मायबोली गणेशोत्सव २०१३ : उपक्रम "चारोळ्यांच्या भेंड्या"

भरतजी मलाही तसच वाटलेलं..

आता लिहा ना तुम्ही

हे जुलुमाचं लिहितोय..

माझ्या रे प्रीतिफुला
ये चल झुलू झुला
घेऊन जाईल तो उंच
स्वप्नांच्या देशी तुला-मला

असुदेकी चालतय

माझ्या प्रीतफुलाऐवजी प्रीतीच्या फुला घ्या. भरतजी जुलुमाचे कशाला छान लिहिलेत कि तुम्ही.

मी लिहू का खरचं?

थांब ट्राय करते -

मी माझ्या मनात जपलाय पाऊस
आणि त्या पावसात तुझी आठवण
एक एक थेंब एक एक सर
ओले मन,गहिरे क्षण आपल्या प्रेमाची उबदार साठवण!

भरतदादा, तुम्ही काहीच का लिहित नाही आहात?

ऊप्स
थांबा मी माझी चारोळी काढते

रियाताई, मागच्या पानावर एक चारोळी लिहिलीय. वरची दुसरी

स्वप्नांच्या गावात
एक परी..
म्हणते मला..
येशील घरी..?

बापरे मध्ये किती पोस्टी पडल्यात.. आता काय करु?

अंजली, बरोबर चाललंय की. रियाताईंची पोस्ट उशिराची आहे, त्यामुळे ती ओलांडूनच पुढे जावे लागणार होते.

हो का? बरं.. मग आता लिहा पुढे.

आणि चांगलं तर लिहिताय की..

पण परत छोटीच झालीये माझी चारोळी..

घरी जो असतो
तो बाहेर नसतो
पण म्हणून का कधी
आरसा कुणाला फसतो?

वा!

रियाताई, मागच्या पानावर एक चारोळी लिहिलीय. वरची दुसरी स्मित
>>>
हो मी वरची वाचली नव्हती
सॉरी!

मी काढु माझे चारोळी की राहू देत?
तसाही तिने फरक पडत नाहीये
पण दुसरी कडे होईल ना

आरसा कशाने फसला
घे विचारून काचेला
चेहरा अगोदर पडला
की पारा आधी उडला

वा स्वाती! यापुढे काही लिहायचे म्हणजे...

स्वाती, वाह!

वा सुरेख चारोळी..

कसली भारी चारोळी स्वाती !

उडाला वरनं मला परवा आमच्या इथले एक आजोबा " उडाला उडाला कपील तो उडाला" असा श्लोक म्हणाले घाईघाईत..

ते कपी तो उडाला असं हवं होतं..
हे इथे अस्थानी आहे पण आठवलं म्हणून..

>> कपिल तो उडाला

धन्यवाद, मंडळी. बर्‍याच दिवसांनी चारोळी लिहायचा प्रयत्न केला. तुमच्या प्रोत्साहनामुळे छान वाटलं.
गाडी पुढे जाऊ द्या आता.

पारा धरू जावे तर
हाती काही ठरत नाही
तरी असे कसे म्हणावे
मागे काही उरत नाही

मागे जे उरले तेही
पुसणार ठसे लाटांनी
अन् तू तर पसार होशी
शेकडो पायवाटांनी!

पायवाटा सरावाच्या होतात
पावलांखालून सरकू लागतात
जोडपावलांची नक्षी वाचताना
स्वतःशीच हरखू लागतात

वा भ्राताश्री!

स्वतःशीच बोलू लागताना
प्रतिबिंबे आरशातच हासली
आरशात रंगला खेळ हा..
नि आरशाबाहेर घालमेली!

सुमारे ८/१० दिवसांनंतर मायबोलीवर येऊ शकलो. गणेशोत्सवातला कोणता धागा वाचू असा विचार करीत असतानाच 'नवीन लेखन' मधे हा चारोळीचा धागा दिसला. छान चारोळ्या लिहिल्या आहेत सर्वांनी.

स्वाती आणि भरत यांच्या चारोळ्या मस्तच.

भरत तर एकदम फॉर्मात ..... ....... लगे रहो भरत

<आरशाबाहेर घालमेली!>!!!\

>> नि आरशाबाहेर घालमेली
अर्रे वा!

जिवाच्या गं घालमेली
सये सांगाव्या कुणाला
सखा पापण्यांच्या दारी
आणि उंबरा मनाला!