#शब्दवर्षा

न मिटते ती भूक जीवाची घालता आकाशाला गवसणी
पुर्तता सारी स्वप्नाची कोणत्या काळात पूर्ण व्हावी

कापले पंख जरी अपेक्षा काही सुटत नाही
सारे भेटूनिया जीवनाची ओंजळ काही भरत नाही

समाधान पळून नेणाऱ्या कधी गोठाव्या त्या अपेक्षा
खटाटोप सारा भविष्याचा न संपणारी प्रतीक्षा

नात्यांना टिकवण्याचे प्रत्येकाचे नव नवीन बहाने
भेटलेल्या दुःखात अश्रूचे कायम डोळे मिटून नहाने

काही न सुटणारी कोडी कोणत्या काळात सुटावी
खेळ सर्व पाप पुण्याचा मुक्तता कशी सहज मिळावी

आले रित्या हाती अन रित्या हातीच जाणार
अस्तित्व नक्कीच आज आहे उद्या नसणार
क्षणात सरेल सारे .....
क्षणात विरेलही....

आपल्या माणसाकडे आठवणीची शिदोरी सोडून जाणार
आयुष्याच्या खेळाला तिथे पुर्णविराम भेटणार
होत्याचे नव्हते होणार सारे
नव्हत्याचे होतेही होईल....

देह जळेल आत्मा ही शरीर बदलणार
कालांतराने नाव सोडले तर सर्वच मिटणार
तरीदेखील जीवंत राहणार ते माझे शब्द सारे
तरीदेखील जीवंत राहणार ते माझे शब्द सारे...

- वर्षा

आयुष्यातील खरे सुख

     लेखन : शब्दवर्षा