निसर्गाच्या गप्पा (भाग - ५)

लिखाण पाठवण्याचा दुवा http://vishesh.maayboli.com/node/add/v-article1

हे झाड कुठले?? सध्या कोकणात दर चार झाडांमागे हे पाचवे झाड फुलांचा भार सोसत उभे आहे

माझ्या गावच्या घरी आलेली पांढरी कोरांटी. ही आपल्या सोनटक्क्याएवढी मोठी आहे आणि दिसायलाही तशीच

हा तिचा पुष्पकोश

आणि हे रोपटे

ही आपली नेहमीची कोरांटी

मस्त आहे कोरांटी साधना.

मध्यंतरी लोणावळ्याला गेलो होतो. तिथे हे सुंदर रंगांच्या सुंदर फुलांचं झाड दिसलं :

ही तिथेच गडबड आणि मोठ्या आवाजात बडबड करत असलेली बदकं :

बागकामाचं पुन्हा मनावर घेतलं आहे. वाकोल्याहून २०-२० रूपयांत आणलेली ही रोपं :

शिवाय टोमॅटो, मेथी आणि हरभरे लावले आहेत. पुदिना लावलेला सुकला. आता पुन्हा आणून लावीन.

वरचे पिटुनिया सुकले की त्याच्या पुष्पकोशात तुळशीबीसारख्या बारिक बिया तयार व्हायच्या. मी बागेतुन हे पुष्पकोष मिळवुन माझ्या घरी पिटूनीया तयार करायचे. गेले ५-६ वर्षे पाहतेय, नो बी :(......

साधना - कोकणातले ते झाड "किंजळ".

माझ्या आईकडे ती पांढरी कोरांटी आहे शिवाय फिक्क्या केशरी रंगाचीही आहे. आता तिकडे गेल्यावर फोटो काढेन.

मी पण केशरी कोरांटीच पाहिलीय.

मस्त गप्पा चालल्यात, जागू माडीचा लेख पण वाचला (माडीवरचा, असे तरी कसे लिहू ?)
मी भरपूर भटकलो, भरपूर फोटो काढलेत. न्यू झीलंडमधला बीच, थर्मल गीझर, विंटर गार्डन, असे सगळे घेऊन भेटीला येतोय.

आज, ऑकलंड, उद्या हाँग काँग, परवा मुंबई, तेरवा दुबई आणि मग नैरोबी असा प्रवास आहे !!! लवकरच भेटू.

साधना, मस्त फोटो. ते झाड आणि माती बघून कोकण आठवल.
माझ्याकडे , पिवळी, आणि पांढरी कोरांटी आहे.
मामी: फोटो लई भारी.
आज, ऑकलंड, उद्या हाँग काँग, परवा मुंबई, तेरवा दुबई आणि मग नैरोबी असा प्रवास आहे !!! लवकरच भेटू. >>>>व्वा!. दिनेशदा, लवकरच आमचा पण फोटोतून प्रवास होणार तर.

दिनेशदा.. या लवकर.. वाट बघतोय.. तुमची पण आणि फोटोची पण..

साधनाताई -कोरांटी छान आहे
मामी - रंगीत बाग मस्तच,

दिनेशदा - माडीवरचा, असे तरी कसे लिहू >>
आज, ऑकलंड, उद्या हाँग काँग, परवा मुंबई, तेरवा दुबई आणि मग नैरोबी >> वाचता वाचताच दमलो

होय साधना तो किंजळच आहे. आम्ही दिवाळीनंतर कोकणात गेलो होतो तेव्हा पण हा असाच खूप फुललेला होता. अर्जुन, ऐन यांचा भाऊ!
मामी, बागकाम अगदी जोरात चालू आहे! ते लाल अलामांडा आणि बदकांचे फोटो सुरेख.

दिनेशदा, आता फोटोंची प्रतिक्षा आहे हं.............

धन्यवाद! कुणी सांगितलं आठवत नाही. पण संपूर्ण सुकलेली मधुमालतीची वेल काढून टाकणार होते. पण इथेच कुणी तरी सांगितलं की मधुमालती परत फुटते. काढू नकोस म्हणून.
मधुमालतीचा पुनर्जन्म पाहून इतका आनंद झालाय............!
मस्त कोवळी हिरवी तांबूस पानं आलीयत.

दिनेशदा, एकेका दिवसाला एकेक देश ? कसं काय जमवता बुवा एवढं !
साधना, मामी फुलांचे, कुंड्याचे फोटो छान आलेत. अगदि प्रसन्न वाटले.

मस्त आहेत सगळे फोटो.

जागू चा माडी चा लेख पण छान आहे.

मामी तुझे फुलांचे फोटो बघून कधी एकदा परत इथे वसंत येतो आणि मी परत ही सगळी रोपं माझ्या बागेत लावते असं झालय बघ ! पेटुनीया किती मस्त रंगात मिळाल्या तुला !

आणि तिथे पुदिन्याचे रोप विकत कशाला आणायला हवं ? घरी आणलेल्या जुडीतली जरा जाड काडी खोच की कुंडीत अर्थात जुडी विकत आणावी लागेल म्हणा !

या किंदळ / किंजळ ( Terminalia paniculata )वरुन आठवलं - या जातीतील अजून दोन वृक्ष - Terminalia bellirica - बेहडा व T. chebula हिरडा हे आपल्या सुपरिचित "त्रिफळ्या"मधे वापरले जातात - आवळ्याबरोबर. (Emblica officinalis आवळा) - या सर्वांची फळे वाळवून ती समप्रमाणात "त्रिफळा" या आयुर्वेदीय औषधात वापरली जातात.
त्रिफळा किती गुणकारी आहे हे आपण सर्व जाणताच.

जयु, शांकली धन्यवाद.

किंजळचा उप्योग काय असावा?? बहुतेक लाकुड वापरात असेल.

यावेळी गावी गेलेले तेव्हा माझ्या जात्यासाठी खुटा (दांडा ज्याने आपण जाते ओढतो तो) करुन घेतला. चुलत भावाने मस्त गोरापान गुळगुळीत खुटा बनवला. लाकुड कुठले म्हणुन विचारले तर म्हणाला आंजनी. इथल्या अंजनावरच्या लेखांची आठवण झाली

महाबळेश्वरला फुललेला एक

मला ते अंजन च आणि सोनसावरीच झाड पाहण्याची खुप इच्छा आहे.>>>>सोनसावर राणीबागेत आणि अंजनी पवईला बहरत असणार. बोल कधी येतेस????

आता कसली मी येतेय ? बघू तरी कधी योग येतोय ते.>>>>अरे हो फोटो काढल्यावर मी पोस्ट करेन इथे फोटो. फक्त त्या साधनाला नको दाखवूस. (तीला सांगितलंय कि मी इथे पवईचे फोटो टाकणार नाही )