निसर्गाच्या गप्पा (भाग -२४)

जागू तुला कुठे मिळाली ही हत्तीविषयीची माहिती?

अगडबंब हत्तीला, "कमनी"य उंट बघून भिती वाटते

जागू , त्याच पुस्तकात (बहुधा), पहिल्या प्रकरणाचा शेवट मला नीट कळलाच नाही गं. ती एक आदिवासी मुलगी हत्तीबरोबर नाहीशी होते. म्हणजे काय होतं तिचं ते कळलं नाही. मला जरा समजावून सांग प्लीज.

धोबी पक्षाला खंजन म्हणतात हे माहित नव्हत.. धन्यवाद बी

साधना, तुझ्या या पोस्ट साठी ->
<<मुंबईत जे रेन्ट्री मेलेत ते मेल्यावर वेगळेच दिसतात, त्यांची साल अधुनमधुन झडुन गेलेली, जी शिल्लक आहे ती खुप काळी अशी असते. (रेंन ट्री तसाही काळाच असतो). माझी आई सांगत होती की तिच्या रोजच्या वाटेवर जो रेनट्री होता त्याला मरताना खुप दिवस खुप तिव्र असा केमिकलचा वास येत होता, त्याच्या बुंध्यातुन वाफा निघताना दिसत होत्या.>>
Rain trees in Mumbai being killed by poison, say activists ही न्युज वाचा. बहुतेक चार पाच महिन्यापूर्वी केव्हातरी मी इथे शेअरही केली होती.

आणि BMC investigates mysterious killings of rain trees in Mumbai - ही पण.

फक्त लाकडासाठी मारले असतील ? ते लाकुड काही पारंपरीक उपयोगातले नाही. ब्रिटिशांनी सागाची पद्धतशीर लागवड केली होती आणि सतत लाकडाचा पुरवठा होत राहील अशी व्यवस्था केली होती..

सध्या लाकडाला अनेक पर्याय उपलब्ध आहेत. पण तरी लाकडाला भाव आहेच. पण त्यासाठी या झाडांचा जीव घ्यावा

हे रेन ट्री पण अधून मधून जून्या फांद्या खाली टाकतच असते. कावळा बसायला आणि फांदी मोडायला.. हे प्रकरण पोद्दार कॉलेजच्या सज्ज्यातून अनेकदा बघितलेय.

आमच्या शेजार्‍यांच्या नारळाच्या झाडावर घारीने घरटं केलं होतं...
आज सकाळी घारीचा थोडा वेगळा आवाज आला म्हणून बघितलं, तर दोन पिल्लं ऊन खायला बसल्यासारखी झावळीवर बसली होती. त्यांना अजून नीट तोल सांभाळता येत नसल्यासारखी करत होती. ४-५ मिनिटातच त्यांचे आई की बाबा कोणीतरी काही खाऊ घेऊन आल्यावर, अगदी आयुष्यात कध्धी काही खायला न मिळाल्यासारखं करून, आधी माला आधी माला असा धोशा लावून एकानी खाऊ मटकावला. त्याचवेळी दुसर्‍या भावंडाला पंखाच्या फटकार्‍याने दूर सारण्याचा चॅप्टरपणा पण केला!! खरंतर ती पिल्लं आहेत असं वाटतच नाही!.... चांगली टोणगी झालीयेत! पण 'मी कित्ती छोट्टूस्सं आहे, मला अजून माझं माझं खाता सुद्धा येत नाही, तूच भरव!!' हे दाखवताना, अगदी बुलबुलाची पिल्लं जशी पंख थरथरवतात, अंग फुलवतात-घुसळतात, चोच वासतात - सेम तस्संच करतात ही पण पिल्लं. काय पण नौटंकी आहेत!! आणि आकार बघितला तर कावळ्यापेक्षा मोठाच आहे!!
आज सक्काळी सक्काळी मस्त करमणूक झाली माझी...

रेन ट्री बद्दल वाचून हळहळला जीव..:अरेरे:
इथे हुरडापार्टीबद्दल लिहिणार्‍यांचा तीव्र शब्दांत निषेध!! :राग:.....

रावी, 'अरणी' ही कथा थोडी मिथ वाटेल अशीच लिहिली आहे. अरणी ही निसर्गाचं ज्ञान उपजत घेऊन आलेली दाखवलीये. हत्तींबद्दल अनेक गोष्टी तिला माहीत असतात. त्यांचा मृत्यू कसा घडतो हे माहीत असणं हे सुद्धा त्यांपैकीच एक. हत्ती उंटांना घाबरतात त्यामुळे सागवन अशा प्रकारे वाचवता येईल ही तिचीच प्रेरणा! त्यामुळे एखाद्या हत्तीचा आत्मा आणि ह्या जीवनातलं तिचं असणं ह्यात काहीतरी एकरूपत्व श्री. चितमपल्लींनी दाखवलं असावं असं मला ही कथा वाचून वाटलं. (अर्थात हे माझं वै. मत आहे)
अजून एका जपानी कथेमधेही (ज्या देशोदेशींच्या कथांचा त्यांनी भावानुवाद केलाय त्यात) त्या कथेची नायिका ही विलोचा आत्मा आहे असं दाखवलंय. ही जपानी कथा खूप प्रसिद्ध आहे.मागे काही वर्षांपूर्वी 'किशोर' मासिकात पण अशाच प्रकारची एक गोष्ट आली होती.
त्यांच्या (चितमपल्लींच्या) काही कथा खूप गूढ आहेत. पण मला असं वाटतं की जगात आणि विशेषतः निसर्गात आपल्याला माहीत नसलेल्या अनेक गोष्टी आहेत; आणि आपला ह्यांच्याशी कधीच संबंध येत नसल्यामुळे त्या आपल्याला अनाकलनीय किंवा गूढ वाटू शकतात.

शांकली , हो गूढच वाटली मला ती गोष्टं. हत्ती जलसमाधी घेतात तसं आपला अंतिम काळ आला असं जाणून ती त्याच मार्गाने निघाली असं मला वटलं. पण ती अगदी तरूण असते आणि असं का वटावं याचा उल्लेख आला नाही म्हणून कळलं नाही.
की जगात आणि विशेषतः निसर्गात आपल्याला माहीत नसलेल्या अनेक गोष्टी आहेत; आणि आपला ह्यांच्याशी कधीच संबंध येत नसल्यामुळे त्या आपल्याला अनाकलनीय किंवा गूढ वाटू शकतात. > +१ अगदी खरं आहे.

ह्या कथेबद्दल मी असा विचार केला होता... की अरणीच्या स्वयंप्राज्ञ अवस्थेचा शेवट किंवा टोक गाठलं गेलं असावं आणि एके क्षणी तिला ह्या भौतिक जगामधे काहीच बांधून ठेवू शकणारं किंवा तिच्या अवस्थेची पातळी असलेलं आता काही उरलं नाहीये असं वाटलं असावं, म्हणून शेवटी ती तिच्या मूळ स्त्रोताकडे निघून गेली असावी....

आज सक्काळी सक्काळी..................कित्ती गोड लिहिलंस शांकली! अचूक निरीक्षण!
आणि णिशेदा बद्दल तीव्र णिशेद.............तुला काय लांब आहे का गं पुण्याहून नगरची हुरडा पार्टी?

शांकली मस्त वर्णन.. कुणी दुसर्‍याने भरवायचा काळ अगदी थोडा ना पक्ष्यांच्या आयूष्यात.. मग आहेच आपलं आपण जगणं.. मग पुढे चांगला जोडीदार मिळाला तरच अशी चैन पुन्हा !

मानुषी आणि दा, तुम्हीसुद्धा ती घारीच्या पिल्लांची कार्टून फिल्म बघितली असती, तर हेच लिहिलं असतं!! आत्तासुद्धा अधूनमधून कावळे त्यांना धमकावल्या सारखं करताहेत, तर हे दोघं चोची उघडून, चावतोच बघा कसे किंवा तसंच काहीसं बडबडत त्यांच्या अंगावर धावून जाताहेत. मलातर त्यांचा आव बघून यांनीच कावळोबांची काहीतरी कुरापत काढली असावी असा दाट संशय येतोय!

http://www.tbparis.com/photos/birds/Birds-%20My%20Favorites/index.html पक्ष्यांचे अप्रतिम फोटो आहेत या साईटवर ...

शशांक, छान आहेत फोटो... !
नॅट्जिओ वर शहरातले प्राणी पक्षी अशी मालिका येतेय... मुंबईतले बिबळे पण दाखवतील बहुतेक.

शांकलीताई किती छान निरीक्षण आणि नजर तुमची.

खरंच हा धागा वाचते, अगदी आनंद मिळतो मला.

मानुषीताई धन्यवाद हुरडा पार्टीसाठी पण नाही जमणार

पण खाताना माझी आठवण काढा म्हणजे मला पोचला हुरडा

नमस्कार निगकर्स, कसे आहात?
सध्या आमच्या गार्डन लिझार्डने पपईच्या झाडावर मुक्काम ठोकला आहे.

पपईच्या शेंड्यावर उन खात मस्त बसलेला असतो. आसपास उडणारे किटक आले की गपकन खातो त्यांना.

वर्षा ............एकाच वेळी वॉव,सुंदर आणि ई ई ई ...असं काहीसं एकदमच वाटतंय!
पण खरंच काय पर्सनॅलिटी आहे...२ र्‍या फोटोत.
जागू मेल नाही गं पोचली परत करशील?

नाही दिनेश, लाकडासाठी हा कारभार नाहीय. लाकडासाठी खुन करायची झाडे वेग़ळी आहेत. त्यांचे खुन करायच्या पद्धती वेगळ्या आहेत.

भर शहरात, मोक्याच्या जागी उभी असलेली ही झाडे जाहीरातींच्या फलकांना झाकतात. मागच्या इमारतींचे सौदर्य रस्त्यावरुन दिसणे अशक्य करतात. रेनट्री खुप पसरतात. इमारत बांधताना फांद्या अधेमध्ये येतात.

या सगळ्या कारणांमध्ये अग्रभागी आहे ते जाहिरातीचे फलक. शहरात जाहिरातींचे किती अजस्त्र फलक उभे केले गेलेत ते तुम्ही आता आलात की पाहा. करोडो रुपय खर्चुन उभे केलेले हे फलक जर झाडांमुळे अडत असतील तर त्या फलकावर जाहिराती लावायला कोण पैसे देईल? मग ही झाडे नष्ट करणेच योग्य नाही का होणार? आजचे पैसे आज कमाऊन घ्या. उद्या तुमच्या नातवंडांसाठी ऑक्सिजन शिल्लक राहिला नाही तर हेच पैसे वापरुन तो ओक्सिजन ती विकत नाही का घेऊ शकणार? जे विकत घेऊ शकणार नाहीत ते मेले तरी चालतील. असले दरिद्री लोक हवेत तरी कोणाला?

वर्षा सरडा इतका सुंदर दिसू शकतो फोटोत हे फक्त तुझ्यामुळे कळले, मागे आणि आत्ता टाकलेल्या फोटो वरून.

बाकी त्याला पालीला बघून ई ई ई.

पण खरंच काय पर्सनॅलिटी आहे...२ र्‍या फोटोत. >>>>> हे हे हे काय हे !!! बिचार्‍याची इतकी अवनीती (डिग्रेडेशन) करु नको गं .... काय नैसर्गिकता आहे म्हण त्याऐवजी ....

ते कोण कथ्थकचे मोठे गुरु (नाव आठवत नाहीये नेमके) - ते त्यांच्या शिष्यांना सांगायचे - अरे तुम्हाला साधे उभे रहाता येत नाही, बसता येत नाही - तो बेडुक पहा कसा डौलदार बसतो, ते प्राणी, पक्षी कसे सगळे डौलात असतात - ते पहा आणि मग तसे साधे उभे रहायला, चालायला शिका आधी, नृत्याचे आपण नंतर पाहू ...

वर्षा -फोटो - एकदम भारीए ...

बिचार्‍याची इतकी अवनीती (डिग्रेडेशन) करु नको गं .... काय नैसर्गिकता आहे म्हण त्याऐवजी .... स्मित>>>>>>>>>>>>> पटलं हो शशांक अगदीच!:स्मित: