निसर्गाच्या गप्पा (भाग - ६)

अरेच्चा... जागु! ही कुठली फुलं?
हे ते 'अक्कलकारा' तर नाही?

अभिनंदन जिप्सि.
सर्वांनी दिलेले फोटो, माहिती मस्त.

हो बहुतेक अक्कलकाढा /अक्कलकुवा च. लहान पणी विदर्भात परतवाडा इथे असताना चाखलेली जीभ चांगली झणझणेल अशी ती चव मला आठवतेय. ज्या मुलांची जीभ जड असेल, तोतरे, बोबडे असतील त्यांना ही फुले मुद्दाम खायला लावत. माझ्या सारखी आगाउ मुले जीभ जड नसली तरी खात हे अर्थातच वे सा न ल.

अगदी अगदी श्रीकांत!! जीभेवर त्याच्या पाकळ्या ठेवल्या की चरचर होते. आवाज सुधारण्यासाठी किंवा मुले बोबडे बोलत असतील तर ही फुले खायला देतात.

धन्यवाद
जिप्स्या घरी प्रहार आहे तरी मी पाहीला नाही>>>जागू, सिंधुदुर्ग पुरवणीत आला आहे.

जिस्प्या मस्तच रे...

सारे श्रेय मायबोलीकर गिरीश सावंत यांना.

जिप्सी, हार्दिक अभिनंदन!!
दिनेशदा, गोरखचिंचे बद्द्ल डॉ.डहाणूकरांनी 'हिरवाई' मधे हा उल्लेख केलाय; त्यांनी लिहिलेय की वेरूळच्या लेण्यात इंद्राणी ज्या वृक्षाखाली बसली आहे, तो गोरखचिंच असावा. फळे, त्या वृक्षावर बसलेली माकडे हे सर्व गोरखचिंचे सारखंच दिसतंय. (मी थोड्यवेळाने पुस्तक बघून नक्की लेणे कोणते किंवा त्यांची वाक्यं इथे देईन)
पण त्या उल्लेखावरून हा (गोरखचिंच) आपल्याकडे पुराणकाळापासून असावा असा पुरावा मिळतो.

अभिनंदन जिप्सी.

शशांक, काही पक्षी शत्रुंपासून बचाव करण्यासाठी आडवे पडल्याचे, लंगडण्याचे नाटक करतात.
हे कदाचित मी टिटवीबद्दलच वाचले असेल.
अक्कलकाराचा छानच फोटो जागू.

दिनेशदा, गोरखचिंच आपल्याकडे किनारीपट्ट्यालगत जास्त आढळतो. केळवे- माहिम परिसरात फिरतांना तिथे बाओबाबचे मोठे वृक्ष दिसले होते. त्या भागांत त्यांना सुरुमला म्हणतात. नाशिक भागांत दिंडोरीला मला एक गोरखचिंचेचा वृक्ष दिसला आहे.

डॉ.डहणूकरांच्या हिरवाई पुस्तकातील शणै बाओबाब या लेखात त्या म्हणतात...

'गोरखचिंच म्हणजेच कल्पवृक्ष असंही काही वनस्पतीशास्त्रज्ञांचं मत आहे. का ते कुणास ठाऊक? पण आफ्रिकेतला हा वृक्ष पुरातन काळातच आपल्याकडे आला यात शंका नाही. वेरूळच्या लेण्यातील शिल्पाकृतीत (नं ३२) इंद्राणी ज्या वृक्षाखाली बसली आहे तो गोरखचंचे सारखा दिसतो. फळंही तशीच आणि फळांजवळ माकडंही तशीच! माकडांना गोरखचिंचेची फळं आवडतात, गोरखचिंचेचं प्रचलित इंग्रजी नावच मुळी आहे मंकी ब्रेड ट्री!'

???

बरोबर हेम. पण आपल्याकडे तुरळक सुती झाडे दिसतात. म्हणजे ती बहुतेक मानवी लागवडीतूनच
आलेली असतील. निसर्गत: याचे जंगलच असते. पण त्यातली मोजकीच झाडे मोठी होतात.

शांकली, या झाडाचा आकार अगदी एकमेव असतो. त्यामूळे तसेच मानावे लागेल.

हेम पहिली शिकेकाई वाटतेय (खात्री नाही.)
दुसरा मात्र काळा कुडा. नक्की.

हेम, गोरखचिंचेचं अजून एक नाव सुरुमला तुमच्यामुळे कळालं! धन्यवाद.
तुम्ही वर दिलेल्या फोटोत दुसरा फोटो काळ्या कुड्याचा आहे पण पहिला फोटो माहिती नाही कुठल्या शेंगांचा आहे.

दिनेशदा, त्या शेंगा शिकेकाईच्या नसाव्यात. शिकेकाईच्या पर्णिका खूप लहान असतात. आणि त्या फोटोत ३/४ वेगवेगळी झाडं असावीत असं वाटतंय.

हो ना, अगदी वडाची साल पिंपळाला असे आहे ते प्रकरण.

अरे सगळे भारीच गप्पा मारतायत इथे. जिप्सी, है शाब्बास! अभिनंदन.

दिनेशदा, आपल्या इथे बाजारात कधी कधी 'जब राम बनवास मे था ... ' अशी सुरूवात करून एक गंमतीशीर खोड विकतात माहितेय? ते चांगलंच भलं मोठं आणि ब्राऊन रंगाचं असतं आणि आतून हलकच पिवळसर पांढरं आणि रसदार दिसतं. त्याच्या पातळ कापट्या कापून विकतात. हे बाओबाबचं तर खोड नव्हे? मी कधी चाखलं नाहीये. कोणी खाल्लंय का?

मस्त फोटो सगळ्यांचे आणी माहितीही

ते चांगलंच भलं मोठं आणि ब्राऊन रंगाचं असतं आणि आतून हलकच पिवळसर पांढरं आणि रसदार दिसतं. त्याच्या पातळ कापट्या कापून विकतात. हे बाओबाबचं तर खोड नव्हे? मी कधी चाखलं नाहीये. कोणी खाल्लंय का?>>>>मामे, ते रामाचे कंदमुळ. ते बाओबाब नाही. मी खाल्लयं.

अरे वा, लग्गेच फोटो पण हजर! शाब्बास जिप्स्या. कसं लागतं हे? आणि कोणत्या झाडाचं कंदमूळ असतं आणि असं कधीमधीच कसं मिळतं? एकदा मला खायचंच आहे. दिसायला किती क्युट दिसतं ना?

त्याला काही फारशी चव नसते. गोडसर पाणचट लागतं एवढच.
बाओबाबच्या बिया साधनाने भरपुर खाल्ल्या आहेत. आता पुढच्या वेळी आणेन.

हे मीपण खाल्ले आहे... सी एस टी ते डोंबिवली कुठल्याही ठेसनाच्या पुलावर मिळते.... पण ती माणसं मात्र महाचेंगट असतात.. पापडाएवढं पातळ कापून देतात ! म्हणून एकदाच खाल्लं.. एवढं पातळ कापून खाल्लं तर १४ वर्षे वनवासाला एकच खोड पुरेल ! पाणचट रताळ्यागत लागतं ते...

एवढं पातळ कापून खाल्लं तर १४ वर्षे वनवासाला एकच खोड पुरेल ! >>>>

कॉर्नेल युनिव्हर्सिटीमधे उगवणारं कॉर्प्स फ्लावर.. भयाण वासाचं एक अजस्त्र फूल...

http://www.ouramazingplanet.com/2607-corpse-flower-bloom-cornell.html

वावा...मस्त विविध माहिती मिळत आहे.. सक्काळी येऊन पहिल्यांदा इकडे फुलं पाहते..आपोआपच दिवसाची प्रसन्न सुरुवात !!!
ही बाबोबाब ची झाडं.. इंदौर हून मांडवगड ला जायच्या रस्त्यात शेकड्यांनी दिसलेली. अल्लाउद्दीन खिलजी ने आणून लावलीयेत इकडे असं गाईड ने सांगितलं होतं. यालाच लागतात बहुतेक त्या गोरख चिंचा.. ?या झाडांना पानंही येत नाहीत बहुतेक!!!

वर्षूतै, याला (बाओबाबला) पावसाळ्यात पानं येतात. झाडाचे फोटो मस्त आलेत.