क्रिकेट - ९

“ कोहली लिमिटेड ओवर मध्ये तुफान खेळतो आहे आणि म्हणून त्याची ब्रँड व्हॅल्यू शाबूत आहे म्हणून त्याला कसोटी संघात जागा मिळत आहे” - हं?????????????? अरे, किती अतर्क्य बोलायचं ह्याची सगळी लिमिट्स सुद्धा लाजतील ह्या लेव्हलला चाललंय हे सगळं.

चर्चा चालली आहे तर कुतूहल म्हणून विराट कोहलीचा केल्या ५ वर्षातला " टेस्ट " मॅच परफॉर्मन्स पहिला.
५ वर्षे, ३९ मॅचेस, ६९ इंनिंग्स (एवढं तर बऱ्यापैकी खेळाडूंचं पूर्ण करिअर असतं ) : ऍव्हरेज ३०.७२; शतके ३, अर्धशतके ९
प्लेअर ऑफ द मॅच : फक्त १ (२०२३ मध्ये अहमदाबादला ऑस्ट्रेलिया विरुद्ध अनिर्णित रन फेस्ट मध्ये १८६ - ह्या सामन्यात आणखी तिघांनी (अल्मोस्ट चौघांनी) शतके केली)
इतर दोन शतकांपैकी परवा ऑस्ट्रेलिया मध्ये जेव्हा तो खेळायला आला (२७५/२) तेव्हा ऑलरेडी ऑस्ट्रेलिया साठी चौथ्या डावात ३२० चे टार्गेट होते. त्याच्या १०० धावांनी टार्गेट आणखी फुगले, पण नसत्या केल्या तरी निकालात फरक नसता पडला.
२०२१ मध्ये वेस्ट इंडिज मध्ये अनिर्णित सामन्यात १२१ धावा (ही बऱ्यापैकी इंनिंग होती, पण मॅच सेविंग वगैरे नव्हती)
९ अर्धशतकापैकीही कुठली खेळी स्पेशल म्हणावी अशी (जशा सेहवागच्या चेन्नईतील ८३, किंवा गिलच्या गॅबाला केलेल्या ९१) वाटली नाही.
तरीही त्याला ऑस्ट्रेलियाला घेऊन जायलाच पाहिजे होते. त्याने एका दौऱ्यात तिथे ४ कसोटी शतके (जे कधी सचिननेही केले नाही ) करण्याचा भीमपराक्रम केला होता. तो टेस्टमध्ये काय करू शकतो हे आधी पाहिल्यामुळे ऑस्ट्रेलिया टीमला त्याच्या पूर्वपुण्याईची दहशत होती. पण तिथेही १० डावांमध्ये १८७ धावा (सरासरी १८.७) करून तो नापास झाला.
पाच वर्षांत जबरदस्त अशी एकही खेळी नाही. ते एक राहिलं तरी बऱ्यापैकी धावा (४० ची सरासरी) सातत्याने काढल्या असत्या तरी एक उपयुक्त खेळाडू म्हणून त्याच्याकडे पाहता आलं असतं. पण ३० चं ऍव्हरेज over such a long period does not cut it. त्यात वय ३६ च्या पुढे.
कोहली खरंच महान खेळाडू आहे. तो खूप प्रयत्न आणि मेहनत करतो आहे हे दिसतं आहे. त्याला यश मिळावं अशीच सगळ्यांची इच्छा आहे. पण त्याला एव्हाना खूप long rope दिला गेलेला आहे. सिद्धू त्याच्याच वयाचा होता. १९९७मध्ये ३ शतके केली होती. ऑस्ट्रेलियाच्या ९८च्या भारत दौऱ्यात प्रत्येक डावात ५०+ केले होते. पण लगेच त्यानंतरच्या ९८च्या झिम्बाबवे आणि न्यूझीलंड दौऱ्यांमध्ये केवळ ३ सामन्यांत फेल झाला आणि संघाबाहेर गेला. त्यामानाने कोहलीला बरीच संधी दिली गेली आहे.

सोशल मीडियावर सुद्धा... अरे हो तिथे पी आर असतात
>>
शर्मा कडून काप्तानी गेल्यावर तू इथे जो थयथयाट करत होतास तो पी आर होता तर...

फक्त खात्रीशीर सोर्स दाखवा
>>
तू नेहमी ज्या सोर्सस कडून खात्रीशीर माहिती आणातोस (यारो का यार रोहित, मास्टर स्ट्रोक, फिक्सिंग ई. ई.) तिथेच शोध की

पाच वर्षांत जबरदस्त अशी एकही खेळी नाही. ते एक राहिलं तरी बऱ्यापैकी धावा (४० ची सरासरी) सातत्याने काढल्या असत्या तरी एक उपयुक्त खेळाडू म्हणून त्याच्याकडे पाहता आलं असतं. पण ३० चं ऍव्हरेज over such a long period does not cut it.
>>
शर्मा टेस्ट मधे ओपन करायच्या आधी त्याचे टेस्ट मधले आकडे काय म्हणायचे? त्याला तेंव्हा लाँग रोप दिला नाही का? (हे आकडे आणायला जाशील तेंव्हा गावस्कर - शर्मा प्रकरणाचा ही शोध घे)

जेंव्हा केवळ आकडेवारीवर आधारित खेळाडूंची तुलना केली जाते, तेंव्हा मला एक शंका सतावत राहते - जेंव्हा सर्व प्रकारची, सर्व तऱ्हेची इतकी तपशीलवार आकडेवारी उपलब्ध नव्हती, तेंव्हाची खेळाडूंची निवड / तुलना कशी केली जात होती व ती अयोग्य होती का ?

कोणाचे फॅन्स जास्त भारी याचीही एक स्पर्धा घेतली पाहिजे

हे बघूनही त्याचं मन भरलं नाहीए.

अजबराव, कोहलीच्या फॉर्मवर, त्याचा परफॉर्मन्स होत नसताना त्याला त्याच्या अनुभवामुळे, सिनिऑरिटीमुळे, खेळापेक्षा खेळाडू मोठा झाल्यामुळे टीममधे स्थान मिळतं का, ते तसं मिळावं का - हे सगळे चर्चेचे मुद्दे आहेत. पण उगाच ‘ब्रँड व्हॅल्यू, पॉप्युलॅरिटी’ वगैरे थियरीज मांडायच्या आणि वादासाठी वाद म्हणून त्या डिफेंड करत बसायच्या हा प्रकार निरर्थक आहे.

आकडे महत्त्वाचे तेव्हाच जेव्हा त्याचे विश्लेषण करायची समज असेल.. <<
अगदी बरोबर. पण एखाद्याला ती समज आपल्याला आहे किंवा नाही, हे कळायची पण समज हवी ना..

आकडे महत्त्वाचे तेव्हाच जेव्हा त्याचे विश्लेषण करायची समज असेल..>>>> बरोबर
जसं
यशस्वी १९ सामने ५२.९ सरासरी>>> याचा डेब्यू होऊन आजून ५ वर्षे झाली नाहीत, वर सामन्यांची संख्या ही कमी.

राहुल २२ सामने ३२.१ सरासरी>>> हा जवळपास अर्धे सामने( ३९ च्या) खेळला आहे, म्हणून तुलने साठी योग्य नाही

अय्यर १४ सामने ३६.९ सरासरी
पुजारा २८ सामने २९.७ सरासरी
विहारी ९ सामने २६.७ सरासरी
रहाणे २२ सामने २५.४ सरासरी>>> यातले तर कुणीच सरासरीच्या तुलनेसाठी योग्य नाही....
जेव्हा डेटा ची तुलना होते तेव्हा प्रिप्रोसेसींग मधे नॉर्मलायझेशन नावाचा प्रकर असतो जो सर्व उपलब्ध डेटाला ०-१ रेंज मधे बसवतो...हे करणे निकडीचे असते कारण एखादा खेळाडू कमी सामने खेळल्याने त्याची अधिक सरासरी ठेवण्याची शक्यता वाढते.

मी सुद्धा हल्लीच दुसरीकडे चर्चा करताना खालील आकडे काढले होते. (मला जरा मेहनत घेऊन आकडे काढायला मजा येते)>>>
आकडे महत्त्वाचे तेव्हाच जेव्हा त्याचे विश्लेषण करायची समज असेल..>>> त्यामुळे डेटा जसाच्या तसा उचलून (रॉ डेटा) त्यावर योग्य प्रिप्रोसेसींग न करता विश्लेषण करून निष्कर्ष काढणे हे चुकिचे निष्कर्ष निघण्याचा राजमार्ग असतो.

किंबहुना जास्त सामने खेळून सुद्धा ३० इतकी कमी सरासरी आहे ही चिंतेची बाब आहे.. जर कमी सामन्यात असती तर सॅम्पल साईज छोटा आहे असे समजू शकलो असतो.>>> हे शेवटचं कमी सॅंपल साईज तुलनेसाठी घेण्याचं वाक्य इतर सर्व खेळाडूंच्या बाबतीत लागूनाही होत का? काय बोलू आता? फक्त इतकचं बोलेन की तुमची वरील वाक्ये तुम्ही व्यक्त केलेल्या चिंता या विदा विश्लेषणाच्या मार्गदर्शक तत्वांना अनुसरुन नाहीत त्यामुळे त्यासंदर्भातील तुलना फॅक्चुअल नसून ओपिनियनेटेड आहेत असे मी म्हणेन. ( हे फक्त तुम्ही जो वर डेटा तुलनेसाठी दिला आहे त्यासंदर्भात आहे)

**....हा प्रकार निरर्थक आहे * -

जाम खडसावलं मी त्या रोहित व विराटला; गयावया करत म्हणाले, " नांवावर आतापर्यंत धांवा खूप झाल्या, आता जरा नांवावर धागा किती चालतो तें बघत होतो ! "

जेंव्हा सर्व प्रकारची, सर्व तऱ्हेची इतकी तपशीलवार आकडेवारी उपलब्ध नव्हती, तेंव्हाची खेळाडूंची निवड / तुलना कशी केली जात होती व ती अयोग्य होती का ? >> आता ब्रँड व्हॅल्यूवर कोहली, रोहित,पंत सारखे प्लेयर्स सिलेक्ट होतात असा फतवा जारी झाल्यानंतर असा प्रश्न विचारणे ध्राष्ट्याचे वाटत नाही का भाऊ तुम्हाला ?

दुबे ने आज रशिदला जे हँडल केले तो जबरदस्त प्रकार होता. रशिद ने तीन सामने भारी त्रास दिला होता मधल्या ओव्हर्स मधे. आज त्याची स्टाईल बदलली गेली . त्या जोरावर पांड्या वाचला असे म्हणता येईल नाहितर अंडर १०० रेट महाग पडू शकला असता. बिष्नोई अंडर द रडार चांअग्ली बॉलिंङ करतो आहे सलग. रिंकुला परत फॉर्म गवसायला लागलाय म्हणून मस्त वाटले.

राणाच्या सब चा राडा होणार बहुधा

कोहली बाबत मोठा सॅम्पल असून सुद्धा सरासरी कमी असेल तर हा चिंतेचा विषय नाही का....>>> जेव्हा सामन्यांची संख्या वढणार तेव्हा सरासरी कमी होणार, फक्त जो कंसिस्टंट असणार तोच सरासरी मेंटेंन करु शकणार (याला आपण क्लास म्हणतो), म्हणून कमी सामन्यात जास्त सरासरी असण्याची शक्यता जास्त असते ( यालाच सामान्य भाषेत फॉर्म म्हणतात) आणि जास्त सामन्यात कमी सरासरी असण्याची शक्यता वाढते.... त्यामुळे मी पुन्हा हेच म्हणेन की नॉर्मलायझेशन केल्याशिवाय वर दिलेल्या डेटा वरुन कोहली तुलनेने वाईटच खेळला हा निष्कर्ष काढू शकत नाही, ( त्याच्या क्लासच्या तुलनेतही तो वाईटच खेळला यात काही वाद नाही)....वरील डेटा पहाता नॉर्मलायझेशन नंतर पंत आणि रोहीत नंतर चांगल्या परफॉर्मन्स मधे त्याचाच क्रमांक राहील असे वाटतेय..... यावरून त्याला संघात घ्यावे की नाही, चिंता करावी की नाही याबाबत माझे काहीच म्हणणे नाही.... सामान्यतः याचसाठी संघनिवड करताना फॉर्म ( क्लास असला तरीही) पाहीला जातो....माझं म्हणणं फक्त एवढच होत की तुम्ही जो डेटा डकवला आहे त्याचं वैज्ञानिक रितीने विश्लेषण केल तर तुलनेत तो फार खराब परफॉर्मर नाही आहे हेच सिध्द होईल. तो आऊट ऑफ फॉर्म आहे नी संघाबाहेर बसायल हवा या निष्कर्षाप्रत येण्यासाठी इतक्या मोठ्या रेंज च्या डेटाची आवश्यकताच नाही...सरळ सामने पाहून कुणालाही कळेल ते.

किती पाठीशी घालाल त्याला?>>> कोहलीला आणि मी पाठीशी घालणार??