रानभाज्या - शेवळ

आहा हा माझ्या आवडिची भाजी! आता येतील बाजारात शेवळ! ह्यात भिजवलेले शेंगदाणे हि छान लागतात.

जागू, तों.पा.सू.

अगं काकड नसतील तर कुठचा तरी पाला पण वापरतात.... कुठचा तो ?

जागू, मस्त आठवण करून दिलीस ह्या भाजीची!
ही माझी आवडती पावसाळी भाजी!! सुकट घालून तर अफाट लागते.
आई कडून तिची रेसिपी घेऊन लिहीते इथे.

आंबट चुका टाकत असतील पाला म्हणजे.

आंबट चुका ? पांशा मोड ऑफ प्लीज्ज...

अरे खरंच असतात आंबट चुका. अळूच्या भाजीत घालतात ऑक्झलेट्सची खाज जाण्यासाठी. आई नाहीतर मयुरीला विचार.

मला माहित्ताय गं....

तू आता मला सिरियसली घ्यायच्या चुका करु नकोस.

जागू नाय गं, खरच... मी काढतो माहिती..

जागू शेवळाच्या भाजीत सुकट / कोळंबी किंवा खिमा घालून केलेली भाजी आहाहा तोंडाला पाणी सुटलं. आताच्या आता जेवायला घाल बरं

अच्छा ही शेवळ होय... आत्तापर्यंत भाजीवाल्यांकडे पाहून 'काय कमळाची देठं पण सोडत नाहीत लोकं भाजीसाठी' असा विचार यायचा मनात..

मंजुडे, हाय कम्बख्त तूने तो खायी ही नही......

बादवे कमळांच्या देठांचीही भाजी करतात हो लोक... सिंधी स्पेशॅलिटी आहे ती.....

जागू , भरलं पोट आमच्या पुण्यात नाही मिळत गं मग काय अशीच भागवावी लागते तल्ल्फ

या भाज्या अगदी खास खास ना ! काकडे नाही मिळाली (असे सहसा होत नाही ) तर चिंच वापरतात.
पहिला पाऊस पडला कि आठवडाभरात येतात बाजारात ही. ही भाजी कापून सुकवूनही ठेवतात.
आमच्या घरी, यातली आतली पाने पण घेतात. (पांढरी असलेली.)

असे दिसणारे अनेक कोंब रानात या दिवसात असतात, पण जाणकार व्यक्तीच हे ओळखू शकतात. (असे कर्नाळ्याच्या फॉरेष्ट ऑफिसरने, ज्यावेळी आम्ही हे कोंब गोळा करत होतो, त्यावेळी सांगितले होते )

काकड फळांचे झाड बोरिवलीच्या नॅशनल पार्कात आहे.

जागू, आता आंबट चुक्याचा पण फोटो काढावा लागणार !!!

सोडे आणि तांदळाची कणी घालून ही भाजी मस्त होते. आईच्या हातची भाजी . केवढ्या त्या आठवणी.

आईला विचारली फोनवर तिची कृती. साधारण सेमच आहे.
सुरवातीला तेलावर थोडा कांदा, शेवळं आणि काकडं ठेचवून त्याचा रस असं तेलावर चांगलं परतून घ्यायचं . आणि मग कूकरला शिजवताना थोडी हळद व हिंग पण टाकायचे. मग परत भरपूर कांदा, आलं लसणीची पेस्ट हे तेलावर छानपैकी परतून घ्यायचं , त्यात शिजवलेली शेवळं, कोळवलेली चिंच/ कोकम आणि सोडे/सुकट/कोलंबी/खिमा ह्या पैकी जे आवडत असेल ते टाकायचं. मीठ, तिखट, गरम मसाला हे चवीप्रमाणे घालायचे.
कधीतरी बदल म्हणून तेलावर भाजलेल्या कांदा व सुक्या खोबर्‍याचे वाटणही चांगले लागते.

पन्ना,एवढंसगळंघातल्यावरशेवळाचीस्वतःचीचवकायलागणार?

अगं लागते.. ह्या भाजी ची स्वतःची अशी एक वेगळी चव लक्षात येते.

आपल्याकडे रानभाज्या म्हणून एक वेगळा बीबी होता.
केनी, कोरलं, मोहट्या, वाघाटी, काजूच्या बिरड्या, हादगा ....

ज्ञानात भर पडली... (भाज्याचा बाबतीत 'माठ'च आहोत. )

जागू, या भाज्यांचे फोटो मिळाले तर फारच छान.
केनी कुर्डू अशी जोडभाजी असते.
कोरलाची पाने आपट्याच्या पानासारखी पण कोवळी असतात. याची फुलपुडीसारखी पुडी बांधून आणतात.
मोहट्या म्हणजे मोहाची फळे. हिरवी असतात व आत पांढरी मोठी बी असते. ती उकडून भाजी करतात.
वाघाटीचा वेल असतो. त्याला छोटी लंबगोल फळे लागतात. कडू असतात, पण भाजी चवदार होते.
काजूच्या बिया उगवून आल्यावर त्याची भाजी करतात. अगस्तीची किंवा हादग्याची मोठी पांढरी किवा गुलबट रंगाची मांसल फूले असतात, त्याची भजी करतात.
मसाल्याची पाने पण आता मिळतील. हाताच्या पंज्याएवढी पाने असतात. अळुवडीप्रमाणे त्याची वडी करता येते.
टाकळा पण आता येईल.
पावसा बरोबर मला या भाज्यांच्या आठवणी येतात.

मी केली काल शेवळांची भाजी. पण खाज नव्हती गेली. तरी खाल्ली (हावरट दुसरं काय्..खरतर टाकायला जिवावर आलं होते). घसा आणी तोंड फुटलय सगळं

उकळली, काकड टाकली तरी असं का झालं?