मायबोली गणेशोत्सव २०१३ : उपक्रम "चारोळ्यांच्या भेंड्या"

शिकविलेस तू मीठ घासभर
अभिमानाचा खचला पाया..
कुठचे संकेत, कुठचे दावे,
कुठची नाती, कुठची माया!

(चालवून घ्या)

"सत्य नसे, ही नुसती माया
रमता येथे जासी वाया"
इतुके बोलुन स्वामी गेले
पोळीसह बासुंदी खाया

(चालवून घेताच आहात तर... :P)

यापुढे इब्लिसच लिहू शकतील. जेवायलाच गेलेत ते.

(तो 'पार्ले' शेधायला हवा आता. (आजकालचा पुपु शोधला तरी चालेल) पोळी नि बासूंदी नाय बाबा जमत. :फिदी:)

सहवासाचे मोल कसे सांगावे
जो अनुभवेल त्यालाच कळावे
माबोवरिल काव्यपुरात बूडून
पवळ्यानेही पांढर्‍यावर काळे करावे

एकदम खांडेकर स्कूल हो! सही है मेधा.

अंधारत तिळातिळाने काळा कालिंदीतीर
गवतात हले काहीसे, राधेचा सुटतो धीर
हसतात दूरचे दीप, हासतो जवळ वनमाळी
वेढावी तितुकी निसटे हातून ओढणी काळी

हात तुझी पवळ्या
किती करशील टवाळ्या ?
काम कर जा थोडा वेळ
थांबव या बे़कार चारोळ्या !

ओढणी काळी लेऊन,
मेघ धुव्वादार बरसले,
धरती नेसली हिरवा शालू,
बघून मनमोर नाचले.

स्वाती चारोळी खूप छान आहे तुझी.

धन्यवाद, अंजू.

शोनू

स्वाती,
काय भन्नाट लिहितेयस.
मस्तंच.

मयेकर , स्वाती आणि साजिरा यांची जुगलबंदी फार्फार आवडली. लिहा की अजून...

मनमोर नाचला नाही
मग लांडोरीने म्हटले
आभाळी मेघच नाही
सांभाळा तुमचे खटले

आरसा कशाने फसला
घे विचारून काचेला
चेहरा अगोदर पडला
की पारा आधी उडला

>>>

वाह...

मयेकर , स्वाती आणि साजिरा यांची जुगलबंदी फार्फार आवडली. लिहा की अजून...>>>>+१०००००००

सांभाळा तुमचे खटले
मन माझे आता विटले
खाईन निवांत मी पिठले
आता मात्र कटले

व्वा ! भरतजी, स्वाती , मस्त चाललीय जुगलबंदी अन साजिर्‍याचे ,इब्लिसचे अँटीक्लायमॅक्सेस. मजा आली. स्वाती, >>वेढावी तितुकी निसटे हातून ओढणी काळी >> अप्रतिम.

चारोळ्या आवडल्याचं आवर्जून सांगितल्याबद्दल धन्यवाद.

रोज खटला चालतो उशापाशी
आणि जाते अवसान रोज फाशी
उद्या शेळीगत जगायचे ठरते
पहाटेला पण सर्व ते विसरते!

कसेतरी कटले तेही दिन
विझून गेले प्राण तुझ्याविण
विसरलेच मी माझी ओळख
आणि आज तू दारी अचानक

स्वाती, ट्रॅफिक जॅम
पहाट वारा सागरसाथ
देहावरती मस्त प्रमाथ
नि:श्वासांची शिल्पे कोरत
एकटीच मी इथे धुक्यात

अचानक थबकले पाय,
ऐकुनी घंटानाद,
दूरवर कोठेतरी,
घातली कोकीळ पक्षाने साद.

साद नसे पडसाद नसे
स्वप्न नसे आभास नसे
हा निर्मनुष्य एकांत इथे
माझाच मला सहवास असे

भारतीताई

शुभरात्री लोक्स, चालू द्या, मजा येतेय.

vaa bharatitai Kay surekh lihilat.

असे कसे नि तसे कसे
कुणा विचारत बसू नये
शोधावे उत्तर आपण
सापडल्यावर हसू नये!

स्वाती आणि साजिरा यांची जुगलबंदी मस्त.

हसू नको तर रडू काय
ही चारोळी वाचून करू काय
भारी उपक्रम धमाल हाय
मी पण कवि झाले का काय?

बापरे ४ पान झाली?

कवि होणं तसं सोप आहे
असं असतं तसं नसतं
लिहित जायचं नुसतं
जग हसतं, नाही तर फसतं