सिंगापुर

निकोबार पासुन अंदाजे १५०० कि.मी. दुर दक्षिणेला टेमासेक (Temasek) या नावाने ओळखल जाणारं एक प्राचीन बंदर आहे. १४व्या शतकात पालेमबंग (Palembang)चा राजपुत्र त्रिभुवन (Sang Nila Utama) हा या टापु वर आला असता त्याला सिंहाचे दर्शन झाले. त्या स्मरणार्थ म्हणुन 'Temasek' बंदराचे नामकरण “The Lion City” म्हणजेच 'सिंगापुर' असे झाले.

सिंगापुरातील सेंटोसा या बेटावर "युनिवर्सल स्टुडियो" बनवला गेला आहे. या थीम पार्कच्या बांधकामाची सुरूवात १९ एप्रिल २००८ मध्ये झाली व औपचारीक उद्घाटन सोहळा २८ मे २०११ रोजी झाला. तेव्हापासुन "युनिवर्सल स्टुडियो" हा सिंगापुरातील महत्वाचे पर्यटन स्थळ बनला आहे. "युनिवर्सल स्टुडियो थीम पार्क" हा आशियात बनवला गेलेला दुसरा थीम पार्क आहे, प्रथम बनवला गेल्याचा मान "जपान" या देशाकडे आहे.