निसर्गाच्या गप्पा (भाग ११)

वा अनिल भारी आहे शेती, काय टपोरी लिंब आहेत:)
शेवटच्या प्रचितल्या वेली काळेमीरीच्या आहेत ना ?

शेवटच्या प्रचितल्या वेली काळेमीरीच्या आहेत ना ?
ईनमीन तीन,
त्या वेली पानमळ्यातल्या खाऊच्या पानाच्या आहेत,"नागवेली" अस म्हणतात, त्यामुळे गावाकडॅ "नागवेली प्रसन्न" अस लिहिलेलं अनेकांच्या गाडीवर सरास दिसतं.
गावी गेलो कि अशी २५-३० लिंबु येताना आई पिशवीत घालते, पुण्यात आल्यावर १०-१२ दिवस लिंबु आहेत तसे राहतात्,वास देखील तसाच.

केवढी ती हळद!!... मागे मी बागेत हळद लावण्याचा प्रयत्न केला होता, पण...:अरेरे:

नागवेली प्रसन्न...:हाहा:

दिनेशदा, किलीमांजारोची माहिती एकदम मस्त!

व्वा! अनिल फोटो एकदम मस्त. घाणेरी फुलली आहे म्हणजे फुलपाखरेही असणारच.

काश माझेही एक शेत असते.......

मला शेत नको मला फक्त माझ्यासमोर बाग हवी माझी आपली बाग.

मला शेतच हवेय.... अजुन शेत घ्यायचे स्वप्न साकार झाले नाही..

अनिल छान आहे तुमची शेती कधी बोलवताय बघायला , रच्चाकने या नागवेलीची लागवड कशी होते, याला फळ लागतात का? की मनी प्लॅट सारखी लागवड होते,
"नागवेली प्रसन्न"

दिनेशदा, माहिती मस्त !
अनिल, सुंदर आहे शेती तुमची ! खरंच आपण एक गटग करूच तुमच्या शेतावर !

मनीप्लँट सारखीच. वेलीला फुटवे येतात ते जाडसर बघून लावायचे. फळे कधी पाहिलेली नाहीत.

सुदुपार,
शेती असुन पुण्यापासुन खुप लांब असल्यामुळे खुप मिसल्यासारखं होतं,जरी कुठलिही शेती दिसायला सुंदर दिसते पण त्यामानाने उत्पादन घेताना (नैसर्गिक) अडचणी आहेत,त्यांला तोड देऊन जे पिकवतो,त्याला मिळेल तो बाजारभाव स्विकारावा लागतो.
गेल्या महिन्यात भावाने १ एकर बागेत दुधी भोपळा लावला, जोमाने वाढ झाली,दुधींची वाढ खुप जोरात होते,महिन्यात साधारण २ टन माल निघाला, बाजार पेठेत दर २-३ रु किलो असा मिळाला.

प्रज्ञा१२३,
त्यासाठी तुम्हाला सांगलीजबळ यावं लागेल

२-३ रु किलो >> ठाण्याला २० रु. च्या खाली चुकूनही मिळत नाही हल्ली. ह्या दलालांचे खरेच काहीतरी करायला हवे.

माझा खारीचा वाटा....

अनिल ...मस्तये शेती.

दिनेशदा, किलीमांजारोच्या लिंकांबद्दल धन्स!

<<केवढी ती हळद!!... मागे मी बागेत हळद लावण्याचा प्रयत्न केला होता, पण...<<
शांकली, माझ्या आईने लावलीये घरी कुंडीतच. चांगली मोठी पानं पण झालीत. पण त्याच्यापुढे काय करायचं हे मलाही माहित नाही? त्या पानांचा कुठे उपयोग होतो का?

आर्या,
थोडक्यात सांगतो...
हळद ही साधारण ५ महिन्यात तयार होते,पाने साधारण पिवळसर होऊन नंतर वाळु लागतात...
मग हळद जमीनीतुन (हळु उकरुन) बाहेर काढावी,
हळदीच्या ओल्या (फण्या) बाजुला काढाव्यात,(साधारण केळीच्या घडासारखे बाजुंनी कच्ची हळकुंडाचे २-१० जोड असतात)
त्या चांगल्या पाण्यात घालुन शिजवाव्यात,
८-१० दिवस कडक उन्हात खडख्डीत वाळवल्यानंतर मग पॉलीश करावे,पिवळीधमक हळकुंड तुम्हाला मिळेल.
(मोठ्या प्रमाणात असलेल्या हळदीसाठी मोठ्या फिरत्या ड्रमचा वापर केला जातो)

अनिल, मस्तच आहे तुमची शेती. निसर्ग गटग करायला ब्येश्ट!

बाजारात लोणच्यासाठी ओली हळद मिळते ती लावली तर येईल का?

मागच्या आठवड्यात हुबळीला बाजारात मोठ्या लिलीसारखी पानं मुळासकट विकतांना बघितली. याचं काय करतात म्हणून चौकशी केल्यावर समजलं, ही पानं घालून साधा भात शिजवला तर त्याला बासमतीसारखा वास येतो. घरी आणून लावली, पण सगळी पानं वाळून चाललीत ... झाड जगेल असं वाटत नाही. ही पानं घालून खरंच बासमतीचा वास येतो का?

जान्हवी मस्त फोटो...

अनिल, गावाहून येताना शक्य तितका भाजीपाला आण, आणि पुण्यातल्या शेजार्‍यांना कल्पना दे. हातोहात खपतील भाज्या..

त्या हळदीचे, सांगली भागात पेव असतात असे वाचले होते. जमिनीत खड्डा खणून ती प्रक्रिया करतात आणि त्या मातीच्या गूणधर्मामूळे तिथे चांगली हळद तयार होते..

गौरी, तिच हळद लावायची.

आर्या, हळदीच्या पानात पातोळ्या करतात. उकडीच्या मोदकाचाच अवतार तो. पण संपूर्ण पानावर पिठ थापायचे आणि त्यावर सारण घालून, अर्धे दुमडायचे, आणि मग वाफवायचे. छान लागतो हा प्रकार. काकडीचे धोंडस करताना, तूप कढवतानाही टाकतात.

मस्त फोटो अनिल यांच्या बागेचे....

फक्त २-३ रू. किलो भाव म्हणजे शेतकर्^याची लूटमारच ...यावर काही उपाय नाही का? डायरेक्ट सेलिंग ऑपश्न्स??

सुप्रभात. (वाचतेय.)

त्या हळदीचे, सांगली भागात पेव असतात असे वाचले होते. >>> डॉ अनिल अवचट यांनी यासंदर्भात बर्‍याच वर्षांपूर्वी एक लेख लिहिला होता - त्यात त्या पेवांचे भयाकारी वर्णन होते (कामकर्‍यांच्या जिवीताचा विचार करता..)... होप, आता परिस्थिती सुधारली असेल....

'पेव' म्हणजे काय?
पेव फुटणे या वाक्प्रचाराशी काही संबंध आहे का?

पेव म्हणजेच कणगी का?

पेव हे एक प्रकारच झुडुप असते. पहिल्या पवसानंतर ते उगवते. याची वाढ प्रचंड वेगात होते आणि एकाच वेळी अनेक झुडपे येतात. म्हणजे आज जिथे काहीच नाहीये ती जमीन उद्या पूर्णपणे पेवाने भरून गेलेली असते. त्यावरून पेव फुटणे हा वक्प्रचार आला.

माझ्याकडचा फोटो बहुतेक पिकासावर नाही चढवलेला. म्हणून हा नेटवरून साभारः

दिनेश म्हणतात ते पेव वेगळे.

अनिल, गावाहून येताना शक्य तितका भाजीपाला आण, आणि पुण्यातल्या शेजार्‍यांना कल्पना दे. हातोहात खपतील भाज्या.. >> अनुमोदन.

आज मी सकाळी एक छोटा पक्षी बघितला . तारेवर बसला होता. रंग बाकीचा पोपटाचा पण डोके आणि पाठीवर तांबुस होता. आकाराने पोपटाचे पिल्लु म्हणुन खपला असता पण बसायची ढब किंगफिशरसारखी होती. फोटो काढेपर्यंत उडुन गेला. उडताना तांबुस- पोपटी असे दोन्ही कलर दिसले. कोणता असु शकेल?

बाजारात लोणच्यासाठी ओली हळद मिळते ती लावली तर येईल का?
गौरी,
हळद लागवडीसाठी वेगळी बी मिळते, ती यापेक्षा वेगळी असते,(कांद्याच्या आकाराची मुळे असलेली) तीच लावली तर नवीन हळकुंड मिळु शकेल,हळद काढली कि पुन्हा नविन बी देखील मिळते,ती पुन्हा वापरता येते.हळद काढली कि फोञो टाकेन्,येताना थोडे इकडे घेऊन येईन.

दिनेशदा,
शेतात दरवर्षी असुनही त्याच्या पानाचे इतके उपयोग घरी (माहित नसल्यामुळे) कधी पाहिले नाही,आता घरी/इतरांना सांगेन.
स्वस्त आणि मस्त भाज्या गावाकडुन इकडे आणण्याची कल्पना आवडली,तसा विचारही खुप दिवसापासुन चालला होता.