कर्तव्य

क्षणाक्षणाला जाणवेल हार,
जरी जिंकलो वाटेल त्यांना …

पाहतील हसरे डोळे माझे,
तरी त्यात अश्रू दिसतील त्यांना …

चेहऱ्यावरती हसू दिसेल माझ्या पण,
मुखवट्याचा भास होईल त्यांना …

कर्तव्य सगळी पार पडली तरी,
दोषी सतत वाटेल त्यांना …

आता फक्त स्विकारायचे आहे ,
समोर येत जाईल जे,

नशिबातच नव्हते माझ्या खरं,
निमित्त मात्र झाले ते!

शेजारणीचा नवरा | म्हणावा आपुला | होऊन जाऊ दे | काडीमोड ||

खबर लागता | घट फुटण्याची | काढावे भांडण | नव-याशी ||

नांदले कशी मी | दोन तपे गं | दोन्हीची बेरीज | सांभाळोन ||

आता करून | नवा घरोबा | संसार नव्याने | करायाचा ||

ताई माई अक्का | विचार पक्का | आशिर्वाद तोचि | द्यावा पुन्हा ||

,

गण्या

( या कवितेचा आणि महाराष्ट्राच्या राजकारणाचा काही एक संबंध नाही )