निसर्गाच्या गप्पा (भाग - ५)

नितीन, मने सह्हीच फोटो

रच्याकने, परवाच्या गटगचा वृ कुणी लिहंतय का? नाहीतर मीच उद्या फोटो वृतांत टाकतो. मला जास्त वेळ फोटो माझ्याकडे ठेवायला आवडत नाही.

काळा बांबू कुठे मिळेल कोणाला ठावूक आहे का? कोणाकडे आहे का?

रच्याकने, परवाच्या गटगचा वृ कुणी लिहंतय का?>>
प्रयत्न चालु आहे. पण फोटो व्रुत्तांत तर टाकाच.

मनिताई, एम्प्रेस गार्डनचा फ्लॉवर शो बघायला जायचचं.... अस ठरवल होत पण... माझ्या चिऊला जरा बर नसल्याने जाता आलं नाही. तुझे फोटो पाहुन 'दुधाची तहान ताकावर....'
अजुन फोटो असतील तर पाठव ना.

ऋतू हिरवा, ऋतू बरवा, पाचूचा वनी रुजवा...........
http://www.maayboli.com/node/32180

प्रयत्न चालु आहे. पण फोटो व्रुत्तांत तर टाकाच.

मी तुम्हा दोघींना स्मस तर करतेच पण इथेही लिहिते. तुम्ही दोघींनीही तुमचे वृ. जिप्सीला पाठवा, त्यात तो योग्य जागी फोटो लिन्क अ‍ॅड करेल आणि मग तुम्हाला परत पाठवेल. मग ते तुम्ही दोघींपैकी कोणा एकीच्या नावाने प्रकाशित करु शकाल. म्हणजे वाचताना फोटो नी सोबत माहिती एकत्रच वाचायला मिळेल (जसे काही फुलांचे फोटो आणि त्याबद्दलचा मजकुर एकत्र).

त्याचा इमेल - Yogesh.jagtap@lionbridge.com

मने, फोटो मस्तच ग.
जागू, लेकीला माझ्यातर्फे शाब्बासकी दे. छान केलाय गुच्छ.

अरे वा उत्तम झालाय

अरे वा जागू. कौतुक ग तिचे

जागू, तुझी लेक शोभतेय हं! एवढ्या लहानपणापासून निसर्गप्रेम!

खरंच गं, प्रज्ञाला अनुमोदन! मस्त केलाय बुके. इतक्या छोट्या मुलीला रंगसंगतीची आणि आकारांची जाण खूपच आहे. मस्त. जागू, तिला एक गोड पापी आणि शुभाशीर्वाद!

काही दिवस पूर्वी मी इथे सौदीत हिवाळा सुरु झाल्यावर इथल्या हिशोबाने बर्‍या पैकी पाऊस पडल्याच लिहिल होत व आता काही रानटी फुलझाडं उगवतील त्याचे फोटो टाकेन अस तुम्हाला आश्वासन दिल होत. ते आज पूर्ण करतोय. खरतर नंतर जवळ जवळ तीन आठवडे थंडी कमी झाली होती त्यामुळे बिया रुजुन झाडं जरी उगवली तरी दव कमी पडल्यामुळे ती फारशी उंच वाढली नाही आता परत थंडी पडते आहे काल सहा डिग्री तापमान होत. त्या मुळे दव पुन्हा पडू लागल्यान झाड उंच नसली तरी लगेच फुलुन आलीत.

ही झाडं जेमतेम एक वीत उंच झालीत.

जिथे ही भरपूर उगवलीत तिथे असा गालिचा बघायला मिळतो.

ही काही सोनकी सारखी फुलही उगवलीत. यांची फुलण्याची जिद्द पहा. सिमेंट मधल्या सांधेजोड असलेल्या जागेत अशी किती वाळू असणार ? पण तिथेही मुळ रोवून ती उगवली व फुलली आहेत

ही सगळी झाड मी जिथे काम करतो तिथे केमिकलप्लाण्ट मधे, कारखान्यात उगवली आहेत. सुरक्षा कारणांसाठी माळी लोकांद्वारा ती काढून टाकली जातील कारण इथे वाळवंटात रॅटल स्नेक ही सापडतो . नोव्हे.२००९ मधे माझ्या कारखान्यात एक नव युनीट उभारल गेल. हाती पाने व हातोडे वागवणार्‍या लोकांमधे ही कलाकार लपलेला असु शकतो याची प्रचिती देणार कुणा अनाम कामगारान प्लाण्ट उभा करतांना मिळालेल्या मोकळ्या वेळात काढलेले हे चित्र पहा ( कलाकारांच्या भाषेत मार्कर पेन ऑन आयर्न बीम ) त्या झाडाची पान बघा हुबेहूब पिवळ्या फुलांच्या झाडासारखी आहेत फुलं मात्र वेगळी आहेत मला ती शोधावी लागतील. एकाफुलाच्या खाली त्याने एक अळी ही काढली आहे.

प्लाण्ट मधला चित्रकार तो.....

बस नी रोज कामावर जातांना रस्त्याच्या कडेला गुढघाभर उंचीची अगदी इवली इवली फिक्या जांभळ्या ( लॅवेण्डर ) रंगाची फुलं आलेली झाड उगवलेली दिसतात माझ्या प्लाण्ट मधे मात्र ती का कुणास ठाउक ती उगवली नाहीत कधी पायी फिरायला गेलो असता दिसली तर मोबाईल ने फोटो काढून इथे टाकेन.

सध्या इथे लाल , पिवळे व जांभळे गालिचे पाहून फार छान वाटतय. नंतर सगळ पुन्हा रखरखीत होईल काही काटेरी झुडुप तेव्हडी उरतील अन बाकी मुद्दाम ठिबक सिंचन करुन जोपासलेली खजूर व इतर मोठी झाड राहतील. या फुलझाडांच्या बिया वाळूत पडतील, जो पुढच्या वर्षी पडेल त्या पावसाची वाट पहात !!

@ श्रीकांत - यांची फुलण्याची जिद्द पहा. सिमेंट मधल्या सांधेजोड असलेल्या जागेत अशी किती वाळू असणार ? पण तिथेही मुळ रोवून ती उगवली व फुलली आहेत >> मस्त.
अशी रस्त्याकडेची फुलझाडे काढून मी कुंडीत लावली होती पण ती काही फुलली नाहित. त्यांना बहुतेक कष्टाचेच जीवन पसंत पड्ते.

श्रीकांत,
खरेच जिद्दी आहेत हि फुलझाडे. बर्फाळ प्रदेशातील फुलझाडे पण अशीच घाईघाईत फुलतात.

आपल्या गृप मधे संगणक तज्ञ कोण आहे रे? जरा मदत करा लवकर. जागूतै ला फोटो दिसत नाहीत म्हणजे काय ? लाहोर व्हाया कुवेत !! लाहोर व्हाया कुवेत !!

श्रीकांत गालिचा छानच. बाकीच्या फ़ोटोंच्या प्रतिक्षेत.
ती पिवळी फुले बघून कोकणाची आठवण जागी झाली

मला पण फोटो दिसत नाहीयेत...

बाकिच्यांना तर फोटो दिसतायत. काल मित्राला त्याच्या लॅपटॉप वर लॉग इन न होता दाखवली होती. म्हणजे माझ्या कडून काही गडबड नाही. आपल्या कानी बोल नाही, दिवाळी ला तेल नाही रे बॉ.

( तरीपण माझ्या कडून पिकासा वेब अल्बम मधे काही सेटिंग बदल करायचे असले तर तज्ञ मंडळीं नी सांगाव ही विनंती )

श्रीकांत, मस्त प्रची. मला दिस्ताएत ग जागु

मला फोटो दिसताहेत. तेंव्हा लाहोरवरून परत जा श्रीकांत
ऑफीसमध्ये बरेचदा पिकासा बंद केलेले असते. तसे असल्यास फोटो दिसणार नाहीत. आगीची भिंत (firewall) नसलेल्या संगणकातून बघा लोकहो.

श्रीकांत, गालीचा सुंदरच!!
त्यांना बहुतेक कष्टाचेच जीवन पसंत पड्ते.>>>> अनुमोदन.

श्रीकांत मस्त आहेत फोटो.
दिनेशदा, सध्या कोणत्या देशात?

कॉलेजमध्ये किंवा त्यानंतरही कोणी हर्बेरियम बनवले होते का? कोणाकडे त्याचे फोटो वगैरे आहेत का.. ?

सध्या नि गप्पा थंडावल्याएत.
कुणी आहे का?.........

निसर्ग गटग (महाराष्ट्र निसर्ग उद्यान) — फोटो वृतांत
http://www.maayboli.com/node/32299

काय माहीत... सन्नाटा आहे सध्या इथे...