बच्चेकंपनीसाठी सुट्टीतले उद्योग - २ - 'कडकु मडकु '

सुट्टीतला उद्योग - २ - 'कडकु मडकु'

वयोगटः ८ ते १२ वर्षे

लागणारा वेळः १ तास + १ दिवस कलाकृती पूर्ण तयार होण्यासाठी.

साहित्यः

कॉटनचे रंगीत कापड (जुना ड्रेस, दुपट्टा, टेबलक्लॉथ काहिही चालेल, पण कॉटनच हवे), आपल्या आवडीप्रमाणे वाटी/ बोल/ वाडगा, क्लिंग रॅप, कांजी/स्टार्च, कात्री, टाचण्या, सजावटीचे सामान.

कृती:

१. कॉटनच्या कापडाची बाहेरची बाजु वर आणि खाली येइल अश्या रीतीने मधे घडी घाला.
२. सिलेक्ट केलेला बोल कापडावर ठेऊन, बोल पूर्ण कव्हर होऊन कापड आत फोल्ड करता येइल एव्हढे कापुन घ्या.
३. बोल ला क्लिंग रॅप/ प्लॅस्टिक फिल्म लावुन घ्या. त्यावर कापड नीट लावुन घ्या. बोलच्या आतल्या कापडाला टाचण्यांनी टाचुन घ्या (इथे पालकांची मदत लागेल).

४. आता स्टार्च ची पावडर थोड्या पाण्यात कालवुन घट्टसर पेस्ट करा (घट्ट सूप्/कांजी कन्सिस्टंसी).
५. ही पेस्ट तयार बोलला आतुन नीट लावुन घ्या. कापड पूर्ण भिजले पाहिजे.
६. आता बोल एका प्लॅस्टिकच्या पिशवीवर उपडा करा म्हणजे आतला स्टार्च ओघळला तरी टेबल्/ओटा खराब होणार नाही.
७. आता स्टार्चची पेस्ट बाहेरच्या बाजुनेही लावुन घ्या.

८. तयार बोल कडकडीत उन्हात वाळायला ठेवा.
९. बाहेरची बाजु वाळली की बोल सुलटा करुन आतली बाजु वाळवुन घ्या. वाळलेले कापड कडक वाटले नाही तर स्टार्च पेस्टचा सेकंड कोट द्या आणि परत वाळवत ठेवा. बोल पूर्ण वाळु द्या.
१०. वाळलेल्या बोलच्या आतल्या बाजुच्या कापडाला लावलेल्या टाचण्या काढुन कापड उघडा. कात्रीने कडेकडेने कापुन घ्या.

११. हे झालं आपलं कडकु मडकु तयार.

१२. या कडकु मडकु ला आपल्या आवडीप्रमाणे सजवा आणि वापरा.

अधिक टीपा:

- कापड सिलेक्ट करताना रंगीबेरंगी किंवा छान पॅटर्न वाले सिलेक्ट करा. डार्क कापड शक्यतो टाळा कारण स्टार्च चे डाग दिसतात.

- काठ नसलेला बोल/ग्लास सिलेक्ट करा.

- स्टार्च पावडर ऐवजी स्प्रे स्टार्च वापरुन बघितला. पण पावडरच्या स्टार्च ने जो कडकपणा येतो तो स्प्रे स्टार्च ने येत नाही.

- बोल सजवुन तयार झाल्यावर हवं असेल तर वरतुन ग्लॉस स्प्रे/वार्नीश स्प्रे मारा. मी मारलेलं नाही.

- लहान मुलांना जास्त पेशन्स नसतो.३-४ तास बोल उन्हात वाळल्यावर आईने आपल्या हेअर ड्रायर ने बोल वाळवुन द्यायला हरकत नाही

----------------------------------------------------

सुट्टीतला उद्योग: १ : 'अळी मिळी गुपचिळी' http://www.maayboli.com/node/25345

सुट्टीतला उद्योग: ३ : 'ट्विंकल ट्विंकल लिट्टील जार' http://www.maayboli.com/node/25693