मभागौदि २०२५ - गंमतखेळ - आधुनिक म्हणी

Submitted by संयोजक-मभागौदि-2025 on 14 February, 2025 - 22:32

म्हणी - कोणत्याही भाषेचा सगळ्यात सुंदर अलंकार. एकच वाक्य, पण समयोचित आणि नेमके! म्हणतात ना की, a picture is worth a thousand words; तसेच म्हणींचे आहे. एक म्हण ही एका परिच्छेदापेक्षा अधिक परिणामकारक असते. मराठी भाषेत तर कित्येक सुंदर सुंदर म्हणी आहेत.

पण अडचण अशी आहे की आजच्या या Gen Z, Gen Alpha ला जुन्या म्हणी कळत नाहीत. एक म्हण सांगितली, तर त्यातल्या शब्दांचे अर्थ, त्यांच्या छटा, स्थळकाळाचे संदर्भ हे सगळे त्यांना माहीत असेल व कळेलच असे नाही. म्हणींचा वारसा आपल्याला पुढे न्यायचाच असेल तर जरा आजच्या पिढीला समजतील, 'क्लिक' होतील अशा म्हणी तयार करायला काय हरकत आहे?

आपल्या जुन्याच म्हणी आणू या, नवीन रूपांत, नव्या रंगात!

तुम्ही वापरत असलेल्या, तयार केलेल्या आधुनिक म्हणी या धाग्यावर द्या.

जुन्या म्हणींच्या आधारावर तुमची कल्पनाशक्ती वापरून नवीन म्हणी तयार करा.

ही स्पर्धा नाही . फक्त एक गंमत उपक्रम आहे .

इथे कोणतेही बंधन नाही व नियम नाहीत. फक्त तुम्ही जर आंतरजालावरून उचलून इथे डकवणार असाल तर त्याचा स्रोत द्या.

चला तर मग! तुमच्या कल्पनाशक्तीचा वारू चौफेर उधळू द्या! उडू द्या हास्याचे तुषार आणि चालू द्या मनोरंजनाचा धबधबा !

विषय: 
मायबोली
शब्दखुणा: 
मभागौदि २०२५
गंमतखेळ
आधुनिक म्हणी
Groups audience: 
मराठी भाषा गौरव दिवस २०२५
Group content visibility: 
Public - accessible to all site users
शेअर करा

प्रेक्षकां कमी मंचावर जास्ती!

फॉलोअर्स बघून रिल्स टाकावे.

कार्यकर्ता राबतो अन नेता मलई खातो.

धागालेखकाशी जमेना अन त्याचे वाचल्याशिवाय करमेना.

टेंडरे टेंडरे नोटा साचे.

Submitted by SharmilaR on 26 February, 2025 - 09:29

बडा घर पोकळ वासा

आणि माबोवर ...
मुद्दा नाही पण शब्द भसाभसा

Submitted by झकासराव on 27 February, 2025 - 09:15

अविचारवंताला टक्कल नसते

प्रतिसाद नको पण रिक्षा आवर

ड्युआयडीसारखी ग्वाही आख्ख्या माबोवरी नाही

लुंगी नेसून प्रतिसाद द्यावेत, कोट घालून धागे काढू नयेत

Submitted by रानभुली on 27 February, 2025 - 11:22

भारीच म्हणी आल्यात इथे
मस्तच.
लुंगी नेसून प्रतिसाद द्यावेत, कोट घालून धागे काढू नयेत>>>> Lol

Submitted by ऋतुराज. on 27 February, 2025 - 11:34

पडलो तरी नाक वर
( माबोवर )
मुद्दा चुकला तरी शब्द फिरव

Submitted by झकासराव on 1 March, 2025 - 08:08

Pages