निसर्गाच्या गप्पा (भाग २९)

डॉगवूडची फुलं मस्तच! >>+१

आज या धाग्यालाच वसंताची चाहूल लागल्या सारख वाटतय पलाश, (माझ अतिशय आवडत नाव, इतक की मुलगा झालाच तर त्याच नाव ठेवायच ठरवल होत) चंद्र, रोहिणी, इविता, गाणी, मानुषीताईची फुलं....... सगळंच छान छान

इंद्रा, काजूला भारतातील कोकणपट्टीचे हवामान खुप मानवलेय असे वाटते. पोर्तुगीजांनी जमिनीची धूप थांबावी म्हणून हे झाड भारतात आणले खरे. पण त्यपुढची मेहनत मात्र भारतीयांची. मग ते फेणी बनवणे असो कि काजूगर अखंड निघण्यासाठी शोधलेले तंत्र असो.

माझ्या सुदैवाने मला भारताबाहेर म्हणजे नायजेरिया, अंगोला आणि ब्राझिल इथले काजूगर आणि बोंडे दोन्ही खायची संधी मिळाली. पण दोन्ही बाबतीत भारतीय काजूच उत्तम प्रतीचे आहेत यात शंका नाही.
.

काजूगराची पेस्ट ही अनेक ग्रेव्हींचा बेस असते तर काजू कतलीचे नुसते नावच आपल्या तोंडाला आणते. काजूच्या बोंडाचे भरीतही कुर्ग भागात करतात. ओल्या काजूगरांचे खास तंत्र केवळ आपल्याकडचेच !!!

जिप्सी, मला तुच आठवलास पळस बघितला तेव्हा. फक्त इथे लिहीलं नाही. स्मित+१००

मानुषि ताई काय जादुई फोटु टाकते आहेस, व्वा!

डॉगवुड नाव आहे होय...

आदिजो, कीत्ती छान कविता आठवली तुम्हाला...

ईन्द्रा, काजु व्वा! काय मस्त रंग आहे

दा ,काजु बद्द्ल मस्त माहिती..

काजूच्या बोंडाचे भरीतही कुर्ग भागात करतात >>> वा.. भरीत साठी परत जाव म्हणतो कुर्गला

डाव्या हातात मीठ आणि उजव्या हातात काजूच बोंड.. काय दिवस होते ते.. तोंपासु

सर्व फ़ोटो, कविता, माहिती सारेच छान!
डाव्या हातात मीठ आणि उजव्या हातात काजूच बोंड.. काय दिवस होते ते.. तोंपासु>>>>>>>>.आम्ही तर नुसते सुद्धा हादडायचो.

फ़ो्टोतल्या बोंडूची काजू बी कोणी तरी आधीच लांबवलेली दिसतेय. हा अमचा आवडता उद्योग होता. आणि नंतर तो आकार बदलेला बोंडू कसा वाढतो ते निरिक्षण. :आ.र.बा:

सर्व फोटो मस्त आहेत.डॉगवुडचा तर zakaa सच.

डॉगवूडची फुलं मस्तच! >>+१

सर्व फ़ोटो, कविता, माहिती सारेच छान!

पण मला "मलनियाँ गेंदवा ले आईं कर सों" चा अर्थ कळला नाही.

अदिजो...पाड्स माझं अत्यंत आवडतं पुस्तक . शाळकरी वयात त्या पुस्तकाने मनावर जे गारुड केलय ते आजही तितकच ताजं आहे.

बादवे गेले काहि दिवस रात्रीचे आकाश जरा जास्तच निरभ्र वाटते का? मुम्बई मधे सहसा अति प्रकाशामुळे तारे कमी दिसतात, ते ही बघायचेच म्हणून निरखुन बघितले तरच. पण गेले काहि दिवस सहज वर बघितले तरी दहा पंधरा ग्रह तारे दिसत आहेत. आणि चंद्र सुद्धा गोड दिसतोय...

काजू, पलश वाह वाह!!!!!!!
डॉगवुड कसली नाजूक आहेत फुलं.मानुषी मस्तं,.........

बर्क लेक वॉशिन्ग्ट्न डीसी...
२०१५ हिवाळ्यात हे तळं संपूर्ण गोठलेलं पहायला मिळ्लं होतं . बहुतेक इत्थे फोटो ड्कवले होते.
काल फार सुंदर हवा होती. सी गल्स आणि गीज ही थामुळे खूष होते. त्यांच्या खूप अ‍ॅक्टिविटीज चालू होत्या.

ओ ताई आपण कुठे होता? :स्मितः

मानुषी, खूपच छान छान फोटो.

सर्व फोटो मस्त मस्त.

काजूच्या बोंडाचं भरीत कोकणातपण करतात. मला नाही फार आवडत. काजू फोटो, माहिती मस्त. माहेरी आहेत काजूची झाडं (आता आहेत का होती माहिती नाही). त्यामुळे खूप आठवणी आहेत. मला बोंड बघायला आवडतात पण खायला नाही विशेष.

मानुषि ताई मस्त फोटु ग, रच्याकने, तुझे क्यानडा गीज आठवलेत बघ...

सर्वच फोटो आणि माहिती मस्त.
सध्या बागेतले ट्युलिप जमिनीतून इंचभर वर आले आहेत.
एवढ्यात जरा कुठे तापमान ६ - ७ डि. से. झाले की अचानक परत हिमवर्षाव होतो.
हल्ली सकाळी मस्त धुके दाटलेले असते. माझ्या मागे, पुढे चालणारे सगळे त्या धुक्यात गुडूप होताना दिसतात. मीही धुक्यात शिरण्यासाठी नकळत भरभर चालण्याचा प्रयत्न करते पण मला काही यश येत नाही.

नले, धुक्यात शिरु नकोस... समोरुन येणारा घाबरेल कि !!!

मानुषी , ते बहुतेक मॅग्नोलिआ चे झाड आहे. डॉग वूड फुलायला वेळ आहे अजून, अन फुलेही वेगळी असतात.

इथे डॉग वूडचा क्लोझ अप आहे

http://beautifulflowerspict.blogspot.com/2016/01/dogwood-flower-pictures...

जीझस क्राइस्टला ज्यावर लटकवले होते ते डॉग वूड चे खोड होते. त्या दु:खाने ती झाडे फारशी उंच वाढत नाहीत अन फुलांच्या पाकळ्या क्रॉस च्या आकारात असतात अशी आख्यायिका आहे. मॅग्नोलियाच्या पाकळ्यांची रचना आपल्या सोनचाफ्याच्या पाकळ्यांसारखी असते .

हे मॅग्नोलिया आहे ना? हे घरासमोर आहे. मग वरचं वेगळं वाट्त नाही का? एखादे वेळी मॅग्नोलियाच्या वेगवेगळ्या जाती असतील?

.वरचं म्हण्जे ज्याला मी डॉगवुड म्हण्ते?

मॅग्नोलियाच्या बर्‍याच जाती आहेत. तुम्ही हा शेवटचा फोटो , पूर्ण फुलाचा क्लोझ अप टाकलाय तो सदर्न मॅग्नोलिआ आहे .

सगळेच फोटो सुंदर! मानुषी, मॅग्नोलियाला सुंदर वास असतो ना?
आमच्या घराजवळच्या टेकडीवर एक झाड आहे, ते शेवरीचंच आहे असं मी इतके दिवस समजत होते. जेमतेम ८ - ९ फूट उंची असेल त्याची. हे ते झाडः

From shevari

मागच्या आठवड्यात या झाडाला हलक्या पिवळ्या - ऑफव्हाईट रंगाची फुलं दिसली:

From shevari

From shevari

आणि हे एक बोंडः

From shevari

संध्याकाळच्या वेळेला फुलं मिटलेली होती, दुसर्‍या दिवशी सकाळी परत फुललेली. ही आपली साधी काटेसावर (शेवरी)च आहे का? का सोनसावर आहे? फुलांचा रंग असा कसा? शेवरीची फुलं संध्याकाळी मिटतात का? या टेकडीवर सोनसावरीची २-३ तरी झाडं मी बघितलीत, ती नैसर्गिकरित्या आलेली वाटतात. पण हे झाड निसर्गप्रेमींनी वृक्षारोपण केलेल्या भागात आहे, त्यामुळे वेगळं कुठलं झाड कुणी हौसेने लावलेलं असण्याची पण शक्यता आहे.

वा, सगळे फोटू मस्त.. मानुषी, तुझे फोटो तर कमाल आहेत. आणि ते खरेच मॅग्नोलिअ आहे. डॉगवुडला फक्त चारच पाकळ्या असतात.

गौरी, ते शेफ्लेरा आहे. अर्थात शेफ्लेरा मध्येही खुप उपजाती आहेत. याचे नाव सांगता येणार नाही मला. पण सामान्यनाम शेफ्लेरा म्हटले तरी चालेल. त्या बोंडांमध्ये कापुस असतो पण आपण ज्याला शेवरी म्हणतो तसा नसतो. नव्या मंबईत खुप आहेत ही झाडे.

http://www.maayboli.com/node/40660?page=7 - ह्या धाग्यावर जिइप्स्याने बघ सोनसावर टाकलीय.

मी त्या उडत येणा-या म्हातारीचे झाड अजुन पाहिले नाहीय. माझ्या घरात मे महिन्यात खुप म्हाता-या उडुन येतात, म्हणजे त्याचे झाड आजुबाजुलाच कुठेतरी असणार. पण माझे अजुन लक्ष गेले नाहीये.

मेधा साधना धन्यवाद.
साधना पुण्याला वेताळ टेकडीवर खूप आहेत म्हातारीची झाड

असे असते होय काजूचे फळ! मी पहिल्यांदाच पाहतोय.

सगळ्या गप्पा फोटो माहिती मस्त. मजा आली आज .
From mayboli

साधना, नाही हे शेफ्लेरा नाही. तू लिंक दिली आहेस त्याच पानावर जिप्सीने याचेच फोटो पण टाकलेत, आणि शांकलीने हे पांढर्‍या शेवरीचे फोटो आहेत असं पुढच्या पानावर सांगितलंय!!!

निगवर सर्चची काहीतरी विशेष सोय करायला हवी आता ... सगळी माहिती इथेच आहे !

मानुषी पुण्याला वेताळ टेकडीवर भरपूर म्हातार्‍या असतात, पण त्या वेलाच्या आसतात. त्या वेलाचं नाव कावळी. ही डॉ. सुरेश शिंदेंची कथा:
http://www.maayboli.com/node/48346

आणि शशांकनी दिलेली कावळीविषयीची माहिती:
http://www.maayboli.com/node/31522