शब्दरंजन (४)

कविन, नाही.

अजून ३ तासांनी उत्तर देतो.

शमदममदनमदभेद
ज्ञानेश्वरीतील शब्द

अर्थ : मनसंयमन व इंद्रिय विजय यांच्या योगाने कामाचा गर्व नाहीसा करणारा.
............
धन्यवाद !

खाली एकूण १० शब्द दिले आहेत. त्या प्रत्येकातील फक्त एकेक अक्षर घ्यायचे आणि नंतर योग्य तो क्रम लावून १०अक्षरी मराठी शब्द तयार करायचा.
सूत्र : कामाच्या आखणीबद्दल.

अमरपट्टाधारी
अथर्ववेदातून
जबाबदारीतून

कलरवकितीतो
काकूबाईचीआई
पूरियागायकाने

मनेकानंतरच्या
माहुताकडील

नबाबआणिरुबाब
नियोजनमंडळ

..............

योजन ही दिशा बरोबर

पूर्व, होय.

कामावरपूर्वआयोजन >>> नाही !
असा एक शब्द नाही.

'पूर्व' आणि योज.. हे बरोबर आहे .

सुधारित सूत्र : एखाद्या कामाची आखणी करावी आणि त्याप्रमाणे त्याची अंमलबजावणी देखील व्यवस्थित व्हावी अशा प्रसंगी हा शब्द वापरतात.

पूर्वयोजनेबरहुकूम
अगदी बरोबर , छान !

या खेळासाठी एक परिच्छेद दिलेला आहे.
त्यातील काही शब्द पुसून तिथे कंसात अंक घातले आहेत. अंक = पुसलेल्या अक्षरांची संख्या.
अंकांच्या जागी सुयोग्य शब्द लिहावेत.
उत्तरे ४ तासांनी लिहा.
.........

सोय आणि (५) यांचे विशेष (२) असते. काय (५) ना ? पण नीट (३) करून पहा; नक्की पटेल. जरा आपल्या (३) पिढ्या आठवून पहा. तेव्हा समाजात (४) यंत्रांची (५) होती. मूळ (२) संस्कृतीचे (२) लोकांमध्ये टिकून होते. त्यामुळे (४) श्रम न (५) केले जात.

(७) चटणी करायची झाली तर (४) किंवा (२-४) हीच साधने होती. अगदी पीठ सुद्धा (३) किंवा बाहेर (३) कुठे मिळत होते ? घरच्या (५ ) ते दळावे लागे. कपडे (४ ) आणि (४ ) ते देखील आपल्या हातांनीच. त्यामुळे शरीराच्या विविध (५ ) आपोआप (३ ) घडे. घराबाहेर फिरायची दोनच (३ ) - एकतर पायी चालणे किंवा (४ ). त्यामुळे (४ ) लोकांची अंगकाठी कशी (५ ) असे. अशा (६ ) काय बिशाद होती पोटे (४ ) ! आजही जंगलात राहणाऱ्या (६ ) लोक दिवसाकाठी तब्बल बारा (५ ) चालतात. त्यांच्या कित्येक (४ ) मधुमेह किंवा (६) हे शब्दसुद्धा माहित नाहीत.

(८) शहरीकरण वाढले. तिथली (४) वाढली तशी शहरे (४ ). अंतरे वाढत गेल्यामुळे (४ ) गरज निर्माण झाली. आता मर्यादित (५ ) अधिकाधिक लोकांना (३) लागते. त्यातून उभ्या राहिल्या (५ ) इमारती. मग काय, त्या प्रत्येकात वर जाण्यासाठी (५) बसवणे (३) आलेच. यातून वर चढण्याचा (९) व्यायामही थांबला.

(५) काय, तर आपले (४) कष्ट कमी करण्यासाठी यंत्रे आपल्या (४) अवतरली. पुढे त्यांचा (४ ) झाल्याने आपण यंत्रांचे (३) होऊन बसलो. विविध यंत्रांचा (४) वापर आणि मूलभूत शारीरिक (५ ) विसरू न देणे हे आपल्या (३) राहील.
.........................................

कविन छान.
फक्त काही ठिकाणी मुळात एक सलग शब्द आहे . तिथे जोडशब्द नाहीत
.....

उत्तरे लिहू शकता.

२ तासांनी मूळ लिहीतो.

मूळ :

सोय आणि (आळशीपणा) यांचे विशेष (सख्य) असते. काय (दचकलात) ना ? पण नीट (विचार) करून पहा; नक्की पटेल. जरा आपल्या (पूर्वीच्या) पिढ्या आठवून पहा. तेव्हा समाजात (एकूणच) यंत्रांची (कमतरता) होती. मूळ (कृषी) संस्कृतीचे (अंश) लोकांमध्ये टिकून होते. त्यामुळे (शारीरिक) श्रम न (कुरकुरता) केले जात.

(स्वयंपाकघरात) चटणी करायची झाली तर (खलबत्ता) किंवा (पाटा-वरवंटा) हीच साधने होती. अगदी पीठ सुद्धा (तयार) किंवा बाहेर (दळून) कुठे मिळत होते ? घरच्या (जात्यावरच) ते दळावे लागे. कपडे (धुवायचे) आणि (पिळायचे) ते देखील आपल्या हातांनीच. त्यामुळे शरीराच्या विविध (अवयवांना) आपोआप (व्यायाम) घडे. घराबाहेर फिरायची दोनच (साधने) - एकतर पायी चालणे किंवा (सायकल). त्यामुळे (तत्कालीन) लोकांची अंगकाठी कशी (शिडशिडीत) असे. अशा (जीवनशैलीत) काय बिशाद होती पोटे (सुटायची) ! आजही जंगलात राहणाऱ्या (आदिवासींमध्ये) लोक दिवसाकाठी तब्बल बारा (किलोमीटर्स) चालतात. त्यांच्या कित्येक (पिढ्यांमध्ये) मधुमेह किंवा (हृदयविकार) हे शब्द सुद्धा माहित नाहीत.

(औद्योगिकरणामुळे) शहरीकरण वाढले. (लोकसंख्या) वाढली तशी शहरे (विस्तारली). अंतरे वाढत गेल्यामुळे (वाहनांची) गरज निर्माण झाली. आता मर्यादित (क्षेत्रफळात) अधिकाधिक लोकांना (रहावे) लागते. त्यातून उभ्या राहिल्या (गगनचुंबी) इमारती. मग काय, त्या प्रत्येकात वर जाण्यासाठी (उदवाहक) बसवणे (ओघाने) आलेच. यातून वर चढण्याचा ( गुरुत्वाकर्षणविरोधी) व्यायामही थांबला. (एकंदरीत) काय, तर आपले (शारीरिक) कष्ट कमी करण्यासाठी यंत्रे आपल्या (जीवनात) अवतरली. पुढे त्यांचा (अतिरेक) झाल्याने आपण यंत्रांचे (गुलाम) होऊन बसलो. विविध यंत्रांचा (मर्यादित) वापर आणि मूलभूत शारीरिक (हालचालींना) विसरू न देणे हे आपल्या (हिताचे) राहील.

बासरी साठी समानार्थी शब्द
पावा, वेणू, मुरली, अलगुज

इत्यादी परिचित आहेत.

अजून एक तीन अक्षरी शोधा. मला कालच मिळाला.
छान आहे

बरोबर !

खासच !
छान नाव ..