निसर्गाच्या गप्पा (भाग - १२)

जिप्सी , माझं उत्तर बरोबर आहे की. मी वेलच लिहीलयं.

वर्षु नील मस्त आहेत फळं

दिनेशदा खासच आलय चित्र, एवढ्या वर्षात काढलं नाहीये तरीही, आता सुरू केलय तर अजून येऊद्यात ....

दिनेशदा, (सॉरी! नवीनदा....!) चित्रं मस्तच आलंय!३५ वर्षांनंतर ब्रश हातात घेतलाय असं अजिबात वाटत नाहीये. अजून चित्रं बघायला खूप आवडतील.

वर्षूतै, खरंच खूप अनोळखी फळांची मस्त ओळख करून दिलीस. अग्दी फळबाजार समोर उभा केलास!>>+१००

दोन रंगातील गुलाब

वाशीतील फूल, भाज्या आणि फळे प्रदर्शनातील प्रची. मोबाईल ची डेटा केबल मिळत नसल्यामुळे आणि कामाच्या गडबडीत आज मुहूर्त मिळाला.

पान ११ पासून पुढे अप्रतीम चित्रं आणि माहिती. शेत, झाडं, फुलं, वेली आणि फळं सगळच मस्त. (पान ११ च्या आधीच्या पोष्टींचं कौतुक आधीच केलं आहे :प )

<<शांकली, पत्ते शोधण्याचे कष्ट घेतलेत खरे पण जिप्स्याला पुण्यातली एवढी माहिती नाही. त्याला सोबत लागेल >>
अय्यो.. आम्ही आहोत की. जिप्सी आणि शांकली सारखे तज्ञ झाडांच्या शोधात निघाले तर त्यांची सोबत करायची संधी दवडणार नाही. त्यांच्याकडच्या अफाट ज्ञानातलं थोडंफार पदरात पाडून घेउच.
शिवाय पुण्यातल्या 'वर्ल्ड फेमस' खाद्यग्रुहांची ओळखही करवून देउ जिप्सींना

जिप्सी : पुण्यात यायचं मनावर घ्याच.

सामी, वाशीत भरलं होतं का प्रदर्शन ? महाराष्ट्र सरकारचे होते का ?
ती गुलाब सोडून बाकिची फुले आहेत ती स्विस मधे आणि गल्फ मधे ठायीठायी असतात. आपल्याकडे कसे दिवाळीला ठरवून एखाद्या सोसायटीत सगळे एकाच प्रकारचे कंदिल लावतात तसे स्विसमधे एकाच रंगाची फुले लावतात. प्रत्येकाच्या खिडकीत एकाच रंगाची फुले. गल्फमधे खुप कष्टाने हि झाडे वाढवतात. पण वर्षभर फुलत राहतील, याची काळजी घेतात. यांना गल्फमधे मंद सुगंध पण असतो.

जो_एस, शांकली - आभार

शकुन, जिप्सींना... अशी हाक मारली तर भोवळ येईल त्याला. जिप्स्या म्हंटल्याशिवाय "ओ" पण देत नाही तो.

शकुन, ४-२ झाडं, पक्षी ओळखता आलं म्हणजे काहीच विशेष नाही. निसर्गापुढे कोण तज्ञ असू शकेल? त्यामुळे प्लीज असं मनात पण आणू नका.

सामी, ती पिटूनियाची फुलं गोsssड दिसताहेत हं अगदी!!

पुण्यातही संभाजी उद्यानात प्रदर्शन भरलं होतं. मस्त होतं तेही.

शांकली, आपल्यालाच काय, शास्त्रज्ञानाही सर्व सजींवांचा अभ्यास तर सोडाच, नामांकनही जमलेले नाही.
अजूनही नव्या नव्या प्रजाती सापडतात.

रावी, संभाजी पार्कातही काही खास झाडे कायमची वस्तीला आहेत. तिथेच कलाबाश ( कलिंगडासारखी भली मोठी फळे येणारे, पण त्या फळाचा "बेगर्स पॉट" सोडून काही उपयोग नसलेले ) झाड बघितले होते.

दिनेशदा , ते नाही पाहिलं :(. आता परत गेले की नक्की बघेन.

सामी, वाशीत भरलं होतं का प्रदर्शन ? महाराष्ट्र सरकारचे होते का ?

महाराष्ट्र सरकार काय नाय करत वो... हे लोकल म्युन्सिपाल्टीचे काम हाय...

माझे चुकले बघाय्चे. ऑफिस ते घर असा एकमार्गी रस्ता अवलंबलेल्या लोकांना हे काय बघाय्ला मिळणार, त्यात घरी डिएने येतो. त्यात असले काही छापत नाहीत

साधना...:हाहा:

दिनेशदा, चित्र खूप सुंदर आहे.
नमस्कार नि. ग.! मला हा बाफ लयीच आवडतो
तर प्रश्नः माझ्याकडे दुहेरी जास्वंद आहे. त्याची पानं पिवळी होवून गळत आहेत. झाडावर कीड होती आधी. त्या फांद्या तोडल्यावर एखादे फूल येतंय हल्ली, काय करू? पाणी देखील फक्त एखादा तांब्याच घालते. मदत करा प्लीज.

आमच्या स्क्रॅपयार्डात वाढलेले देशी बदामाचे हे आवाढव्य आणि वेगळ्या आकारातले झाड. रोजच्या दुपारच्या जेवणानंतर आमचे कामगार त्या झाडाखाली असतात, आणि प्रत्येकाला ४/५ देशी बदाम मिळतातच. मी पण
त्या बाबतीत रसिक असल्याने, २/४ मोठेसे बघून मलाही देतात.

त्या झाडाखालीच वाढलेली हि कलिंगडे. याची ना कुणी मुद्दाम लागवड केली ना कुणी त्यांना पाणी घालत.
पण प्रत्येक वेलीला ५/६ लागलेली आहेत. कामगार आता खाऊन कंटाळले.

काल मी पण घरी नेले. मस्त गोड आहे. पण अर्धेही नाही संपले.

आणि हे काजूचे झाड. संध्याकाळी ड्रायव्हरला यायला उशीर झाला तर मी या झाडाखाली वाट बघतो.

दिनेशदा, नवी मुंबई महानगर पालिकेने भरवले होते. २६,२७ , २८ जानेवारी.
साधना मलाही शेवटच्या दिवशीच जायला मिळाले. बरीच फूले कोमेजली होती. नि.ग. बरोबर शेअर करायला फोटो काढले पण मोबाईल ने काढल्यामुळे क्लीअर नाही आले .
शांकली खूपच क्युट रंग आहे फुलांचा.

सामी खूपच सुंदर आहेत फुलं,दुहेरी रंगात किती मस्त शेड्स आहेत..

वॉव.. दिनेश दा निसर्गाच्या सान्निध्यातच राहतायेत की.. काजू,बदाम्,कलिंगड अगदी आसपास म्हंजे काय.. लकी!!

पण अर्धेही नाही संपले.>>>>>>>>>>>अहो, मग इकडे पाठवायच ना?

धन्यवाद वर्षू नील.
दिनेशदा मस्तच. खरोखर लकी.

दिनेशदा मस्तच. खरोखर लकी. >> हे मात्र खरच.
ईथे अशी वेलीवर लागलेली कलिंगड फोटो काढायला तरी दिसतील काय.

इथे आम्हाला स्थानिक आणि आयात केलेली अशी दोन्ही प्रकारची फळे मिळतात. आयात केलेली रंगाने भडक, एकसमान आकाराची आणि एकाच चवीची असतात तर स्थानिक रंगरुपाने ओबडधोबड पण चवीला अप्रतिम असतात. २/४ अगदी वेगळ्या प्रकारची पण मिळतात पण फार थोडे दिवस सिझन असतो त्यांचा. आता कॅमेरा आहे, तर फोटो काढून दाखवेनच.

आपल्याकडे कलिंगडाच्या वाफ्यात फार मेहनत घ्यावी लागते. पण इथे ती बघा कशी, विनातक्रार वाढताहेत.
मध्यंतरी महिनाभर पावसाची रजा होती, तरी या नाजूक वेली कोमेजल्या नव्हत्या.

मी राहतो तो अंगोलाचा पश्चिम भाग. इथे वाळवंट असले तरी झाडेही भरपूर आहेत. पुर्वेला मात्र डोंगराळ हिरवागार भाग आहे. तिथे कॉफीचे मळे आणि सफरचंदाच्या बागा आहेत.

दिनेशदा>>>+१
शांकली, शकुन पुण्यातील या जागा माहित नाही.
तेंव्हा पुणे दौर्‍याच्या वेळेस तुम्ही सगळे बरोबर पाहिजेच

दिनेशदांचा "परत फिरा रे" हा लेख आमच्या एरीयामधील चिमण्यांनी वाचला बहुतेक. सध्या शेवग्याच्या झाडावर त्यांचा भरपूर वावर चालु आहे. जास्त संख्येने या येतात आणि बिचार्‍या सनबर्डला हाकलुन लावतात. सनबर्ड यातील मध चोखतो तर चिमण्या सरळ कळ्याच तोडतात. पण यांची हि धम्माल बघण्यासारखी असते.

चिमण्यांच्या फोटोसोबत लगडलेल्या शेवग्याच्या शेंगाही पहा.

हिची सर्कस पहा

दिनेशदा पेन्टिन्ग मस्त! आणि काजू, बदाम कलिंगड सगळं अगदी समोरच्या झाडावर!
जिप्सीच्या फोटोत साध्यासुध्या रोजच्या चिमण्याही किती गोड दिसतात!
माझ्या कडच्या कुंडीतल्या लिंबाच्या झाडाची पानं अचानकच गळून गेली आहेत. सगळीच्या सगळी. झाड म्हणजे अगदी रोपच आहे दीडफुटी. जगेल की नाही?

जिप्स्या, ऋतुचक्र वाचलं असशीलच. त्यात अशा चिमण्यांचे वर्णन आहे.
मानुषी, तिकडे थंड हवामान आहे का ? म्हणून गळाली असतील. परत येईल बहर. देठ मात्र हिरवे राहिले पाहिजेत.

काल ऑफिसच्या खिडकीत लाल मानेचा सनबर्ड आला होता. म्हणजे गळ्यावर आपल्या अंगठ्याएवढा लाल टिळा. मी कधी असा सनबर्ड बघितला नव्हता. पण सनबर्डच असावा. चोच तशीच होती.

या सनबर्डाच्या चोचीवरुन आठवले. त्या चोचीला सोयीस्कर आकार असलेल्या फुलातून त्यांनी साखरपाणी प्यावे अशी ( निसर्गाची) अपेक्षा होती. असे करताना त्यांच्या "कपाळा"वर परागकणांचा टिळा लागला असता आणि त्यांचे वहन झाले असते. पण ते "माथ्यावरचे ओझे" त्यांना हल्ली नकोसे झालेय. त्यामुळे आपल्या अण्कुचीदार चोचीचा वापर करुन ते फुलांना बाहेरुनच भोक पाडतात, आणि आपला स्वार्थ साधतात. परागवहन काही करत नाहीत. त्यामूळे त्यांनी त्यांच्यासाठी असलेली झाडे शोधावीत हेच बरे. शेवग्याची फुले ( कळ्या नाहीत ) चिमण्यांनी वापरावीत.

दिनेशदा, चित्रकला चांगलीच आहे. आम्ही शाळेत असताना, डोंगर, त्यामागून उगवणारा सूर्य, ४ च्या आकड्यातले पक्षी, वळणदार नदी ह्यापलीकडे आमची चित्रकला फारशी गेलीच नाही.
मोनालि, मी म्हणते ते हे फळ नाही. दिनेशदांनी सांगितल्याप्रमाणे अगदि रामफळासारखेच पण आकाराने मोठे, आतील गर रवाळ पण अगदि मिष्ट गोड असा होता.
जिप्सी, 'चिमण्यांचे झाड' मस्तच !
सामी, फुले छान आहेत.
बाकीचे सर्वांचेच फोटो सुरेख आहेत अगदि !

आमच्या वॉशिंग मशिनच्या मागे कबूतराचे पिल्लू पडले आहे. त्याला अजून उडता येत नहिये. कुणाला पक्षीप्रेमींचा फोने नंबर माहित असल्यास लवकर मला कळवा.

धन्यवाद
साक्षी.

जिप्सीच्या फोटोत साध्यासुध्या रोजच्या चिमण्याही किती गोड दिसतात!..अगदी अगदी!!
सनबर्ड ही आळशी झालाय आजकाल..

मोनालि, मी म्हणते ते हे फळ नाही. >>> आता प्रत्येकाने आपापल्या कडी व खाल्लेल्या फळांचे फळवाल्याने दिलेल्या नावासकट फोटो टाकायला हवे तर
सनबर्ड बहुदा टेस्ट चेन्ज म्हणुन दुसर्‍या झाडांवर जात असावेत. हल्ली आमच्या गॅलरीत शोभेच्या फुलांवर येउन बसत्तात दुपारी.

माझ्याकडे रोज सकाळी ४-५ साधे हिरवे, पिवळे, पांढरे सनबर्ड्स येतात आणि सोबत एकच झळाळत्या निळ्या रंगाचा शिंजीर असतो. ऐशुच्या मते त्या ४-५ बायांचा हा एकटा दादला असावा

तसेही हल्ली आमच्याकडे जोड्या जुळवा प्रकरण जोरात चालु आहे. एक प्रौढ मांजर गच्चीत येऊन प्रेमगीते गात असते आणि ती आली की आमचा एस 'कुठुन ही ब्याद आली?" असा चेहरा करुन घरात पळुन येतो.

त्यामुळे आपल्या अण्कुचीदार चोचीचा वापर करुन ते फुलांना बाहेरुनच भोक पाडतात, आणि आपला स्वार्थ साधतात. परागवहन काही करत नाहीत. >> Interesting. दिनेशदा, कुठे वाचायला मिळेल हे ऑबजर्वेशन?