मभागौदि २०२५ - गंमतखेळ - आधुनिक म्हणी

Submitted by संयोजक-मभागौदि-2025 on 14 February, 2025 - 22:32

म्हणी - कोणत्याही भाषेचा सगळ्यात सुंदर अलंकार. एकच वाक्य, पण समयोचित आणि नेमके! म्हणतात ना की, a picture is worth a thousand words; तसेच म्हणींचे आहे. एक म्हण ही एका परिच्छेदापेक्षा अधिक परिणामकारक असते. मराठी भाषेत तर कित्येक सुंदर सुंदर म्हणी आहेत.

पण अडचण अशी आहे की आजच्या या Gen Z, Gen Alpha ला जुन्या म्हणी कळत नाहीत. एक म्हण सांगितली, तर त्यातल्या शब्दांचे अर्थ, त्यांच्या छटा, स्थळकाळाचे संदर्भ हे सगळे त्यांना माहीत असेल व कळेलच असे नाही. म्हणींचा वारसा आपल्याला पुढे न्यायचाच असेल तर जरा आजच्या पिढीला समजतील, 'क्लिक' होतील अशा म्हणी तयार करायला काय हरकत आहे?

आपल्या जुन्याच म्हणी आणू या, नवीन रूपांत, नव्या रंगात!

तुम्ही वापरत असलेल्या, तयार केलेल्या आधुनिक म्हणी या धाग्यावर द्या.

जुन्या म्हणींच्या आधारावर तुमची कल्पनाशक्ती वापरून नवीन म्हणी तयार करा.

ही स्पर्धा नाही . फक्त एक गंमत उपक्रम आहे .

इथे कोणतेही बंधन नाही व नियम नाहीत. फक्त तुम्ही जर आंतरजालावरून उचलून इथे डकवणार असाल तर त्याचा स्रोत द्या.

चला तर मग! तुमच्या कल्पनाशक्तीचा वारू चौफेर उधळू द्या! उडू द्या हास्याचे तुषार आणि चालू द्या मनोरंजनाचा धबधबा !

विषय: 
मायबोली
शब्दखुणा: 
मभागौदि २०२५
गंमतखेळ
आधुनिक म्हणी
Groups audience: 
मराठी भाषा गौरव दिवस २०२५
Group content visibility: 
Public - accessible to all site users
शेअर करा

Deepseek आलं, अन (chat Gpt पेक्षा) तिखट झालं>>>>

Deepseek मागून आलं, अन (openai पेक्षा) तिखट झालं

Submitted by छन्दिफन्दि on 26 February, 2025 - 00:02

लोकां दाखवी संविधान
पार्टीत मात्र यालाच मान

Submitted by मामी on 25 February, 2025 - 23>>>
लोकां दाखवी संविधान
घोटाळ्यात अडकली ह्याचीच मान

Submitted by छन्दिफन्दि on 26 February, 2025 - 00:03

आमच्याकडे असायचं..

ऑनसाईट हसतात, बेंचवरचे रडतात, ऑफशोअरवाले मरतात

Submitted by छन्दिफन्दि on 26 February, 2025 - 00:14

घेतल्या जुन्या म्हणी अन लागले नव्या करायला.

नवीन Submitted by मानव पृथ्वीकर on 26 February, >>>

हा छंद जीवाला लावी पिसे.. असं झालंय.. Happy

Submitted by छन्दिफन्दि on 26 February, 2025 - 00:29

डिलेड प्रोजेक्टला डेडलाईन फार

रुपापेक्षा फिल्टर फार

एक नुर आदमी, फिल्टर दस हजार

घरात नाही भाकरी पण इंस्टा जबरी

काढली सेल्फी, लावली स्टेटसला

Submitted by माझेमन on 26 February, 2025 - 00:55

SIP by SIP
म्युच्युअल फंड साचे

Submitted by मामी on 26 February, 2025 - 00:46

लाईक कर, बये लाईक कर
माहेरच्या भवाने तू लाईक कर
सासरच्या टवळे तू लाईक कर
मैत्रिणींच्या ग्रुपने सबस्क्राईब कर
लाईक कर, बये लाईक कर
घेतले मी दहा अवतार,
करुनी मेक अप फार
आता तरी लाईक कर…

Submitted by माझेमन on 26 February, 2025 - 00:53

Pages