निसर्गाच्या गप्पा (भाग - १२)

हे पक्षी कोणते आहेत आहे का माहिती कुणाला?
दिनेशदा तुम्ही म्हणता ती फळं काही लक्षात येत नाहीत. नेप्तीची झाडं माहिती आहेत.
केर सांगरी>>>>>>>>> नगरला काही ठराविक किराणा दुकानात ही केर सांगरीची भाजी मिळते. मारवाडी मैत्रिणींकडून कळलं की काही पाला, कंद आणि फळभाज्या सुकवलेल्या म्हणजे केर सांगरी.
ही भाजी रात्री भिजत घालून दुसर्‍या दिवशी करतात. चविष्ट पण अती तेल असते.
राजस्थानातल्या भौगोलिक परिस्थितीनुसार सीझनल गोष्टी वाळवून वर्षभराची बेगमी!
काल टोमॅटो, दोडका, घोसाळी, दुधी आणि कारली ....बीया आणून, मस्त आळी करून जमिनीतच लावली. याच बीया वर गच्चीतल्या कुंडयातही लावणार आहे. बघू काय आधी उगवते.
शशांक वाचतोयस ना (:स्मितः)!

काल टोमॅटो, दोडका, घोसाळी, दुधी आणि कारली ....बीया आणून, मस्त आळी करून जमिनीतच लावली. याच बीया वर गच्चीतल्या कुंडयातही लावणार आहे. बघू काय आधी उगवते.
शशांक वाचतोयस ना (:स्मितः)! >>>> लुई म्हाराजांचे नत्रखत प्रोक्षण नंतर पाण्याने थोडे डायलूट करत रहा म्हणजे झालं .....

लुई म्हाराजांचे नत्रखत प्रोक्षण नंतर पाण्याने थोडे डायलूट करत रहा म्हणजे झालं ...>>>>>
व्हय म्हाराजा!..

आज हे कुणी वाचलं?
http://online2.esakal.com/esakal/20130208/5194079819578397786.htm

जागू, तुला फ़टके देणार आहे.
मी एखादा फ़ोटो डकवावा म्हटल की डकवलाच हिने.

मनापासून धन्यवाद शोभा१२४ - या बातमीसाठी -
"सर्पदंश झालेल्या माकडीसाठी दुसऱ्या एका माकडाने तातडीने वनौषधी आणली; अन्‌ त्या उपचाराने माकडी बरी होऊन टणा टणा उड्या मारत जंगलात पसारही झाली."
हे सगळं प्रत्यक्ष पाहिलेल्यांपैकी कोणीतरी ती वनस्पती उचलून कोणा वनस्पतीशास्त्रज्ञाला दाखवायला हवी होती - म्हणजे ती वनस्पती कुठली हे कळले असते व आपल्यालाही (माणसाला) त्याचा उपयोग होऊ शकतो का हे समजायला पुढे काही संशोधन करता आले असते...

चितमपल्लींच्या एका पुस्तकात असाच एक प्रसंग वर्णन केला आहे - एक इंग्रज साहेब (टी एम गँबल) एका मुंगूस व नागाची लढाई पहात असतो - सर्पदंशाने घायाळ झाल्यावर मुंगूस एका झुडूपात शिरते - त्याचा कंद उकरुन खाते व उन्हात जाऊन काही काळ बसून रहाते - जरा वेळाने ते बरे होऊन निघून जाते - तो साहेब स्वतः वनस्पती शास्त्रज्ञ होता त्याने त्या वनस्पतीचे नाव ठेवले - "सर्पगंधा" ...

जागु,
मोहोर छान टिपलाय !

शशांकजी,
भन्नाट माहिती !

आज सकाळी सात वाजताच सागर उपवन (कुलाबा) येथे जाऊन आलो. सोनसावर भन्नाट फुललीय सावकाश फोटो टाकेन. त्यानंतर राणीबागेत जाऊन आलो कॅन्डल फ्लॉवरचे काही मस्त फोटो मिळाले नंतर प्रदर्शनात जाऊन आलो. नेहमीप्रमाणे छान आहे. आता रात्री मायबोलीकरांसोबत "नांदूर माधमेश्वर"
सोमवारी फोटो डकवेन.

अजुन एक माहिती मिळाली पवईच्या बागेत रूद्राक्षाचे झाड आहे आणि गेल्या आठवड्यात त्याला कळ्या आलेल्या. सोमवारी जाऊन पाहणार

नि.ग. चे पान फारच वेगाने पुढे चाललेय. सर्व फोटो आणि माहिती फारच छान!

जागूssssssतोंडाला पाणी सुटलं ना!!

शोभा, मस्त लिंक दिलीस!

जिप्सी, तुझ्या फोटोंच्या प्रतिक्षेत आहोत हं आम्ही सगळे....

मी देत असलेला फोटो कुठल्या पानांचा आहे ओळखा बरं...

हा अजून एक..

हे शेतातल्या बांधावरच झाड..

अनिल, 'तोंडाला पाणी सुटणं' म्हणजे काय ह्याच उत्तर हा फोटो पाहून मिळालं !

माझा बराच बॅकलॉग आहे. पण मला आता पुन्हा पहिल्यापासूनचे भाग वाचायचे आहेत. मोठ्ठंच प्रोजेक्ट होणारे ते.

ती चिंच धड हिरवी नाही, अन ना ही अजून गाभूळलेली... मधल्या स्टेजलाही मस्त लागते.

हिरवी कच्ची चिंच खायला मज्जा येई. खिशात चिंचा अन मीठ एकत्र भरत असू आम्ही. एक 'अमून्या' नामक प्रकार होता खानदेशात. हुरड्याच्या दाण्याच्या साईझची हिरवी-लाल आंबटगोड फळे. खूप थोडा गर अन चावून खाता येईलशी बी आत. करवंदाच्या जाळी सारखी जाळी असे अमुन्यांची. शाळेच्या दाराबाहेर बसलेल्या आजीकडे अमुन्या, चिंचा, पाकातली बोरं, करवंदं, गटागटच्या किंवा लिमलेटच्या गोळ्या (२० पैशाला २०) अन काय अन काय असे. पण खिशात १० पैशाच्या अमुन्या किंवा चिंचा भरून वर घासभर मीठ घालणे अन "खिसा हलवून" आतल्या ऐवजाला ते मीठ लागले की 'पोस्ट मधली सुटी' तासांना थोडा थोडा खाऊ चघळणे अन शेजार्‍या पाजार्‍यांशी शेअर करणे हा मोट्ठा आनंद आठवतोय लहानपणचा..

चिंचेच्या आठवणी भरपूर. फोटोबद्दल धन्यवाद!

शांकली तो बटाटा आहे ना ? >>>>> काय झटकन ओळखलेस जागू - तुला सर्व फळभाज्या, पालेभाज्या पाना-फुला-फळांसकट माहिती असणारच.........

अनिल तो.पा.सु. >> =१००००

हे पहा माझ्याकडचं बटाट्याचं झाड............सहज म्हणून कोंब लावले होते. बटाटे कधी येतील?

सुप्रभात मंडळी
चिंचा , कैर्‍या............ मस्त आहेत फोटो!

काल एक खरबूज(मस्कमेलन) आणलं पण खायला किंचित कच्चट वाटलं. म्हणून ज्यूस काढला. मस्त टेस्टी!

बटाटे कधी येतील? >>>> जागू, दिनेशदा, अनिल - सांगा बरं लवकर, लवकर....

चिंचा भारीएत आणि मानुषी तुझ्याकडचा खरबूज ज्यूसही तों पा सू .....

बटाटे कधी येतील? ><< कुंडित असल्यामुळे दिड ते दोन महिन्यात, तसेच कुंडीत असल्यामुळे त्याचा आकार फारसा मोठा होत नाही पण दम आलू साठी वापरता येईल

बटाट्याचं झाड! मस्तच. मागे एकदा मी इथलंच वाचून बटाटा लावला होता एका कुंडीत. मस्त झाड वाढलं होतं . साधारण तीन साडेतीन महिन्यानी लेकाला जवळ थांबवून `बटाट्याचं पीक' काढायला सुरूवात केली. अगदी सुरूवातीला एक बाळ बटाटा मिळाला. आम्ही दोघं खूश! पण नंतर अक्खी कुंडी उपसली तरी फक्त मुळंच ! एकूण मिळून तो एकच बाळबटाटा मिळाला होता.

हे पक्षी कोणते आहेत आहे का माहिती कुणाला?>> मानुषी, माझ्या अंदाजाने ते रोझी पास्टर्स (Rosy Pastor) आहेत. हे मायग्रेटरी पक्षी असतात. इराण वरुन येतात. ही माहिती आणि फोटो पहा.

https://www.google.co.in/search?q=rosy+pastor+bird&hl=en&client=firefox-...

http://www.indianaturewatch.net/displayimage.php?id=321023

http://badakerecrao.blogspot.in/2010/02/rosy-pastor.html

तुमच्या फोटो मधले पक्षी हेच आहेत का ते सांगाल का?

स_सा, रावी .......................चला म्हणजे आता बाळबटाट्याची वाट बघायला हरकत नाही.
हं...........थॅन्क्स स्वाती! २ दिवसच आले हे. नंतर नाही आले. म्हणजे त्यांच्या माय्ग्रेशन्च्या प्रवासातला एक स्टॉप होता की काय आमचा कडूलिंब!
आणि त्यांच्या पाठीवर पाहिलंस का? आपण कुर्त्यावर योक करून त्यालाच खाली काजबटनपट्टी करतो
तसं काहीसा पट्टा आहे.

<<अजुन एक माहिती मिळाली पवईच्या बागेत रूद्राक्षाचे झाड आहे आणि गेल्या आठवड्यात त्याला कळ्या आलेल्या. सोमवारी जाऊन पाहणार<<
जिप्सी, मागे एक लोकप्रभा अंक संपुर्ण रुद्राक्षावर होता. त्यात होतं की ठाण्यात रुद्राक्षाचं झाड आहे.
अशी दुर्लभ वृक्षांचं टीश्यु कल्चर करुन जतन आणि प्रपोगेशन करायला हवं खर तर.

मानुषी, मी स्वतः नेपतीची बरीच झाडे नगरात बघितली आहेत. नलिनीच्या घराजवळ आहेतच शिवाय लोणीचे कॉलेज आहे त्या रस्त्यावर पण आहेत.. फोटो असणार इथेच..

वरती सगळे तोंडाला पाणी आणणारे प्रकार दिसताहेत

मी वर्णन केलेला पक्षी हा ! ( हाही फोटो नीट नाही कारण अपुरा प्रकाश !)

त्याची बसायची तर्‍हा बघा. मधल्या फांदीवर नीट बसण्याऐवजी असा दोन्ही डगरीवर पाय ठेवून बसतो. मग तोल जाईल नाहीतर काय !

बटाट्याला पांढरी किंवा निळसर ( जातीप्रमाणे) फुले येतात. वांगी / मिरची सारखीच दिसतात पण गुच्छात येतात. फुले आल्यावरच काढणी करत असावेत. केनयात बटाट्यावे अमाप पिक येते. तिथे शेते आहेत. फुलावरची शेते खुप छान दिसतात.

दिनेशदा, पक्ष्याच्या ह्या स्टाईला 'फतकल स्टाईल' म्हणता येइल.