निसर्गाच्या गप्पा (भाग १०)

हो दिनेश, परागीभवन व्हायच्या आधी फूल पिवळे असते. परागीभवन झाल्यानंतर लाल होत जाते.

नुकतेच उमलले फूल हिरवट असते.

म्हणजे ट्राफिक सिग्नलच कि... कधी कधी या वेलाला एकाच घोसात ४/५ फुले लागतात. नाजूक झुंबर वाटते ते.
मग तोंडल्यासारखी फळेही दिसतात. आता पनवेल पर्यंत तर दाट वस्ती आहे पण पुढे शेती सुरु झाली कि कुंपणावर
या वेली, अगदी रस्त्याच्या आजूबाजूला पण दिसतात.

हा कळलावी च्या माझ्या संग्रहातला

ससा, छान फोटो.

तो खाली छोटासा भाग दिसतो आहे ना, त्याचे मग फळ होते.

माधव, ससा, मस्त फोटो.

ह्याला कळलावी म्हणतात का? आजच कळले. (किती ते घोर अज्ञान? :अरेरे:)

जागू, कुठे आहे? तिने स्वतंत्रता दिन साजरा केला का?

मानुषी सेम पिंच्...मी पण रविवारी मुंबई पुणे..>>>>>>>> हो का!निकिता !!!!! गुड!
अरे ..हे कळलावी आहे का? असं का नाव दिलंय?

कारण याचा कंद खाल्ला तर कळा ( हो त्याच त्या ) सुरु होतात, म्हणून !

माधव, ससा, मस्त फोटो.+१
नाव सुद्धा मस्तच!

ससा.. अतिशय सुंदर फोटो..
ओहो..कळलावी चा अर्थ असा आहे काय.. आत्तातरी हा अप्रतिम सुंदर ,क्लिअर फोटो जीवाला कळ लावतोय
दिनेश दा छान माहिती.. सिग्नल..

कळलावीला अजून एक समर्पक नाव आहे - अग्निशिखा! ........कारण पाकळ्या म्हणजे जणु काही लवलवत्या ज्वाळाच!

ससा आणि माधव, दोघांचेही फोटो मस्त!!

दिनेशदा, सिग्नल..:हाहा:

स_सा............मस्तच फोटो....:)

माधव, सचिन कळलावीचा फोटु मस्तच!!

कळलावीचे वाघनखे हे नावही ऐकले आहे.

कळलावी मस्तच.. आणि एक्स्प्रेसवेही मस्त.. त्याचे फोटो पाहुन एकदम जुना मित्र भेटल्यासारखे वाटले. दर महिन्याला त्याची भेट व्हायची, आता तर शेवटची भेट होऊन किती महिने गेले तेही आठवत नाहीय...

आमच्या बिल्डींगमध्ये तळमजल्यावरील एकाने एक वेल लावली ती बाजुलाच असलेल्या पिंपळाच्या झाडावर पसरली आहे. आमच्या घरातुन अगदी जवळ दिसते. आधी त्याला कृष्णकमळासारखे एक फुल आले होते आणि आता छोटे गोल फळ आलेत. बहुतेक ते पॅशनफ्रुट असावे. सध्या कॅमेरा जवळ नसल्याने फोटो काढता येत नाही. पण लवकरत टाकेन फोटो.

कळलावी आवडली.. मस्त आहेत सगळे फोटो..

सध्या कॅमेरा जवळ नसल्याने फोटो काढता येत नाही.>>>>>> केव्हडा हा अन्याय???

सध्या कॅमेरा जवळ नसल्याने फोटो काढता येत नाही.>>>>>> केव्हडा हा अन्याय???>>>>>हो ना म्हणुन सलग तीन दिवस सुट्टी असुनही घरीच होतो
.

धन्यवाद

https://fbcdn-sphotos-a-a.akamaihd.net/hphotos-ak-ash4/253806_4590523174...

आज अनेक दिवसांनी नि.ग वर आलोय कारण ही तसच आहे. काल अलिबाग मधे आम्हाला संपूर्ण वर्तुळाकार इन्द्रधनुष्य दिसल. मला नीट स्मरत असेल तर बहुतेक इंद्रवज्र असा शब्द आहे त्यासाठी. वर दिलेली लिंक क्लिक केली तर माझे मित्र राम जोशी यांनी काढलेल त्या मनोरम दृष्याच छायाचित्र पहाता येइल.

जाता जाता: आज ची सकाळ ही फार छान होती आज मी आयुष्यात पहिल्यांदा वासुदेव पाहिला. शुचिर्भूत असा, एकदम तरूण, पांढरा झब्बा व दुटांगी धोतर, भगवे उपरणे, खांद्याला झोळी हाती टाळ, डोक्यावर मोरपिसाची कुंची, कपाळी गोपी चंदनाचा टिळा, गळ्यात तुळसीमाळा, मुखी हरीनाम !!

उभा कसा राहिलाsss.... देव हा विटेवरी
पंढरीचा विठ्ठल कुणी पाहिला ? .... विटेवरी.

सुरेल आवाजात गायलेल वासुदेवाच भजन आज दिवस भर आता मनात गुंजत राहणार. आजचा दिवस छान आहे.

श्रीकांत, प्रचंड सुंदर आले आहे इंद्रवज्र. (हो बहुदा हाच शब्द आहे. मी पण इथेच माबोवरच वाचले होते त्या बद्दल)

इंद्रवज्र मस्तच व वासुदेवाचे वर्णनही भक्तिपूर्ण..... अशा प्रसंगांचं लगेच व्हिडिओ शूट करुन इथे शेअर करायला हवं होतं - वासुदेवाचं ते तुम्ही वर्णन केलेलं ध्यान बघता आलं असतं, तो अभंग ऐकता आला असता.....

अशा प्रसंगांचं लगेच व्हिडिओ शूट करुन इथे शेअर करायला हवं होतं - >>>> खरय तुमच पण आयुष्यात प्रथमच वासुदेवाच प्रसन्न करणार दर्शन झाल अन मला अस काही करायला सुचल नाही.

मला कळलावीची पाने कशी दिसतात ते बघायचे आहेत. हे झाड पाहिले आहे पण सारखा गुलमोहरच डोळ्यापुढे येतो अहे.

बी, वरच्या फोटोत आहे तसेच पान असते. साधारण बांबूच्या पानासारखे पण जरा लांब. वर लव नसते अगदी मुलायम पोत असतो. या पानांच्या टोकाने, हि वेल आधार पकडते.

जिप्स्या, पॅशन फ्रुटच असणार ते. कृष्णकमळ याच कूळातले.

हो दिनेशदा मलाही तेच वाटतंय.

गेल्या महिन्यात श्रीनगरहुन मुंबईला विमानाने येताना महाराष्ट्राच्या जवळपास येताच मलाही इंद्रवज्र दिसले, फोटो काढण्याचा निष्फळ प्रयत्न केला पण इंद्रवज्र खिडकीच्या थोडे खाली असल्याने फोकसच होत नव्हता. संपूर्ण गोल इंद्रधनुष्य आणि त्यात विमानाची सावली असं खुपच सुंदर दृष्य होते. शूटिंग करायचे लक्षातच आले नाही. शेवटी कॅमेरा गप्प आत ठेवून दिला आणि त्या दृष्याचा आनंद घेत राहिलो.
एका बाजुला पाण्याने भरलेले ढग, मध्ये विमान आणि दुसर्‍या बाजुला सुर्य. सुर्यामुळे विमानाची सावली त्या पाण्याने भरलेल्या ढगावर पडली होती आणि सभोवती गोलाकार इंद्रधनुष्य. आणि गमतीचा भाग असा कि विमानाची सावली जसजशी मोठी होत होती तस तसं ते गोलाकार इंद्रधनुष्यही मोठे होत होते.
खुपच सुंदर दृष्य होतं.

हे झाड पाहिले आहे पण सारखा गुलमोहरच डोळ्यापुढे येतो अहे.

दिनेशनी वर्णन केलेय तसेच असते साधारण. मी बघते मला फोटो मिळतो का ते. माझ्या जुन्या जिमच्या दारात आलेली कळलावी.

शूटिंग करायचे लक्षातच आले नाही. >>>>>. हेच ते. हल्ली तुझं लक्ष कुठेतरी गुंतलेल आहे. .

विमानातून खुपदा दिसते ते. पण शशांकला तर ते जमिनीवरून दिसले आहे. ( या वाक्यात हेवा ठासून भरलेला आहे. )

जिप्स्या, त्या फळावर लक्ष ठेव. हाती लागलं तर ते फोडून त्याच्या आतला फोटो टाक, म्हणजे मी सांगेन ते पॅशनफ्रुट आहे का ते !

श्रीकांत, इंद्रवज्र सुंदर टिपलंय!

दिनेशदा, तुम्हाला श्रीकांत म्हणायचंय का?...