रानभाज्या - शेवळ

निकिता, एखादी भाजी जास्त खाजरी असते. चिरतानाच ते जाणवते. अश्यावेळी चिंचेचे पाणी करुन त्यात हि भाजी अर्धा तास ठेवावी. मग धुवून परत एकदा वेग़ळ्या पाण्यात ठेवावी, मग शिजवावी.

अप्रतिम! पांढरे वाल घालून कालच केली होती.
केळफुलाची वडी करतो त्याप्रमाणे शेवळीची वडी पण मस्त चमचमीत होते.

मी आत्ताच जागूला लिहिले आहे. या भाजीचे फोटो पाहिजेत. साफ कशी करायची त्याचे पण फोटो हवेत.

जागूतै आज शेवंळ मिळाली बाजारात आणलीत. पण काकड मला माहिती नाही कसे असते , वरचा फोटो दिसत नाहियै. आता काय करू?????????
पहिल्यांदाच करणार आहे.

@निकिता, आमच्याकडे शेवळे साफ करून चिरण्यापूर्वी धुवून घेतात आणि मग अगदी बारीक चिरून तेलावर खूप वेळ गोळा होईपर्यंत चांगली परतून घेतात.असे परतल्याने खाज येत नाही असे सांगतात.शिवाय अशी परतलेली शेवळे पुढे शिजवताना त्यात काकडाच्या फळांचा रस घालून कुकर मध्ये शिजवतात. अलीकडील सुधारणा म्हणजे घरात शेवळे फूड-प्रोसेसरला लावतात. आणखी म्हणजे अशी चांगली परतलेली शेवळे डीप्-फ्रीझ करून ठेवतात,ती वर्षभर टिकतात आणि मोसम नसताना खाता येतात.

परवाच खाल्ली, कोलंबी घालुन!!

>>मग अगदी बारीक चिरून तेलावर खूप वेळ गोळा होईपर्यंत चांगली परतून घेतात.असे परतल्याने खाज येत नाही असे सांगतात.>>
हे करुन बघायला हवे!

मुंबईत रानडे रोडवरच्या [दादर] भाजीवाल्यांकडे सध्या भरपूर शेवळे [ शेवरे] मिळतात. बरोबर कांकडं पण देतात. गेल्या पंधरावड्यात पांच वेळां घरी ही आवडती भाजी केली होती [ बायकोने ]. आणखी आठ एक दिवसात शेवळं गायब होतील.
शिजवण्यापूर्वी तेलावर चांगलं परतून घेणं मात्र आवश्यक. काजूचे तुकडे टाकूनही छान लागते ही भाजी.
जागूजी, पुन्हा एकदा सलाम !

पुण्यात मिळते का हि भाजी/
काकडं कशी दिसतात/

आत्ताच खाउन उठलोय शेवरं

जागूची आठवणपण काढली.

जागू,तू खरंच सुगरण आहेस गं! , तुझी रानभाज्यांवरील लेखमाला मी वाचली, त्या त्या भाज्यांचे फोटोही तू दिलेत. पण पुण्यात या भाज्या मिळत नाहीत.किंवा मिळत असतील तर अगदी एखाद्या ठिकाणी क्वचित मिळत असतील.मुंबईत या सर्व भाज्या सहज मिळत असणार.त्याबाबत तुम्ही मुंबईकर नशिबवान आहात.

शेवळांच्या ४-५ जुड्या
काकड १ वाटाकांदे २ चिरुन
आल, लसुण,
कांदा खोबर वाटण (धने,लवन्ग,दालचिनी,मिरी)
२ पळ्या तेल
गरम मसाला अर्धा चमचा

पहिला शेवळ साफ करुन घ्यायची . ती चिरुन तेलात टाकुन परतून घ्यायची. आता भांड्यात थोड्या कांद्याची फोडणी देउन कांदा गुलाबी रंगावर शिजवावा. आल, लसुण,पेस्ट हवी असेल तर घालावी. त्यावर शेवळ घालावीत बरीच परतावी. थोडॅ पानी घालून शिजवावे.मग काकड चिरून रस काधावा.गालून रस घालावा. गरम मसाला, मीठ, कांदा खोबर्‍याचे वाटण घालावे. व थोड्या वेळाने ढवळून गॅस बंद करावा.

मुंबईत असताना काकडं वापरुनच शेवळाची भाजी करायची माहिती होती पण आता ईथे शेवळांबरोबर एक प्रकारचा पाला मिळतो,तो वापरला तरी चालतो, त्याचे नाव मात्र माहित नाही

शेवळे मिळाली पाल्याबरोबर तर नक्की टाकेन फोटो.

प्रकारचा पाला मिळतो,तो वापरला तरी चालतो, त्याचे नाव मात्र माहित नाही >>>> त्याला नाण्याचा पाला म्हणतात.

मीरा काकडांचा फोटो शोधुन टाकते.
>>> जागू, हे तू कोणाला उद्देशून म्हटलंयस?

धन्स मामी.

त्याला रोहा सुधागड मध्ये बोन्ड्श्याचा पाला म्हणतात.

त्यात जो पाला टाकतात त्याला बोंडारा असं नाव आहे. आणि भाजी करण्या आगोदर सोपा उपाय म्हणजे जर उकळत्या पाण्यात शेवळ चिरून टाकली तर त्या पाण्याला तपकिरी रंग येतो ते पाणी फेकायचे आणि मग भाजी करायची म्हणजे खाज कमी होते.