नाही चालणार असे मला वाटते.
जेव्हा आपण सर्वात महत्त्वाचे पासून कमी महत्त्वाचे अशा उतरत्या श्रेणीबद्दल बोलत असू तेव्हा दुय्यम व तिय्यम योग्य वाटतात.

तसेच द्विस्तरीय आणि त्रिस्तरीय यांचे अर्थ पण वेगळे होतील..(?)

द्वितीयक व तृतीयक हे भाषांतरित वाटू शकतात. पण मग त्यांच्यासाठी सुयोग्य असे "मायमराठीतले" शब्द कोणते ?

प्रथम >>>>> प्राथमिक
हे जर सर्वमान्य आहे तर मग त्यावरील त्या दोन शब्दांनाही हरकत असू नये.
?

*वैय्यर्थ म्हणजे काय
>>>
निरर्थकता (सामान्य संदर्भानुसार).
योग्य तो शब्दकोश शोधायला हवा.

(मानवी जीवनाचे वैय्यर्थ ... )

वैय्यर्थ शब्द आदर्श मराठी शब्दकोशात मिळाला.
व्यर्थत्व आणि वैफल्य असे अर्थ आहेत.

झणी, झणे
= १. (क्रिवि.) लौकर; त्वरित; जलदीने [सं.क्षणे]
२. ( उअ.) कदाचित; न जाणो; नाही तर; निषेधार्थी अव्यय

हा शब्द केशवसुतांच्या ‘आम्ही कोण?’ या कवितेत असा येतो :

आम्हाला वगळा - गतप्रभ झणी होतील तारांगणे ।
आम्हाला वगळा - विकेल कवडीमोलावरी हे जिणे ! ॥

माझी शंका :
वरील ओळीत झणीचा अर्थ काय ?
कदाचित ? का अन्य काही ?

शंकासमाधानाबद्दल धन्यवाद !
चर्चेतील विविध काव्यसुमने आवडली