मायाजाल
Submitted by Asu on 9 February, 2019 - 08:33
मायाजाल
तूच निर्मिले देव, दानवा
अजब तुझा खेळ मानवा
जोडणार तू तूच मोडणार
तूच तुला घडविणार
बंधू-भगिनी पुत्र तनया
तुझीच रे ही सारी किमया
माय बाप पती अन् दारा
तूच पसरविला हा पसारा
सूत्र नात्याचे घेऊन सुंदर
विणलेस तू जाळे भयंकर
फसुनि त्यात भोगशी हाल
तुझेच असे हे मायाजाल
कोळीयासम स्वतः विणला
संसाराचा फास गळ्याला
सुटका ना तुझी ऐक मानवा
करणार कुणाचा सांग धावा
मुक्त जीवन तुला न आता
संसाराचा तुज असे शाप
निसर्गाशी भांडून फसला
छळणार तुला हे तुझे पाप
शब्दखुणा:
