निसर्गाच्या गप्पा (भाग - ६)

शोभा त्यात लाज कसली ग! होता हे कभी कभी.
बाय द वे ती फूल चिंचेची आहेत ना?
लहानपणी भरपूर खाल्ली आहेत, तूझ्यामूळे चव आठवली परत.
वर्षू धन्स गं.

उजू, अग ही चिंच नाही. मी एका फ़ुलाचा फ़ोटो काढायला पाहिजे होता.

चिमुरी, आता तुला याचा पत्ता देऊ का?

चालेल शोभा मी अशी झाडं सेनापती बापट रोडवर पाहिली आहेत...

विपूत देते.

शोभा हा कॅशिया आहे. कोल्हापुरात महावीर उद्यानाच्या वाटेवर होता. पण त्याची कत्तल झाली. त्या फुलंच्या तुर्‍याचा क्लोजप मिळाला तर छान. खुप सुंदर रंग
आणि आकार असतो.

मानुषी,
नारळ अगदी पूर्ण तयार होऊन सूकल्याशिवाय झाडावरुन पडणार नाही.
तो रुजण्यासाठी असाच पडावा, अशी निसर्गाची अपेक्षा असते. त्यासाठीच तर त्याला
भरभक्कम कवच असते.
पण तूमच्या झाडाचे नारळ उंदीर तर नाही ना कुरतडत ?
केरळमधे आता ट्रेन केलेली माकडे पण या कामासाठी वापरतात. अर्थान त्यांना नारळ तसा तोडता येणार नाही, पण ते गोल गोल फिरवून तो खाली पाडतात. त्यांना बिचार्‍यांना ना मजूरी ना नारळ.
असाच एक प्रकार मी कलकत्याजवळ मासेमारी करण्यासाठी ओटर्सचा वापर करतानाची फिल्म बघितली होती. त्यांच्या गळ्याभोवती फास असल्याने त्यांना त्यावेळी
मासे खाता येत नाहीत, पण नैसर्गिक कौशल्य असल्याने ते, मासे कोळ्यांच्या जाळ्यात
मात्र पाठवतात. पुरेसे मासे त्यांनी पकडून दिले कि मग त्यांना त्यांचा हिस्सा मिळतो.

uju, बर्‍याच दिवसांनी !
चिंचेची फुले पानात लपूनच असतात. अशी वरुन फारशी दिसत नाहीत.

निगडीच्या दुर्गा टेकडीवर स्वर्गीय नर्तक हा पक्षी आढळला आहे अशी कालच्या पेपरमधे बातमी होती.. पहिल्यांदाच त्या भागात हा पक्षी दिसला आहे.. कोणता पेपर ते आठवत नाहिये, त्यामुळे लिंक देता येत नाहिये...

केरळमधे आता ट्रेन केलेली माकडे पण या कामासाठी वापरतात. >>>>>>> हे ऐकलं होतं...

मासेमारी करण्यासाठी ओटर्सचा वापर>>>>> हे पहिल्यांदाच ऐकलंय...

हो दिनेशदा बर्याच दिवसांनी, वर कारण टाकली आहेत.
मला चिंचच वाटली ती. कॅशिया आपण निसर्ग उद्यानात पण पाहिला होता ना?

हा कॅशिया पुण्यात खुप ठिकाणी आहे. कर्वे रोडवर किर्लोस्कर कंपनीत ओळीने बरीच झाडे आहेत.

उजू, आता सगळे बरे आहेत ना ? पिवळ्या टॅबेबूयाचा झळाळता पिवळा रंग कधी
फोटोत नीट (मला तरी) पकडताच येत नाही.

कुणाला वि.द. घाटे यांचा "कॅशिया भरारला" हा लघुनिबंध आठवतोय का ?
आम्हाला, अभ्यासाला होता तो.

शोभा मागच्या पानावर मी पण गुलाबी बहाव्याचा फोटो टाकलाय बघ.>>>>>जागू कितव्या पानावर?

कुणाला वि.द. घाटे यांचा "कॅशिया भरारला" हा लघुनिबंध आठवतोय का ? >> आम्हाला पण होता कॅशियावर एक धडा. नाव आणि लेखक नाही आठवत आता. त्यात त्यांनी खाली गिरक्या घेत पडणार्‍या फुलांना पर्‍यांची उपमा दिली आहे का? मग तोच असेल पण कॅशिया गुलाबी असतो ना? त्या फोटोंत तो केशरी दिसतोय.

साधना, तूम्ही फ्लेमिंगो गटग केलेत का?

आमची वाट पाहात फ्लेमिंगो नी थंडी दोन्ही गेले

माधव, रात्री फोटो पाठवतो.
कॅशियाची पांढरी, गुलाबी आणि वरच्या रंगाची अशी तिन्ही झाडे, राणीच्या बागेत
आहेत (अस्वलाच्या पिंजर्‍याजवळ.)
घाट्यांच्या निबंधात आंब्याचे झाड आणि कॅशिया, यांची एकत्र वाढ. मग कॅशिया त्यातही तग धरतो असे संदर्भ आहेत.

आम्हाला वि.द. घाट्यांचा कॅशियावरचा धडा होता. कॅशिया कसा असतो ह्याचे मला खुप औत्सुक्य वाटलेले तेव्हा. काजुसारखा असावा अशी मी कल्पना केलेली

साधना मला वाटले की तूम्ही तरी गेला असाल.
न्येक्श्ट टायमाला आपण जमवूयात फ्लेमिंगो गटग.
दिनेशदा पिवळ्या टॅबेबूयाच्या रंगा बद्द्ल अगदि अचूक वर्णन केलेत हो-- झळाळता पिवळा रंग .डोळे दिपून जातात नाहि का असा फूललेला टॅबेबूया बघताना.
हा बघा खंड्या पक्ष्याच्या पिल्लाचा फोटो.

परवा आईकडे गॅलरीत आला होता चूकून, बहूदा कावळे मागे लागले असावेत.
खूप भेदरलेला होता. कापसाच्या बोळ्याने पाणी पाजले आणि टर्टल फूड होते आईकडे ते खाऊ घातले. थोड्या वेळाने उडून गेले साहेब.
लेकीचा जीव अजून खालीवर होतोय की ममा नीट पोहोचला असेल ना ग तो त्याच्या ममाकडे अस म्हणत.
फोटो मोबाईल मधून काढले असल्याने क्लॅरीटिच्या नावाने बोंब आहे.

जागू धन्स.
ह्यालाच चिमणी पाखर अस पण म्हणतात ना?
मला फार आवडतात हि फूल.

उजू ते फोटो अगदी लिंग निरपेक्ष आहेत. म्हणजे स्त्रीया तर म्हणतीलच पण पुरुषांना पण so cute असा प्रतिसाद देण्याशिवय गत्यंतर नाही

मी बाई जागुच्या चिमण्यांना क्युट म्हणणार.. मला लिंगनिरपेक्षता मान्य नाही.

मी जमलं तर टाकतो कॅशियाचा फोटो.
जागू, uju मस्त फोटो

उजु, छान

जागु कसली मस्त आहेत ती तोरणं... टोकाला मासे लटकल्यासारखे वाटतायेत

साधना

आता जागूकडच्या झाडांना पण मासे यायला लगले. ती खरी मत्स्यप्रेमी आहे.

खुपदा मला वाटते, निसर्गात आपली सहानुभूति कुणा एकाला असू शकणार नाही.
खंड्याच्या पिलासाठी वाईट वाटले तर कावळ्याची पिल्ले उपाशी मरतील ना ?
हा झगडा निरंतर चालूच असतो. तो चपळ आणि सक्षम असतो तोच टिकतो.
बिबळा धूर्त, जास्त क्षमतेचा म्हणून टिकला. त्यामानाने वाघ दुर्बळ ठरतोय.
कबुतरं शहराला अ‍ॅडजस्ट झाली, आणि चिमण्या मागे पडल्या..पण हे कायम नसतेच,
एखादी जास्तीची क्षमता निर्माण करुन, मागे पडलेली प्रजाती परत शर्यतीत येऊही शकेल.

जागू, आपल्याकडे ति झाडे अपघाताने आली. त्या फुलांची रचना बघता, हमिंग बर्ड
सोडला, तर आणखी कुणालाच त्यातला मधुरस पिता येणार नाही. कदाचित खुप झाडे
असतील, तर हमिंग बर्ड येतही असेल.

निसर्गात आपली सहानुभूति कुणा एकाला असू शकणार नाही.
खंड्याच्या पिलासाठी वाईट वाटले तर कावळ्याची पिल्ले उपाशी मरतील ना ?
हा झगडा निरंतर चालूच असतो. तो चपळ आणि सक्षम असतो तोच टिकतो.
बिबळा धूर्त, जास्त क्षमतेचा म्हणून टिकला. त्यामानाने वाघ दुर्बळ ठरतोय.
कबुतरं शहराला अ‍ॅडजस्ट झाली, आणि चिमण्या मागे पडल्या..पण हे कायम नसतेच,
एखादी जास्तीची क्षमता निर्माण करुन, मागे पडलेली प्रजाती परत शर्यतीत येऊही शकेल.>>>>>>>
किती टक्के अनुमोदन देऊ? (n no. of अनुमोदन्स!)

सगळ्यांचे फोटो सुंदर!

जागू, हेलिकोनियाला मी अजून एक गमतीशीर नाव ऐकलं. खरंतर हे नाव बहुधा त्या वहिनींनी स्वत:च ठेवलं असावं.. त्या ह्या फुलांना द्रौपदीची वेणी म्हणतात. (मी मनात म्हटलं की सीतेची वेणी नावाचे ऑर्कीड आहेच मग ओघानेच दुसरे एखादे फूल द्रौपदीची वेणी नावाने आलं.)