सोळ्या आण्याच्या गोष्टी - नो बॅरीअर्स - अजय चव्हाण

Submitted by अजय चव्हाण on 7 September, 2019 - 13:44

बाजूच्या घरातून मोठ्याने रडण्याचा आवाज ऐकू येऊ लागला तसं मी हळूच दार उघडलं. बाजूचा दरवाजा उघडाच होता.
मी आत डोकवलं. कुसुमच्या सासूबाई रडत होत्या आणि जमिनीवर कुसुमच प्रेत पडलेलं. लोक गोळा होत होती. सांत्वन करत होती.
प्रकाश तर काही बोलण्याच्याच मनस्थितीत नव्हता.

कसा असणार? गेल्या महिन्यात "ही" गेली तेव्हा माझीसुद्धा हीच परिस्थिती होती. मी हलकेच प्रकाशच्या खांद्यावर थोपटलं. त्याचा बांध फुटला. तो मला बिलगून रडू लागला. मी फक्त थोपटत राहीलो.

अशावेळी काय करावं, काय बोलावं काहीच सुचत नाही.

मी सांत्वन करून निघून आलो..

रात्री उशिरा बेल वाजली. दारात प्रकाश.
दार उघडल्यावर तो तडक माझ्या बाहूपाशातच आला.

आता आमच्यामध्ये कुणीच नव्हतं...

विषय: 
लेखन
शब्दखुणा: 
नो बॅरीअर्स
प्रकाश
Groups audience: 
मायबोली गणेशोत्सव २०१९
Group content visibility: 
Public - accessible to all site users
शेअर करा

दोघेही ढोंगी आणि गे म्हणून खुनी. थोडक्या शब्दात चांगली वातावरणनिर्मिती.
थोपटतं = थोपटत आणि सात्वन = सांत्वन असे हवे.

Submitted by चंद्रा on 8 September, 2019 - 10:14

प्रतिसादाबद्दल सर्वाचे मनापासून धन्यवाद..

@Akku320 - हो..

@Urmila - Its ok.. तुमच्या मताचा आदर करतो...तुम्ही प्रामाणिक आहात जे वाटलं ते स्पष्ट बोललात...आवडलं मला...

@चंद्रा - चुका सांगितल्याबद्दल धन्यवाद ..बदल केला आहे...

Submitted by अजय चव्हाण on 8 September, 2019 - 14:25

आवडली.
अज्ञाच्या एका कथेत असाच एक ट्विस्ट येऊन गेल्याचं पुसट आठवतंय...

Submitted by महाश्वेता on 8 September, 2019 - 16:15

जबरदस्त. आवडली.
(गे आहेत असा ट्विस्ट दाखवायचा नसेल तर काही कारणासाठी दोघांनी मिळून एकमेकांच्या बायकांचा काटा काढला, असं पण दाखवता आलं असतं.)

Submitted by उपाशी बोका on 9 September, 2019 - 02:36

@Urmila - Its ok.. तुमच्या मताचा आदर करतो...तुम्ही प्रामाणिक आहात जे वाटलं ते स्पष्ट बोललात...आवडलं मला...@ Ajay thanks

Submitted by Urmila Mhatre on 9 September, 2019 - 03:01

अजय,
पुन्हा तुमची कथा वाचायला आलो. ज्या संयत भाषेतून तुम्ही कथा फिरवून आणून एका शब्दातच तिला धोबीपछाड घातला आहे ते खरंच खूप भारी होते.
चैतन्यच्या पहिल्या कमेंटला पूर्ण अनुमोदन.

Submitted by हायझेनबर्ग on 9 September, 2019 - 10:48

छान

Submitted by अमितव on 9 September, 2019 - 18:09

Pages