वरातीमागून घोडं - न्यू जर्सी ए वे ए ठि | Page 12

मंडळी, काल आम्ही, "वरातीमागून घोडं" चा एक भाग उरकला. तुमच्या "वरातीमागून घोडं" चा हा मिनी प्रकार (फक्त दोन माबोकरणी) असल्यामुळे "वरातीमागून पोनी" म्हणा हवं तर! ( ह्याचा मैत्रेयीच्या चित्राशी काही संबंध नाही. चित्र भन्नाट आहे!)
एबाबांनी फक्त २० तासांची नोटीस व जास्त सुगरणपणा दाखवायला गेलात तरी ते मोजकंच खाणार अशी धमकी दिल्यामुळे आम्हीही हात आखडता घेतला. ( आम्ही दोघी विशिष्ट शहरातल्या आहोत हे सांगणे न लगे! पण एबाबांचा जावई पण "आमचेवाला" असल्यामुळे त्यांची "आपलेच दात व आपलेच ओठ" अशी अवस्था झालेली पाहून आम्हाला झालेला आनंद काय वर्णावा!) असो.
तर आमचा मेनू -
पेय- पाणी व रंपा
अ‍ॅपीटायझर- ढो़कळा
जेवण - कैरी-हळद लोणचं, कारळ्याची चटणी, टोमॅटोची कोशिंबीर, भो. मि.ची भाजी, कोबीची भाजी, पालकाची ताकातली पातळ भाजी, पोळ्या, भात, आणि शेवयाची आमरस घालून खीर

आमच्या "वरातीमागून......"ला एक चतुर्थांशच वर्‍हाड होतं तरी ते तुमच्या आधी झालं हे नम्रपणे नमूद करु इच्छिते. नव दांपत्य व नव साबा - साबु यांचे फोटो अप्रतिम आहेत. (सां. का. ला काय याची चिंता नको.)

तुमच्या ".... च्या घोड्या" ला शुभेच्छा.

त. टी. - एबाबांनी प्राचीच्या लग्नाचे लाडू दिले. ते न्यू जर्सीत बनलेले होते. बरे आहेत. पण तुम्हाला जर पुण्याहून आलेले लाडू मिळाले, तर सांगा. ह्या पक्षपातीपणाचा माफक सूड काढण्यात येईल. तसंच, मैत्रेयी, अजिंक्यला निरोप पोचव की डरनेका नय, हम तुम्हारे साथ है!

Submitted by शुगोल on 17 July, 2014 - 11:20