मलई बर्फी

Submitted by सायो on 15 March, 2009 - 13:07
malai burfi
प्रत्यक्षात लागणारा वेळ: 
१५ मिनिटे
लागणारे जिन्नस: 

१ कन्डेन्सड मिल्कचा कॅन(साधारण ८ oz)
2 कप मिल्क पावडर (कार्नेशन ब्रॅन्डची नॉन फॅट ड्राय मिल्क)
अनसॉल्डेड बटर- १ स्टिक,
चवीप्रमाणे पिठीसाखर.
शोभेकरता बदाम, पिस्ता,केशर इ.

क्रमवार पाककृती: 

मायक्रोवेव्ह मध्ये चालणार्‍या खोलगट बोलमध्ये साखर, ड्रायफ्रूट्स सोडून सर्व जिन्नस एकत्र करुन घ्यावेत.३ मिनिटांकरता मायक्रोवेव्ह करुन घ्यावेत. बाहेर काढून एकदा नीट ढवळून घ्यावेत. परत मायक्रोवेव्हला टाकून दोन मिनिटं गरम करावं. परत एकदा बाहेर काढून ढवळून घेऊन पुन्हा मायक्रोवेव्हला १ मि. गरम करावे.
बाहेर काढून केशर, बदाम ,पिस्ते इ. ड्रायफ्रूटस घालवीत. आणि चांगलं घोटून चवीप्रमाणे पिठीसाखर घालावी व तूप लावलेल्या प्लेटमध्ये पसरुन गार झाल्यावर वड्या पाडाव्यात. वरुन हवे असतील त्याप्रमाणे बदाम, केशर, पिस्ते पसरावेत.
ह्याचेच पेढे करण्याकरता: वरील प्रमाणेच घोटून घेतल्यावर थोडं गार होईपर्यंत थांबून पेढे वळावेत.

वाढणी/प्रमाण: 
साधारण १२,१३ वड्या.
अधिक टिपा: 

इथे ८ औंसाचा कन्डेन्स्ड मिल्कचा/मिल्कमेडचा कॅन मिळत नाही. जो मिळतो तो १४ औंसाचा आहे. तेव्हा तो सगळा वापरला तरी चालेल (पान क्र. २ वर ह्याबद्दल लिहिलेलं आहे)
मूळ रेसिपीत जरी पिठीसाखर घाला असं म्हटलं असलं तरी साखर घालावी लागत नाही.

माहितीचा स्रोत: 
मैत्रिण
आहार: 
शाकाहारी
पाककृती प्रकार: 
गोड पदार्थ
शब्दखुणा: 
बर्फी
गोड
दूध
Groups audience: 
पाककृती आणि आहारशास्त्र
Group content visibility: 
Public - accessible to all site users
शेअर करा

आज डब्यात मँगो म.ब. नेली होती. एकदम हिट्ट.
सायो म.ब. च्या रेसेपीसाठी खूप खूप धन्यवाद. बरेच व्हर्जन्स करून झालेत.

Submitted by अल्पना on 11 April, 2013 - 04:43

बिल्वा धन्यवाद.

मला इथे भारतात अमूल मिल्कमेड किती आणि मिल्क पावडर किती आणि कोणती तसेच बटर स्टीकच्या ऐवजी काय व किती वापरावे हे सांगशील का?

Submitted by आशिता१३०५ on 30 July, 2013 - 09:33

मी हि रेसिपी व सर्व प्रतिसाद वाचुन ,खालच्या प्रमानानुसार बर्फि केलि.खुप छान झाली .
प्रमाण-
१ टिन मिल्कमेड,
२ टिन दुध्(मिल्कमेड्चाच रिकामा टिन माप म्हणुन वापरला)
४ टिन दुध पावडर
.२५ टिन तुप

हे सर्व एकत्र करुन मावे मधे १२ मिनित ठेवले.
दर २ मिन नंतर व्यवस्थित मिक्स केले.
तुप लावलेल्या थाळ्यात थापले.

माझ्या एका मैत्रीणीने सुध्दा केली पण तिला १४-१५ मिन लागली.
जेव्हा मिश्रण तुप सोडु लागते तेव्हा थापायला घ्यायचे.

Submitted by meeradha on 30 July, 2013 - 09:45

इव्हॅपोरेटोड मिल्क आणि कन्डेन्स्ड मिल्क वेगळं का... गोडाच्या वाटेस नसल्यानं तिथलं काहीच माहीत नव्हतं... पण ही मब करणे आहे...

Submitted by चिवा on 10 August, 2013 - 10:21

वेका, प्रत्यक्षात बर्फीला सुरेख गुलाबी रंग होता. फोटोग्राफरची कमाल.. Sad Proud .. दुसरं काय?
तुला एकटीलाच त्या तश्या वाटल्या नाहीयेत. Happy

Submitted by बिल्वा on 10 August, 2013 - 10:29

काल एकदाची मलई बर्फी घडली. थोड्या प्रमाणात केली. मस्त झाली एकदम!!
सगळ्यांना आवडली. धन्यवाद!
यंदा गणपतीला घरात प्रसाद करणार Happy

Malai Barfi.jpg

Submitted by manee on 12 August, 2013 - 00:38

Pages