कोंदण
Submitted by SharmilaR on 21 April, 2024 - 04:29
कोंदण
हिरा तर देणारच नाहीस कधी
मग कोंदण तरी कशाला...?
माझी चिडचिड अन माझीच तक्रार...
कधीतरी आठवलं तटकन
दुःख कपड्यातलं चांगल्या
ही तर माझीच
कधीकाळची प्रार्थना
मागितल्यावर मिळतं ह्यावर
विश्वास होता बहुतेक अपार
पण ओंजळीत तर
होती ढीगभर लाज
सुख अन रेशमी कपडे
दोन्ही मागणं जमलंच नाही
फाटक्या आयुष्यात सुख असतं
हेही कधी पटलंच नाही.
आता सांभाळतेय मी
माझं भकास सोनेरी कोंदण
कुणाला कळू नं देता
त्याचं रिकामपण ||
शब्दखुणा:
