ट्रॅफिक

संदीप खरेच्या 'साहेब म्हणतो चेपेन, चेपेन' या कवितेचं विडंबन

बस म्हणते चेपेन, चेपेन, टॅक्सी म्हणते चेपेन, चेपेन
गर्दी मोठी, रस्ता छोटा, ट्रॅफिक म्हणतो चेपेन, चेपेन

आट्यापाट्या खेळत खेळत बाईकवाला आला रे
पोलीसाचा चुकवत डोळा सिग्नल तोडून गेला रे
डोके तिरके साधून कोन, खांद्यामधे धरला फोन
पब्लिक म्हणतं सुटला, सुटला, कॅमेरा म्हणतो पकडेन, पकडेन

बस म्हणते चेपेन, चेपेन, टॅक्सी म्हणते चेपेन, चेपेन

नुकतीच बातमी वाचण्यात आली की पुण्याच्या आसपासच्या गावांचा समावेश पुणे शहराच्या हद्दीत करण्यात येणार आहे. मागच्या वेळेस झाल्येल्या हद्दवाढीमध्ये समाविष्ट २३ गावांकडे पुणे महानगरपालिकेला लक्ष पुरवता येत नाहीये. मनपा चा विकास आराखडा १९८७ नंतर मंजूर झालेला नाहीये आणि शासन अजून काम मनपा कडे सोपवत आहे. निर्णय चुकीचा की बरोबर या चर्चेमध्ये मला रस नाही पण पुण्यासारखीच परिस्थिती बाकीच्या महानगरपालिकांची आहे. त्यांच्या आजूबाजूला असलेल्या गावांचे झपाट्याने शहरीकरण होत आहे. परंतु ती गावे नागरी सुविधांचा पुरवठा करण्यास मात्र समर्थ ठरत नाहीत. अशाने वेळ येते त्यांचा समावेश मनपा हद्दीत करायची.