माय नेम इज ब्लॉगर, फूड ब्लॉगर !

मला पण आवडतात त्या … मस्त आहे. रेसिपी बुक पण आहे त्यांचे.

मस्त हहपूवा

चपाती कशी बनवावी हे कोणत्या व्ह्लॉगवर दाखवतात ?
खराखुरा शेफ दाखवायचा असेल तर रेसिपी सांगून झाल्यावर घरी फोन करून कूकला आज काय बनवायचे हे सांगतो हे नक्की दाखवले पाहीजे.

नवीन Submitted by शान्त माणूस on 18 May, 2022 - 22:5 >>>>>आमच्या केबलवर नवीन चॅनेल सुरु झाले आहे q tv त्यात कालच मधुरा ने चपाती कशी बनवतात ते दाखवले। तिच्या उजव्या हाताच्या मधल्या बोटाला काहीतरी झाले होते म्हणून बँडेज लावले होते आणि तिने तसेच पीठ मळले मग थोडावेळ झाकून ठेवायला सांगितले व पोळी लाटताना ते बँडेज काढले होते।

कुकिंग शुकिंग चांगले आहे. त्या स्पृहा जोशीने पण एक अगदी नवीन फूड व्लॉग सुरू केलाय , 2 च एपिसोड झाले असावेत. एकदम तरखडकरी इंग्रजी बोलत असते, एकदम बोर. अवघड वाक्यरचना असेल तर हिंदी वर घसरते गावरान खरी चव मस्त आहे, त्या आजी एकदा विहिरीत चक्क पोहल्या होत्या, वय 85+ सहज असेल.

गावरान खरी चव त्या आजी आणि सुनेचा पार्ट चांगला आहे आणि तो कोतमिरीचे मूतखड्यावर गावरान औषधी उपयोग चर्चासत्रवाला आला की तर जामच मजा येते.

अरे तो गावाकडची वाट चॅनेल हा वेगळा ह्यात आई आणि मुलगी आहे. तो तू म्हणत आहेस तो quack आहे भगत.

ओह्ह. सॉरी! गोंधळ झाला!

गावाकडची वाट म्हणत आहे अमित बहुदा. मला त्यांचे कुटुंब असलेले भाग शांत आणि चांगले वाटले बघितले तेव्हा. मुलं फार गोड आहेत. कित्ती काम करतात सगळे. ते औषध वगैरे मी बघत नाही. मला ते सगळे मिळून काम करतात ते छान वाटल. मुलाला अगदी सगळे काम शिकविले आहे. खेड्यात सहसा दिसत नाही ते. आणि मिसेस शेती उत्तम करतात. ते आवडले. खेडेगावात जिथे पैसा भरपुर आहे तिथे बाया अक्षरशः नुस्त्या गॉसिप करताना पाहिले आहे. त्यामूळ त्यांचे काम करणे आवडले. अलिकडे नाही बघितल खर.
Apron , Boone baking , Traditional me हे कुकिंग चॅनल बघते मी. California Gardening, self sufficient me गार्डनिंग साठी. थोडे एम्ब्रॉईडरी व्हिडीओ .
पण युट्युब पेक्षा इन्स्टाग्राम आवडते. तिथले होम डेकोर आणि साड्या,फॅशन अकाउंट्स फॉलो करायला आवडते. फेसबुक, वॉट्स अ‍ॅप फारस बघत नाही.

सीमा, त्यात फक्त त्या ताई आणि मुलेच काम करतात. हा पटठ्या आळशी आहे एक नंबर म्हणून त्याच्या वडिलांना पण तो असलं चॅनेल चालवतो ते फार आवडत नाही. त्याचे आई वडील पण खूप राबतात. हा अशीच भोंदू औषध विकत असतो. महाराष्ट्रात अल्पभूधारकच जास्त आहेत, आणि अशा घरातल्या स्त्रिया, मूल आणि मालक शेतात आणि घरातपण प्रचंड राबतात. दोन, चार गुरे असतील तर अजून उस्तवार.

धमाल लेख आहे. मजा आली. मी फूड ब्लॉग्ज व व्लॉग्ज फारसे पाहिलेले नाहीत पण वर्णनावरून अंदाज आला

यांचे बिझिनेस मॉडेल कसे चालते मला कायम आश्चर्य वाटते -यांचे म्हणजे यू ट्यूबचे व अ‍ॅड्स देणार्‍या कंपन्यांचे. असंख्य पब्लिक रॅण्डमली कोठे येता जाता, निवांत बसलेले असताना, घरी बेडवर एकामागून एक क्लिप्स पाहात असतात. तासाभराने त्या लक्षातही राहात नाहीत. त्यातून अ‍ॅड वगैरे वर क्लिक करण्याची शक्यता शून्य. त्यातून विकत घेण्याची तर आणखी शून्य. नुसतेच डेली/मंथली व्ह्यूज. आधी जाहिरात आली तर ज्या क्षणी "स्किप अ‍ॅड" येते तेव्हा लगेच स्किप करतात. यू ट्यूबने त्यांना याकरता पैसे द्यायला त्यांना ते यातून मिळायला हवेत. जे अ‍ॅड वाले देतात. पण अ‍ॅड वाल्यांना या खर्चातून नक्की नफा किती मिळत असेल?

आता गूगलने यातून कीवर्ड्स वापरून इतर ठिकाणी ते दाखवले व त्यावरून लोकांनी विकत घेतले वगैरे असलेही प्रकार फारसे होत नसावेत. मग यांची इकॉनॉमी चालते कशी? यावर फंडिंग करणारे लोक मूर्ख नाहीत. अशा अ‍ॅड देणार्‍या कंपन्यांमधे सोशल मिडीया मार्केटिंग, अ‍ॅड अ‍ॅनेलिसिस भरपूर केला जातो. मग आपल्याला माहीत नसलेल्या मार्गाने त्या कंपन्यांना पैसा मिळतो असे असेल किंवा ज्या कंपन्या मुळात चांगल्या आर्थिक अवस्थेत आहेत त्यांना तरीही हा खर्च करत राहणे परवडत असावे. दुसरे म्हणजे सध्याच्या धकाधकीच्या जीवनात सोशल मीडीया मार्केटिंग बजेट नको असे म्हणून कोणीही करीयर सुसाइड करणार नाही

१. फूड ब्लॉगरला पैसा यू ट्यूब देते
२. यू ट्यूब तेथे अ‍ॅड्स दाखवून त्या कंपन्यांकडून पैसे घेते.
३. यातून लोक आपली उत्पादने घेतील या अपेक्षेने अ‍ॅड देणार्‍या कंपन्या सोशल मार्केटिंग बजेट्स वापरतात. त्याचे अनेक ठिकाणी अ‍ॅनेलिसीस ठराविक काळानंतर केले जातात. त्यातही उत्पादनाची विक्री व त्याचा या अ‍ॅड्सशी संबंध जोडायचा प्रयत्न करतात.

पण कधीतरी ३ वाल्या कंपन्यांना पैसा मिळाल्याशिवाय हे चक्र वर्षानुवर्षे कसे सुरू राहते हे मला झेपलेले नाही.

लंपन completely agree. तो आळशी आहे हे मला पण खटकले.
आमच्याकडे सांगली भागात जिथे शेताला भरपुर पाणी आहे आणि उस/सोयाबीन पिकवितात तिथे पैसा भरपुर आणि शेतीचे काम नाही अशी परिस्थिती आहे. बाया /पुरुष फार टाईमपास करतात. जिथे डाळी वगैरे पिकविल्या जातात ,भाजी असते तिथे मात्र भरपुर काम असते.

फा नाही तसे नाही ते. नंतर लिहिते.

अरे मी आत्ता हा धागा वाचला. शिर्षक वाचून स्किप करत होते कारण मी एकाही फूड ब्लॉगर ला फॉलो करत नाही, विडीओ पण नाहीच बघत. त्यामुळे तसंच काही असेलसं वाटलं. पण आज म्हटलं बघूच काय आहे. पण एकदम धमाल धागा निघाला आणि प्रतिसाद पण एक से एक आहेत
चीज, बटर बद्दलच्या सगळ्या पोस्टींना मम!
नवरा खूप फॉलो करतो हे फुड व्लॉग प्रकरण! त्याला वाचायला द्यायला पाहिजे हा लेख. हि कॅन रिलेट

मला समहाऊ खूप कंटाळा येतो या व्लॉग प्रकरणाचा. स्पेशली ट्रॅव्हल आणि फुडवाले. ते पूर्वी नाही का लोकं कुठे लांबच्या ट्रीपला जाऊन आले की तिथले फोटो दाखवून, रसभरीत वर्णन ऐकवतात. त्या टाईप वाटतं. फूडवाले प्रकार पण तसेच , तुम्ही खाणार, लाळ गाळणार ते (आम्ही) का म्हणून बघत बसायचं ते बघून शेवटी टीपिकल पदार्थच खाल्ले किंवा केले जातात. (हे मा वै म. वेगळी मतं असूच शकतात.)

मलाही फारेंड सारखाच प्रश्न पडला आहे. Are we missing something ?

१. फूड ब्लॉगरला पैसा यू ट्यूब देते
२. यू ट्यूब तेथे अ‍ॅड्स दाखवून त्या कंपन्यांकडून पैसे घेते.
३. यातून लोक आपली उत्पादने घेतील या अपेक्षेने अ‍ॅड देणार्‍या कंपन्या सोशल मार्केटिंग बजेट्स वापरतात.
>>>
4. व्युव्हर्स ऍड न बघताच स्किप करतात.

५. प्रेक्षकांचा वैयक्तिक डेटा गुगल गोळा करते आणि त्यानुसार त्या त्या प्रेक्षकाला ठराविक जाहिरात दिसते.
६. गुगल ह्यासाठी जाहिरातदार कंपनी कडून पैसा कमवते (फोकस्ड जाहिरात - टार्गेट लोकांसाठी)
७. टार्गेट प्रेक्षक कुठल्या निकषांवर ठरवावा, त्या जाहिरातींचा काय आणि किती परिणाम झाला, जाहिरात धोरणात काय बदल करावा ह्याचा अनालिसीस करायला जाहिरातदार कंपनी वेगवेगळ्या कंपन्यांना (सर्वेक्षण करणाऱ्या, अनालीसिस करणाऱ्या, इत्यादी) पैसे देते
८. अनालिसिस करणारी कंपनी जाहिरातदार कंपनीला त्यांची धोरणे किती नफा मिळवून देत आहेत हे दाखवते. तो का होतो आहे ह्याचा अभ्यास ह्या कंपन्या करतीलच असं काही नाही. किंबहुना त्याची फारशी फिकीर कुणाला नसते. कदाचित ब्रँड चे नाव लोकांच्या कानीकपाळी टाकत राहणे, लोकांना योग्य वेळेस आपले उत्पादन दाखवणे (म्हणजे कुणी गूगलवर टिव्ही च्या किमती बघत असेल तर पुढचे काही दिवस त्याला टिव्ही विक्रेत्यांच्या, साऊंड सिस्टीम विक्रेत्यांच्या, ओटीटी च्या वगैरे जाहिराती दाखवणे), ठराविक वेळेस डिस्काउंट आहे असे दाखवणे, ठराविक वस्तुसोबत पाहिजे असलेली दुसरी वस्तू मोफत आहे असे दाखवणे इत्यादी अनेक प्रकारे लोकांना खरेदी करायला उद्युक्त केले जाते. जितक्या लोकांना जाहिरात दाखवली त्यातले खूपच कमी लोक खरेदी करणार हे सर्वांनाच माहिती असते. पण सर्वांनाच कॉमन जाहिरात दाखवण्यापेक्षा टार्गेट प्रेक्षक हेरून त्यांना ठराविक जाहिरात दाखवली तर त्यातून मिळणारा नफा हा तुलनेने जास्त असावा.

थँक्स हपा. हो त्या personalization बद्दल कल्पना आहे. पण नफा नक्की त्यातून होतो का - किंवा तीच व्यक्ती तेथे जाहिरात पाहून त्यानंतर आठवड्याभरात कोठूनतरी खरेदी करते का - या लेव्हलचा अ‍ॅनेलिसिस कंपन्या करतात असे ऐकले आहे. पण तू लिहीले आहेस तसेच असावे - त्यातून थेट आर्थिक नफा किती यापेक्षा ब्रॅण्ड सतत लोकांसमोर आदळत राहणे हे मुख्य मोटिवेशन असावे.

सीमा - लिही तू ही.

अनिंद्य - हे या ब्लॉगर्स शी संबंधित असल्याने इथे लिहीले. अवांतर होत असेल तर वेगळी कडे ही चर्चा करू.

आर्थिक नफा अर्थातच होत असणार. अ‍ॅनॅलिसिस करणार्‍या कंपन्यांचं कामच ते आहे की ती जाहिरात किती परिणामकारक आहे ते दाखवणे. ज्या अर्थी हा अ‍ॅनॅलिसिस करूनही कंपन्या जाहिराती चालूच ठेवत आहेत, नपेक्षा वाढवतच आहेत, त्या अर्थी नफा नक्कीच होत आहे.

मी थेट आर्थिक नफा किती - ह्याकडे ते दुर्लक्ष करतात असं म्हटलेलं नाही. तो नफा किती हे त्यांचं मुख्य ध्येय असणार. फक्त तो नफा का होत आहे, त्यामागे काही मनोवैद्यानिक कारणे आहेत का, ह्यामध्ये त्यांना फारसा इंटरेस्ट असेल असं वाटत नाही. काही ठराविकच कंपन्या त्यात डोकं खुपसत असतील आणि बर्‍यचश्या कंपन्या बाकीचे करतात म्हणून आपण करून बघू असा दृष्तिकोन ठेवत असणार.

वरती मटा/लोकसत्ता दर्जाचे टायपो केल्याबद्दल क्षमस्व.

जाहिरातींचा मनावर अप्रत्यक्ष परिणाम असतो.
उदाहरण:
1. मी लोळत युट्युब व्हिडीओ बघतेय.त्यावर अजीओ ची ऍड आली.मी स्कीप केली.
2. नंतर मी मायबोली उघडली.मायबोली ने मला दाखवलं की अजीओ वर चांगला सेल चालू आहे.
3. मला गुगल पे वर अजीओ चं कुपन मिळालं जे 1000 च्या खरेदीसाठी 200 रु डिस्काउंट देतंय.
4. अजीओ चा 1000 चा फायदा झाला.हेच टॉप मला 15 किलोमीटर ड्राईव्ह करून एफ सी रोड ला अजीओ पेक्षा 100 रु स्वस्त पडले असते.पण 30 किलोमीटर चे पेट्रोल, मग खरेदी करून स्वयंपाक करायला वेळ नाही म्हणून बाहेर खाण्याचा खर्च हे पाहता मला अजीओ ने महाग विकलेले कपडेही परवडले.
5. कोरियन सिरीज बघत त्यातले कॉस्मेटिक ब्रँड पाहिले. मेकअप वापरत नसल्याने स्पष्ट दुर्लक्षच केले.
6. अचानक ऑफिस पार्टी निमित्त कुठेतरी चकाचक ठिकाणी जायला आपले थोबाड, केस व कपडे योग्य नाहीत याची जाणीव होऊन आता मेकप चे सामान घ्यायचेच तर त्या कोरियन सिरीज ने सुचवलेले घेऊ असे करून घेतले गेले.
7. फेसबुक माझी खरेदी आवड लक्षात घेऊन मला स्वतंत्र.कॉम आणि उन्नती सिल्क च्या साड्या सारख्या दाखवतं. मी 3 महिने दुर्लक्ष केलं.मग एक समारंभ आला आणि त्यातली एक साडी ऑनलाइन मागवली.

युट्युब किंवा फेसबुकवर दाखवलेल्या जाहिराती हा त्यांचा नजदिकी नुकसान दूर का फायदा असतो.ते सिगारेट चे पाकीट आणि त्यावर दाखवलेले तंबाखू ने सडलेले तोंड जसे मनात 100 वेळा जाहिरात पाहिल्यावर भिनत जाते तसे. फेसबुक युट्युब मायबोली जाहिरातींवर सेटिंग बदलणे, डकडकगो वापरणे हे उपाय आहेतच पण ज्याला या नशेची मजा करायचीच आहे तो काही हे वापरत नाही

युट्युबचं प्रीमियम सबस्क्रिप्शन पण आहे. तिथूनही त्यांना रेव्हेन्यू येतो. तिथे ad न दाखवण्याचेच पैसे लावतात!
बाकी व्हिडियो category बघून ad कस्टमाईझ करत असावेत.

फा.. मलाही सेम हाच प्रश्न पडतो.
बरं... बाकी व्हिडियो category बघून ad कस्टमाईझ करत असावेत....म्हणावं तर तसेही नाही... मी कधीही टॉयलेट क्लिनिंग बद्दल काहीही बघत नाही...तरी सदैव हारपिक , डोमेक्स चा रतीब असतो आणि सौंदर्य प्रसाधने.... !!
काही काही जाहीराती तर इतक्या निर्बुद्ध पणे तयार केलेल्या असतात...की स्किप अ‍ॅड करायच्या आधी किमान ती कशाची जाहीरात आहे हे तरी कळावं ना प्रेक्षकांना...तर नाही!!!
पण ते सोशल मिडीया बजेटींग चं खरं असावं..... आहेत फंड्स.... वापरा....

YoutubeVanced अ‍ॅपमध्ये जाहिराती टोटली गायब असतात किंवा सगळ्या व्हिडिओच्या शेवटी क्लब केलेल्या असतात. (Advanced मधून Ad काढून टाकलंय.) बाकी सगळं यूट्यूबसारखंच असतं. आधी यूट्यूबमध्ये काम करणार्‍या काही लोकांनीच हे तयार केलंय.
असं ऐकलंय.

अवांतराबद्दल सॉरी.

Google forces YouTube Vanced to shut down ‘due to legal reasons’

https://www.theverge.com/2022/3/13/22975890/youtube-vanced-app-discontin...

अवांतराबद्दल सॉरी.

जाहिरातींचा मनावर अप्रत्यक्ष परिणाम असतो. >> +१
बरेच दिवस या विषयावर लेख लिहायचा विचार होता. जमले की लिहितो.

टेस्ला जाहिरात करत नाही- इंस्टेंड ते अमाऊंट आर अँड डी मध्ये टाकते...

जाहीराती कुणाला दाखवतोय तो डेमोग्राफिक एकदा समजला की टारेगेटेड अ‍ॅड दाखवता येतात. त्या ही हल्ली इंटरॅक्टिव्ह करण्याचे प्रकार चालू आहेत. कारची अ‍ॅड असली जवळच्या शोरूम साठी क्लिक करा वर क्लिक केलं की आपल्या गावातल्या शोरुमचा पत्ता, अपॉईनमेंट बुक करा, वेळ सांगा असले प्रकार पूर्वी काम करायचो त्या प्रॉडक्टवर करता यायचे. बँडरस्नॅच इन अ‍ॅड!
यूट्युब टीव्हीवर बघताना लॉगिन कराचा धोशा लावतं, फेबुला तर प्रचंड माहिती असतेच. नेफ्लिही (यातही लवकरच अ‍ॅड येणार आहेत) वेगवेगळी प्रोफाईल करतं त्यात कंटेंट क्युरेट करणे हे असतंच पण तुम्ही कोण, वय काय, लिंग काय, काय बघायला आवडतं, कुठल्या अ‍ॅड स्किप न करता बघितल्या आहेत, प्रोफेशन काय, साधारण पगार काय असेल, कुठल्या शहरात रहाता, पत्ता काय, नेबरहुड कसं आहे, आर्थिक स्तर काय असेल, लग्न झालेलं आहे का, लहान मुलांचा कंटेंट बघता का, दिवसाच्या कुठल्या वेळेला काय बघता, ब्राऊजर क्रोम वापरत असाल तर मग दिवाळीच. अ‍ॅमेझॉनला तर तुम्ही एक्झॅक्टली किती पैसे कशावर खर्च करता याची तुमच्यापेक्षा जास्त माहिती आहे. आता हा सगळा डेटा मोठ्या प्लेअर कडे असेल तर त्यांचा अ‍ॅड प्लॅटफॉर्म असू शकतो.
किंवा हा डेटा देऊन शेअर करुन अ‍ॅड प्लॅटफॉर्म कुठली अ‍ॅड दाखवायची ते सांगतं. ज्यांना अ‍ॅड द्यायच्या आहेत ते अ‍ॅड प्लॅटफॉर्मला देतात. लिनिअर टीव्ही (आपला जुना टीव्ही) वरच्या अ‍ॅड म्हणूनच जास्त इफेक्टिव्ह नसतात आणि त्यात फीडबॅकही कमी क्लालिटीचा मिळतो. पण त्यातही सुपरबोलच्या प्रेक्षकाचं डेमोग्राफिक माहित असल्याने तेव्हा टार्गेटेड करता येतात.
असो.

म्हणावं तर तसेही नाही... मी कधीही टॉयलेट क्लिनिंग बद्दल काहीही बघत नाही...तरी सदैव हारपिक , डोमेक्स चा रतीब असतो आणि सौंदर्य प्रसाधने.... !!

Toilet cleaning चे व्हिडियो पण असतात का? Ad साठी ते बघण्याची गरज नाही. समजा तुम्ही मराठी टीव्ही रिलेटेड किंवा इंडियन रेसिपीज इत्यादी बघत असला तर तुम्ही एक स्त्री आहात हे ताडून तुम्हाला cleaning products, cosmetics चे ads दाखवतात.

तुम्ही आजकाल ऑनलाईन लोकसत्ता वाचत असाल तरी तुम्हाला टॉयलेट क्लिनरची जाहिरात येऊ शकते. त्यांच्या बातम्यांची पातळी बघून जो मनस्ताप होतो, तो टॉयलेटमध्येच मोकळा होतो, हे आता गुगलपासूनही लपून राहिलेले नाही.

हपा

ऑनलाईन लोकसत्ता वाचत असाल तरी तुम्हाला टॉयलेट क्लिनरची जाहिरात येऊ शकते >>