कथाशंभरी - प्रार्थना - भास्कराचार्य

Submitted by भास्कराचार्य on 3 September, 2022 - 12:54

बर्‍याच दिवसांनी दोघींना मोकळा वेळ मिळाला होता. नाही म्हटले तरी काही वर्षे लोटली होती. पुलाखालून बरेच पाणी वाहून गेले होते. अचानक एकीचे लक्ष तिकडे गेले. अरे हे काय .......

"इतक्यात तिसरीही आली?!" ती चकित होऊन उद्वेगाने म्हणाली.

"माझी जुळी बहीण आहे ती." दुसरी खिन्नतेने म्हणाली.

"म्हणजे दोघींबद्दलही कळतं का त्यांना?" पहिलीने इवलुसा प्रश्न विचारला.

"हो! आता सगळंच कळतं आधीच ताई!" तिसरी शांतपणे म्हणाली.

"काय तरी बाई एकेक नवीन! आमच्या वेळी असलं काही नव्हतं!" पहिली उद्गारली.

"पण मग तुला कसं इकडे आणलं?"

"माझ्या नशिबात दूध होतं गं बाई!"

"आता आपण काय करूया?"

"प्रार्थना करूया. आईच्या मागचं हे दुष्टचक्र तरी सुटू दे!"

विषय: 
साहित्य
गद्यलेखन
शब्दखुणा: 
मायबोली गणेशोत्सव २०२२
प्रार्थना
Groups audience: 
मायबोली गणेशोत्सव २०२२
Group content visibility: 
Public - accessible to all site users
शेअर करा

ओह Sad

Submitted by भरत. on 4 September, 2022 - 00:59

जबरी.

Submitted by मानव पृथ्वीकर on 4 September, 2022 - 01:47

बापरे!!!!!
दोनवेळा वाचली, तेव्हा कळाली.....

Submitted by संजय पाटिल on 4 September, 2022 - 02:14

__/\__

Submitted by अवल on 4 September, 2022 - 07:19

कथा जमली आहे.

पण "नाही म्हटले तरी काही वर्षे लोटली होती" आणि "जुळी बहीण" हे कसं शक्य आहे?

Submitted by माधव on 5 September, 2022 - 05:24

माधव, पहिली आणि दुसरी ह्यांत काही वर्षांचं अंतर. दुसरी आणि तिसरी जुळ्या बहिणी. त्यातली दुसरी पहिलीशी बोलायला आधी पोचली आणि तिसरीही मागोमाग येतेच आहे.

Submitted by भास्कराचार्य on 5 September, 2022 - 06:12

आणि त्यातही पहिल्या मुलीच्या वेळी आधी कळत नसल्याने "नशिबात दूध होतं" हे आणि नंतरच्या त्या जन्माआधीच आल्या ("आता सगळं कळतं आधीच ..."). हे स्थित्यंतर शंभर शब्दांत चपखल बसवणे हे अवघड काम जमून गेले आहे. नशिबात दूध होतं हे वाक्य इतक्या वाईट अर्थाने क्वचितच वाचले असेल!

Submitted by फारएण्ड on 5 September, 2022 - 10:48

नशिबात दूध होतं हे वाक्य इतक्या वाईट अर्थाने क्वचितच वाचले असेल!
>>>
+७८६ काळीज चिरणारे होते ते वाक्य

Submitted by ऋन्मेऽऽष on 6 September, 2022 - 00:56

Pages