विषण्णता

पश्चिमेवर असता उन्हे
ऐक निळाईचे रडणे.

निशेस धरणी विचारी
ना आवडत तुज रंगणे?

निःशब्दशाही तूच सांग
का रे इथे पडले सुने?

शांततेत दडले असते
सोसत अपुले घाबरणे.

विषण्णता घेरा घाली
रोजचेच झाले बुडणे.

रात्र होते जर्द शाई
आपण पानी उतरवणे.

- आर्त. (१९.०३.२०२१)

टीप: मी गझल हा प्रकार नव्यानेच हाती घेतला आहे. जर कुणाला सुधारणा, अभिप्राय इत्यादी कळवायचे असेल, तर मुक्तपणाने बिनधास्त कळवा. आभारी.