निसर्गसुंदर सुप्रभात
Submitted by दत्तात्रय साळुंके on 15 December, 2022 - 00:16
मी रोज सकाळी समाज माध्यमावर
सगळ्या मित्रांना सुप्रभात म्हणतो
काही लोक म्हणतात कशाला रोज तेच
मला आवडतं तसं म्हणायला
सकाळी सुप्रभात म्हटलं की मी
जिवंत आहे एवढंतरी कळतं जगाला
तसे आपण जगलो काय मेलो काय
राम कृष्णही आले आणि गेले
पण कधीतरी एखादा सहचर, संदेश
नाही दिसला तर काळजीनं विचारतो
बरा आहेस ना बाबा?
मनाला बरं वाटतं
सुप्रभात म्हणण्याचं गमक समजतं
मी ही इतरांचा सुप्रभात संदेश नाही दिसला
दोन चार दिवस तर चिंतीत होतो
एकदा असंच मित्राचा संदेश येणे बंद झाले
अन चारपाच दिवसात तो गेला हे समजलं
विषय:
शब्दखुणा:
