मलई बर्फी

Submitted by सायो on 15 March, 2009 - 13:07
malai burfi
प्रत्यक्षात लागणारा वेळ: 
१५ मिनिटे
लागणारे जिन्नस: 

१ कन्डेन्सड मिल्कचा कॅन(साधारण ८ oz)
2 कप मिल्क पावडर (कार्नेशन ब्रॅन्डची नॉन फॅट ड्राय मिल्क)
अनसॉल्डेड बटर- १ स्टिक,
चवीप्रमाणे पिठीसाखर.
शोभेकरता बदाम, पिस्ता,केशर इ.

क्रमवार पाककृती: 

मायक्रोवेव्ह मध्ये चालणार्‍या खोलगट बोलमध्ये साखर, ड्रायफ्रूट्स सोडून सर्व जिन्नस एकत्र करुन घ्यावेत.३ मिनिटांकरता मायक्रोवेव्ह करुन घ्यावेत. बाहेर काढून एकदा नीट ढवळून घ्यावेत. परत मायक्रोवेव्हला टाकून दोन मिनिटं गरम करावं. परत एकदा बाहेर काढून ढवळून घेऊन पुन्हा मायक्रोवेव्हला १ मि. गरम करावे.
बाहेर काढून केशर, बदाम ,पिस्ते इ. ड्रायफ्रूटस घालवीत. आणि चांगलं घोटून चवीप्रमाणे पिठीसाखर घालावी व तूप लावलेल्या प्लेटमध्ये पसरुन गार झाल्यावर वड्या पाडाव्यात. वरुन हवे असतील त्याप्रमाणे बदाम, केशर, पिस्ते पसरावेत.
ह्याचेच पेढे करण्याकरता: वरील प्रमाणेच घोटून घेतल्यावर थोडं गार होईपर्यंत थांबून पेढे वळावेत.

वाढणी/प्रमाण: 
साधारण १२,१३ वड्या.
अधिक टिपा: 

इथे ८ औंसाचा कन्डेन्स्ड मिल्कचा/मिल्कमेडचा कॅन मिळत नाही. जो मिळतो तो १४ औंसाचा आहे. तेव्हा तो सगळा वापरला तरी चालेल (पान क्र. २ वर ह्याबद्दल लिहिलेलं आहे)
मूळ रेसिपीत जरी पिठीसाखर घाला असं म्हटलं असलं तरी साखर घालावी लागत नाही.

माहितीचा स्रोत: 
मैत्रिण
आहार: 
शाकाहारी
पाककृती प्रकार: 
गोड पदार्थ
शब्दखुणा: 
बर्फी
गोड
दूध
Groups audience: 
पाककृती आणि आहारशास्त्र
Group content visibility: 
Public - accessible to all site users
शेअर करा

वा वा मलई बर्फीला मरण नाही Happy

प्राचीने केलेली बर्फी कातील आहे. आडोची दुसर्‍या फोटोतली बर्फी (ट्रेकिंगला जाऊन आल्यागत) ढेपाळलेली वाटतेय Wink

कीप इट अप म. ब. Proud

Submitted by तृप्ती आवटी on 17 January, 2012 - 19:05

सिंडी, तू भारतात असताना तुला भेटलेल्या माबो मैत्रिणींना तुला निरोप द्यायला सांगितला होता की 'म ब खुशाल आहे. अधून मधून वर येतेय' Wink

Submitted by सायो on 17 January, 2012 - 19:13

Lol

सिंडे, हो बर्फी थोडी ढेपाळलेलीच होती. १ दिवस फ्रीजमध्ये ठेवल्यावर मात्र वठणीवर आली.

Submitted by आऊटडोअर्स on 17 January, 2012 - 22:02

केली मलई बर्फी शेवटी! मि गॅस वर केली, छान झालेलि. ग्रॅन्युलर बर्फी हवि असेल तर वेगळी मिल्क पावडर वापरावि लागेल का? माझी बर्फी smooth झाली होती मि nestle मिल्क पावडर वापरलि होती. कंडेन्स्ड मिल्क टीन मधुन काढुन काचेच्या बाटलीत फ्रिज मधे ठेवले आहे. ते किति दिवस टिकेल?? कि लगेच वापरुन संपवावे? ते अजुन कशात वापरता येइल?

Submitted by तनू on 31 January, 2012 - 06:07

अवंतिका, कन्डेन्स्ड मिल्क फ्रिजमधे ठेवलेत तरी शक्यतो लवकर संपवा. ते वापरून केक, खीर, लाडू इत्यादी पदार्थ करता येतात.

www.nestle.com इथे पहा.

Submitted by मंजूडी on 31 January, 2012 - 06:09

Thanks मंजूडी

मगाशि तुला thanks म्हनायच राहिल. तु दिलेल प्रमाण वापरुन बनवलि होति बर्फी Happy

Submitted by तनू on 31 January, 2012 - 06:16

ह्या मार्झेपान कँडिज (?) आहेत. कृपया कुणी तरी मलई बर्फीला असे आकार आणि रंग देऊन इथे फोटो/कृती डकवावी Happy

Submitted by तृप्ती आवटी on 5 March, 2012 - 10:09

सिंडी, मला वाटलं म ब आहे. पुढच्या वेळेला भेटलीस शिसान करणार्‍ होते Wink
मस्त दिसतायत, एकदम रियल.

Submitted by सायो on 5 March, 2012 - 10:56

सगळ्यांनीच मस्त मस्त फोटुच टाकले आहेत Happy

Gas वर करायची पद्धत कुणी सांगु शकेल का? म्हण्जे आच, वेळ इ.इ.

रच्याकने, पान ६ वरचा मॄ चा स्टेप बाय स्टेप फोटोचा प्रतिसाद माझ्या मते तरी AWard winning आहे .. Happy

Submitted by वेका on 2 May, 2012 - 09:52

वेका, मी नेहमी गॅसवरच करते. बटर, कंडेंसड मिल्क, मिल्क पावडर असं सगळं भांड्यात एकत्र करून गॅसवर ठेवायचं. मंद आचेवर. साधारण १२-१३ मिनिटात मिश्रण कडेने सुटू लागते आणि गोळा व्हायला लागते. ती स्टेज आली की गॅस बंद करायचा अन मग तूप लावून ठेवलेल्या ट्रे/ ताटात ते पसरवायचं. पेढे करायचे असतील तर गॅसवर थोडं १-२ मिनीटं जास्त वेळ ठेवायचं. मिश्रण कोमट /साधारण हाताला चटके बसणार नाही इतपत गार झालं की पेढे वळायचे. पूर्ण गार झाल्यावर पेढे वळू नये. त्याला चिरा जातात.

Submitted by बिल्वा on 2 May, 2012 - 09:58

आली का परत वरती मलई बर्फी.. आता मात्र करायलाच पाहिजे Happy
ही रेसिपीच एकदंरित अवॉर्ड विनिंग आहे !!

Submitted by माधुरी१०१ on 2 May, 2012 - 11:50

भारी फोटो आहे प्रीति!! कोणती पद्धत वापरलीस ते नाही कळले.

बिल्वा, धन्यवाद! मी आता पुढल्या वेळेला गॅसवरच करेन.

Submitted by ज्ञाती on 2 May, 2012 - 14:22

मस्त पाकृ! Happy अगदी मला मलई बर्फी / कलाकन्द असे काहीतरी करायची इच्छा झाली होती आणि हा धागा वर आला. आमच्याकडे अजून मावे घेतला नाहिये..पण बिल्वाताईन्नी सान्गितल्याप्रमाणे करून बघीन आधी..तुम्हा दोघीन्चे आभार.. Happy

Submitted by मुग्धा on 24 May, 2012 - 05:48

Pages