सर्वात भीतीदायक चित्रपट

तुनळी मी नंतर लिहायला सुरवात केली इथल्या लोकांचं लिहिलेलं पाहुन ,आधी मी युट्युबच लिहायचे .पण हे तुनळी भारी वाटतं आता .
पण हिम्मतवाला पाहिलाय म्हणजे नक्कीच माझ्यापेक्षाही महान आहात मी अजुन पाहीला नाही. हमशकल पाहिला होता टीव्हीवर त्यापासुन भीतीच वाटते हा चित्रपट पाहायची.त्यापेक्षा रामुचे भयपट बरे.

महेशकुमार,चित्रपटाच्या HDलिंक साठी धन्यवाद.

https://www.youtube.com/watch?v=TIJ8qIfWAik

"तुझं तू जेव ठेवलाय ते वाढुन घे !!! मला उगाच उठवू नकोस, वाट्टेल तेव्हा येतो आणि मी जागी राहू" अस्ले अत्यन्त तुसडेपणाचे संवाद किंवा
"तुझ्या पॉलिसीचे डीटेल्स !! माझ्या पॉलिसीचे डीटेल्स!! माझ्या अकाऊंटला इतके तितके पैसे आहेत " वगैरे निरवा निरवीची भाषा आईने सुरू केली की मी समजतो की ती हॉरर मुव्ही पाहीली गेलेय

बागबान

परवा woman in black पाहिला.. चांगला वाटला.. तशी भुताबिताला/अंधाराला फारशी घाबरत नाही मी.. पण २ ३ वेळा मस्त दचकायला झालं.. आणि धडधडलं.. मजा आली..

एका स्त्रीने, case 39 पहा असं १० वेळा बजावलय. खुप भिती वाटते म्हणे. खरं का?

वुमन इन ब्लॅक
मलापन आवडला पहिला..खरच दचकायला होत दोन तीन ठिकाणी.. बाकी रॅडक्लीफ एका एवढ्या मोठ्या लेकराचा बाप वाटत नै ते सोडा...

केस ३९
ओके आहे.. तो सुद्दा दचकवतो कुठ कुठ.. खुप काही भितीदायक नै वाटला..

बाकी भितीदायक हे परिमाणात मोजायच असेल तर चित्रपट एकट्याने रात्रीच्या वेळी पाहिलेला उत्तम..
तेव्हाच कळत कि कुठल्या चित्रपटाने हितभर केली ते

१४०८ पाहिला पण अजिबात घाबरायला झाल नाहि..... पण, राँग टर्न बघून जाम टरकले. (एकच भाग पाहिलाय अजून… बाकीच्या भागांची लिंक मिळत नाहीये )

१४०८ पाहिला पण अजिबात घाबरायला झाल नाहि..... >> +१
राँग टर्न बघुन मला भिती कमी न किळस जास्त वाटते ..

http://www.maayboli.com/node/33448

डुप्लिकेट भुतांच्या गोष्टी मला आवडत नसल्याने काही अपवाद वगळता फक्त सायको थ्रिलर- हॉरर यात मोडणारे सिनेमे मी सुचवेल
Shutter Island (2010)
Insomnia (2002)
Vertigo (1958)
Misery (1990)
Eyes Wide Shut (1999)
The Game (1997)
Secret Window (२००४)
Let the Right One In (2008)
Jacob's Ladder (1990 )
Identity (2003)
Session 9 (२००१)
Don't Look Now (1973)

एक पुस्तक आहे लेफ्ट साईड ऑफ गॉड, एका अघोरपंथीच चरीत्र. त्यात त्याने 'द शायनिंग' च कौतुक केलय की हे अस असत.
मी विमानात पहायचा प्रयत्न केला. तो नुसता भितीदायक नाही तर मनात अत्यन्त निराशा निर्माण करणारा आहे.
Submitted by गुगु on 3 August, 2013 - 01:19
>>>गुगु, तिन्ही पुस्तक वाचलीत का ? किती गोष्टी खऱ्या वाटल्या ? विमलानंदांचं खरं नाव माहितेय का ?

The Grudge .... एकमेव चित्रपट जो पाहून फाटतेच फाटते

woman in black डेंजर आहे. एकदम दचकायला होतं

>>>गुगु, तिन्ही पुस्तक वाचलीत का ? किती गोष्टी खऱ्या वाटल्या ? विमलानंदांचं खरं नाव माहितेय का?
जिद्दू
पहिलच वाचलं बाकीची दोन आहेत माझ्याकडे पण नाही वाचली. त्यांच खर नाव माहीत नाही

सर्वच वाचा . मुंबईतील एक ख्रिश्चन गृहस्थांनी ती पुस्तक वाचून बराच शोध घेतला यातील लोकांचा तेव्हा त्यांना बऱ्यापैकी यश मिळालं त्यात. विमलानंदांचं कुटुंब पूर्वी मुंबईतील सर्वांत श्रीमंत लोकांपैकी एक होतं. त्यांचे आईवडील नंतर बहुतेक संपत्ती दान करून वानप्रस्थाश्रमात गेले. वडिलांच्या मृत्यूनंतर त्यांची आई साऊथला कोणत्यातरी आश्रमात होती. या माणसामुळे माझी त्या आयुर्वेदिक डॉक्टर आणि ती पारशी बाई यांची भेट झालीय आणि विमलानंदाचा फोटो पण पाहायला मिळाला. बहुतेक गोष्टी खऱ्या असल्या तरी रॉबर्ट स्वबोडाने भरपूर फेकाफेकी केलीय जी ओळखता आली पाहिजे.
असो धाग्यातून विषयांतर नको. तुम्हाला विमलानंदांचं नाव पाठवलंय . मेल चेक करा .

सध्याच 3 पिक्चर पाहिले.हॉरर म्हणता येणार नाहीत.
1. द रूम:
एक जोडपं नव्या घरात जातं, आणि त्यात एक इच्छा पूर्ण करणारी रूम असते. हा खूप चांगला बनवता आला असता तर इंटर्व्हल नंतर भरकटतो.
2. स्पीक नो ईव्हील:
यातले पालक महामूर्ख आहेत इतकं एक वाक्य म्हणेन.इतके रेड फ्लॅग दिसत असताना त्यांचा सभ्य, विनम्र आणि लेचेपेचेपणा आश्चर्यकारक आहे.एक डॅनिश कुटुंब इटलीत दुसऱ्या डच कुटुंबाला भेटतं आणि त्यांच्या आमंत्रणाने त्यांच्या गावातल्या घरी लहान मुलीसह 1 रात्र राहायला जातं.
3. द बॉय:
एका अमेरिकन बेबी सीटर ला दुसऱ्या देशात एका लहान मुलासाठी बोलावलं जातं, आणि हा मुलगा म्हणजे एक बाहुला असतो.यातला सस्पेन्स चांगला आहे.

स्पीक नो ईव्हील:
यातले पालक महामूर्ख आहेत>>>>>> सेम मलापण असंच वाटलेलं..

आश्चर्य आहे.
एव्हढे पाहिलेत पण एकाचंही नाव आठवेल तर..

आश्चर्य आहे.
एव्हढे पाहिलेत पण एकाचंही नाव आठवेल तर..>>>> +१११.मी पण केव्हाचा आठवायचा प्रयत्न करतेय

शाळा कॉलेजचा रिझल्ट असतो त्यांनी त्या दिवसाच्या आदल्या रात्री पाहिलेला प्रत्येक मूव्ही हॉरर असतो.

रात मूव्ही पाहिल्यानंतर दोन दिवस झोप उडाली होती माझी...सारखी ती भुयारात बसलेली बाई आठवायची. जाम घाबरले होते...दुसरी एक मूव्ही आहे स्पीलबर्ग ची..duel म्हणून.. हॉरर नाहीये..पण हिरोच्या मागे लागलेल्या पोलादी ट्रक मुळे जी काही वातावरण निर्मिती झालीये ना. ती जबरदस्त आहे..माझी आवडती मूव्ही..पूर्ण पिक्चर पाठ झालाय आता तरी सुद्धा दरवेळेस पाहताना टेन्शन येतच.

…

आम्हा भावंडांत सर्वात मोठा मामेभाऊ होता त्याला सिनेमाचं खूप वेड होतं. शोले त्याने शंभरपेक्षा जास्त वेळा पाहिला होता.
आम्हाला समज आल्यावर पुन्हा शोले पाहिला आणि त्याच वेळी जंजीर पण पाहिला. यातला अमिताभ खप्पड दिसत होता. पण उशिरा पाहूनही सिनेमा खूप आवडला होता. त्यावेळी हा मामेभाऊ म्हणाला "अरे जंजीर शोलेकाय बघता ? मी लहान होतो तेव्हां दरवाजा एकट्याने पाहिला होता"
तसा तो थापाड्या होताच. पण दरवाजा ही काय भानगड ? एकट्याने पाहणं काय एव्हढं म्हणून विचारल्यावर त्याने सांगितलं कि दरवाजाच्या वेळी पैजा लागायच्या एकट्याने बघायच्या. बहुतेक रामसे ब्रदर्सने सुद्धा बक्षीस ठेवलं होतं.

तरीही त्याच्या नंतर सज्ञान झाल्यावर धाकट्या मामाकडे नगरला गेलेलो असताना तिथल्या थिएटरला दरवाजा पाहिला. त्याची दोन्ही मुलं लहान असल्याने त्यांना काही सोडलं नाही. मग मी एकट्यानेच पाहिला. मागच्या चार रोज आणि पुढच्या सगळ्या रोज पूर्ण मोकळ्या होत्या.
आयुष्यात भूताचा पहिलाच सिनेमा बघत होतो. उत्सुकता पण होती आणि भीतीही वाटत होती.

तो पहिला आणि शेवटचा सिनेमा ज्याला भीती वाटलेली.

( आताच्या दोन आठवड्यात गल्ल्यावर डल्ला मारून सिनेमा इतिहासजमा होण्याच्या काळातल्या पिढीला समजणार नाही. जंजीर, शोले,दीवार , मुघल ए आझम , दरवाजा , लक्ष्याचे सिनेमे , दादांचे सिनेमे हे दरवर्षी पुन्हा पुन्हा येत असत. ते जुने होत नसत) .

हॉरर नाही, पण कल्पना सर्वात जास्त भीतीदायक वाटलेला म्हणजे 'गेट आऊट'.

शोले पाहिला आणि त्याच वेळी जंजीर पण पाहिला. यातला अमिताभ खप्पड दिसत होता>>>> कनफुजिया गये..

क्यू?

अमिताभ च्या सोनेरी काळातले चित्रपट ना ते?

जंजीर आला तेव्हा मी नव्हतो.
रीरन ला पाहिला तेव्हा ज्या अमिताभला पहायची सवय झाली होती त्यापेक्षा यातला अमिताभ खप्पड वाटत होता.

दुसरी एक मूव्ही आहे स्पीलबर्ग ची..duel म्हणून.. हॉरर नाहीये..पण हिरोच्या मागे लागलेल्या पोलादी ट्रक मुळे जी काही वातावरण निर्मिती झालीये ना. ती जबरदस्त आहे..माझी आवडती मूव्ही..पूर्ण पिक्चर पाठ झालाय आता तरी सुद्धा दरवेळेस पाहताना टेन्शन येतच.>>>
+१११११११
Duel जबरदस्त आहे.

Horror सिनेमाचा उद्देश मनात भीती निर्माण करणे हा असतो. तो Duel १००% पूर्ण करतो. Spielberg ने अगदी सुरुवातीच्या काळात TV साठी DUEL बनायला होता. माणसापेक्षा जास्त ट्रक सजीव वाटतो.

हिचकाॅकच्या TCM channel वरच्या एका मुलाखतीत म्हटल होत की 'भयपटात (बाहेर कितीही उजेड असलातरीही) प्रत्येक फ्रेममध्ये काळोख हवा'. थोडक्यात त्याचा BIRDS बघितल्यावर आजही खुप कावळे किंवा seagulls parking lot मधून जाताना दिसले की जरा चाचपायला होत. तसेच rear view mirror मध्ये ट्रक दिसला की एक क्षण Duel चा विचार येतो. किंवा समुद्रात पोहायला शिरताना Jaws चा विचार येतो. ह्या समीकरणात बसणारा हल्ली "लपंडाव" वाटला.

मला दो गज जमीन के नीचे बघायचा आहे, मी लहान असताना बऱ्याच जणांनी भयानक पिक्चर आहे असं म्हटलं होतं.