उपक्रम २ - वसा - प्राचीन

बाकीचे अजून आले नव्हते. गाडी यायला तसा वेळच होता. तेवढ्यात त्याचे लक्ष तिच्याकडे गेले....."
तिचा आनंदी, उत्साही चेहरा.. कारण आज बर्‍याच काळाने रजनीताई भेटणार होत्या...
त्याला आठवली, तिची पहिली भेट. गालांवरील सुकलेल्या अश्रूंनी
चितारलेला रुसवा चेहऱ्यावर मिरवणारा गोडवा.. फिरत्या
शाळेत यायचंच नव्हतं तिला.. रेतीच्या ढिगाऱ्यामध्ये दिवसभर हुंदडणं किती मजेचं. तेही वेगवेगळ्या ठिकाणी.. पण त्यानं "दादा" गिरीनं स्वतःबरोबर तिलाही डोअरस्टेप स्कूलमध्ये यायला लावलं.
रजनीताईंनी हसतखेळत अभ्यासाची गाठभेट घालून दिली. हे जग किती सुंदर, वेगळं होतं ..
तिच्यासारख्या, तिच्याएवढ्या अनेक सवंगड्यांमध्ये मग रमलीच ती.
दोघेही भानावर आले , ते गाडीच्या भोंग्यानं. फिरत्या शाळेत बसून निघाले... रजनीताईंनी सुचवल्याप्रमाणे शाळेपर्यंत येऊ न शकणाऱ्या आणखीन चिमुकल्यांचा दरवाजा ठोठावण्यासाठी.