क्रिकेट
व्यक्तीची योग्यता,...
प्रत्येक-प्रत्येक व्यक्तीची
इथे योग्यता पाहिली जाते
योग्य व्यक्तींची अप्रत्यक्षही
कधी गाथा गायली जाते
विचार आणि कार्यावरून
व्यक्तीची योग्यता कळून जाते
अन् त्यांची यशस्वीता सुध्दा
जणू त्यांच्यासाठी चालुन येते
विशाल मस्के
सौताडा, पाटोदा, बीड.
मो.९७३०५७३७८३
सन्मान,...
चांगले काम करण्याच्या
प्रत्येकाला संधी असतात
अन् प्रत्येकाच्या कार्याच्या
इथे सर्व नोंदी असतात
त्यांच्या सत्कार्याचा भाग
देशाचीही शान होतो
अन् प्रत्येकाच्या सत्कार्याचा
सन्मानानं सन्मान होतो
विशाल मस्के
सौताडा, पाटोदा, बीड.
मो.९७३०५७३७८३
गेले चार महिने ऑस्ट्रेलियन संघासमोर जे भारताला जमलं नव्हतं, ते शेवटपर्यंत जमलंच नाही. सगळं स्टेडीयम निळ्या रंगात न्हाऊन निघालं, पण तरी विजयाचा रंग बदलला नाही. स्टेडीयमचा, लोकांचा रंग मैदानावर ओघळला नाही तरी अखेरीस सिडनी सिडनीच राहिलं, अहमदाबाद झालं नाही. भारतासाठी एक स्वप्नवत स्पर्धा, एका बोचऱ्या वास्तवाची जाणीव करून देऊन संपली.
भारत उपांत्य सामना हरला ह्याचं दु:ख राहिल, ऑस्ट्रेलियाशी हरला ह्याचंही दु:ख राहिल, पण ह्याहून जास्त दु:ख ह्याचं राहिल की न झुंजता हरला.
शेवटी आपण विश्वचषक परत देऊन टाकला. बाद फेरीत अजिंक्य राहिलेला आपला संघ उपउपांत्य सामन्यात तुलनेने फारच कच्च्या असलेल्या बांग्लादेशला हरवून विजेता ठरता. उपांत्य सामन्यात मात्र ऑस्ट्रेलियासमोर आपल्या अनेक मर्यादा स्पष्ट झाल्या.
१. जडेजाचे योगदान - मोठे प्रश्नचिन्ह
२. युवराजचे नसणे - एक कमजोरी
३. रोहित शर्माचे योगदान - अपेक्षेप्रमाणे नाही
४. दबावामध्ये खेळणे - आपल्या पूर्ण संघाचेच कमी पडणे
५. ऑस्ट्रेलियाशी सामना करताना - एकुण ढेपाळणे
६. शेवटच्या दहा षटकात आपण प्रचंड धावा देणे
२४ मार्च २०१५ चा दिवस ऑकलंडमध्ये नेहमीसारखा उगवला. पण नेहमीसारखा मावळला नाही. सूर्य मावळला खरा, पण कुठून तरी किलकिल्या डोळ्यांनी तोसुद्धा चोरून इडन पार्कवर नजर टिकवून राहिला असावा. एकदिवसीय क्रिकेटच्या अंबरात नेहमीच दिमाखात तळपणारे पण दर चार वर्षांनी विश्वचषकाच्या पश्चिम क्षितिजावर मावळून जीवाला हुरहूर लावणारे, कातर करणारे दोन प्रति-सूर्य आज त्या मैदानावर एकमेकांसमोर आमने सामने उभे राहिले होते. हे ठरवायला की आज कोण मावळणार ? तुंबळ लढत झाली आणि अखेरीस एकाने मान टाकली. चोरून बघणारा सूर्य एका डोळ्यांत आनंदाचे आणि दुसऱ्या डोळ्यांत दु:खाचे अश्रू घेऊन निघून गेला.
दक्षिण आफ्रिकेचे अश्रू पाहून रडू आले. खरे तर उपांत्य फेरीतील पहिल्या सामन्यात क्रिकेट जिंकले असे म्हणावे लागेल. पाऊस पडला तरीही सामना खेळला गेला. भरभरून क्रिकेटचा आनंद लुटला गेला. पारडे प्रत्येक चेंडूला वरखाली होत राहिले. शेवटच्या चेंडूपर्यंत निकाल काय लागेल ह्या उत्सुकतेने रोमांच आले. आफ्रिकेने दबावाखाली येऊन दोन महत्वाचे झेल सोडले आणि एक धावबादची संधीही! ह्या सामन्यात दक्षिण आफ्रिका आणि न्यूझीलंड व्यतिरिक्त जवळपास सगळेच क्रिकेटरसिक मन गुंतवून बसलेले होते.
ऑस्ट्रेलियाविरुद्धच्या उपांत्यपूर्व सामन्यात पाकिस्तानने फलंदाजांनी पत्करलेल्या शरणागतीमुळे पराभव पत्करला. सर्व बाद पाकिस्तान झाला आणि ऑस्ट्रेलियाचे फक्त चारच गाडी बाद झाले पण सामना गाजला पाकिस्तानच्या वहाब रियाझच्या गोलंदाजीमुळे. त्याने ऑस्ट्रेलियन फलंदाजांना खास करून शेन वॉटसनला ज्याप्रकारे नाचवलं ते पाहून त्यांचं 'कांगारू' नाव सार्थ वाटावं. वॉटसनला आणि त्याच्या बॅटला वहाबचे अनेक चेंडू अगदी जवळून वारा घालून गेले. काहींनी तर त्याचं हेल्मेटच्या आतलं डोकंही हलवलं. सुदैव आणि पाकच्या राहत अलीच्या मदतीच्या जोरावर वॉटसन टिकला आणि कांगारूंना विजय मिळवता आला.
