मला चुकीची ऐकू आलेली गाणी

याराना मधील बैठा दिया फलक पे मुझे खाक से उठाके......हे मला कित्येक दिवस

'' बैठा दिया पलंग पे मुझे खाट से उठा के ''असे वाटत होते.

डो.कैलास

फलक म्हणजे आकाश हे मला खूप दिवसांनी कळ्लं. त्याआधी शाळेतला फळा असा अर्थ असावा अशी माझी समजूत होती

कदाचित हे मी आधी पोस्ट केलं असेल. अक्षयकुमारच्या एका गाण्यात "झुले झुले लाल दम मस्त कलंदर" ह्या शब्दांनंतर "केवलजी सरकार" हे काय आहे? असंच आहे का मला काही वेगळं ऐकू येतंय?

"मौजा ही मौजा" ह्या गाण्याच्या एकाहि ओळीचा अर्थबोध होत नाही......काहीतरी पन्जाबी आहे असे म्हणुन निमुतपणे ऐकावे लागते.....

"मौजा ही मौजा" चे सगळे शब्द आणि त्या गाण्याचा अर्थ मला वाटतं याच बाफ वर किंवा माबोवर अन्यत्र कुठेतरी कुणीतरी दिलाय.

ह.ह.पु.वा.

मी एकटीच रात्री घरात बसुन हा बी बी वाचतेय. हसुन हसुन पोट दुखतय़ आता.:हहगलो:

सावली......निट बघ...... भिन्तिवरची तुझी सावलीपण पोट धरुन हसत असेल.......!

हो. ही सावली.......आणि ती "गडद सावली"............

भिन्तिवरची तुझी सावलीपण पोट धरुन हसत असेल >> तस झाल तर मात्र भितीने मुरकुंडि वळ्ली असती हो!

गडद सावली >> नविन आयडी छान आहे

अरे अजुन एका पोस्ट नंतर हा धागा १००० पोस्ट वाला होणार आहे. माझी ९९९वी!

लहान पणी हे गाने असे ऐकत होतो..
----------------------------------------------------------

हसा मुलांनो हसा प्रकाशातले / आकाशातले तारे तुम्ही अंधारावर रुसा...

रात्रीस खेल चाले ह्य खुन चांदण्यांचा .. संपेल ना कधीही हा खेल सावल्यांचा..

"नरवर क्रिष्णासमान्".........हे नाट्यपद आम्हि लहानपणी (अजुनही कधि कधि) "धर नार्‍या (म्हणजे नारद) क्रिष्णाची मान..." असे म्हणायचो गमतिने......

"गर्दस पोरी काल साजणी तु तर चाफेकळी" यात आशालता वागबावकरांनी काय म्हटलय कुणास ठाऊक?

कुलु आता बालकवींच्या मागे का?
गर्द सभोती रान साजणी तू तर चाफेकळी
काय हरवले सांग शोधिसी या यमुनेच्या जळी?

अरेरे. मी भलतेच काहीतरी म्हणत होतो.

कुलु, बालकवींनी अर्धवट ठेवलीय हि कविता, तू पूर्ण कर. (म्हणजे त्यांना परत जन्म घ्यावा लागेल!! )

दिनेशदा हे गाणे आधी ऐकले आणि मग कधीतरी समग्र बालकवी वाचताना त्यात ही कविता वाचली , आणि खाली अपूर्ण असे वाचून आत कुठेतरी तटकन तुटले.. बालकवींचा रेल्वेखाली आल्याने झालेला मृत्यू आठवला.

ही चाल तुरुतुरु उडती केस भुरूभुरू ह्यापुढची ओळ मला "डाव्या डोळ्यावर बट धरली" अशी ऐकू यायची. दुधावर साय धरते तशी डोळ्यावर असेल बट आलेली अशी आपली माझी समजूत. काल एका सिरियलमध्ये शब्द कानी पडले त्यावरून "डाव्या डोळ्यावर बट ढळली" आहे हे कळलं आणि स्वतःचीच कीव आली

मीही डाव्या डोळ्यावर बट धरली असेच ऐकत होतो. त्यात कींव यायचे कारण नाही....

मला माहित नव्हतं ही कविता बालकवींनी अर्धवट ठेवलीय ते. मला ते पुर्ण गाणे पण माहित नाही.

अरे असू दे रे, तुमची पिढी हि गाणी ऐकतेय, हेही नसे थोडके !!

मलाही नव्हतं माहित. कोणीतरी आहे तशी ती कविता पोस्ट कराल का प्लीज? नाहीतर लिंक तरी द्या ना. हे "यमुनेच्या जळी" च आहे ना नक्की? का "तळी" आहे? पाण्यात कसं काय शोधणार?

तो :गर्द सभोती रान साजणी तू तर चाफेकळी
काय हरवले सांग शोधिसी या यमुनेच्या जळी?
ती: ती वनबाला म्हणे "नृपाळा हे तर माझे घर
पाहत बसते मी तर येथे जललहरी सुंदर
हरिणी माझी तिला आवडे फारच माझा गळा
मैना माझी गोड बोलते, तिजला माझा लळा

तो: रात्रीचे वनदेव पाहुनी भुलतिल रमणी तुला
तू वनराणी दिसे भुवनी ना तुझिया रूपा तुला
अर्धस्मित तव मंद मोहने पसरे गालावरी
भुलले तुजला हृदय साजणी ये चल माझ्या घरी

(सलग वाचता यावी म्हणून इथेच जोड दिली...थॅक्स टु दिनेशदा.

मस्यगंधा या नाटकात हि कविता वापरली होती. कथानक बहुदा महाभारतातील सत्यवती चे होते. तसा संदर्भ नसताना, या कथानकात ते फिट्ट बसले. नाटकात आशालताच गात असत. संगीत पं. जितेंद्र अभिषेकींचे होते.

दिनेशदा मूळ कविता मला दुष्यंत शकुंतला यांची वाटते...
हरिणी माझी तिला आवडे फारच माझा गळा
.....................तिजला माझा लळा"
या ओळी काय आहेत? आता हे गाणे ऐकायला मिळेपर्यंत भुंगा आहे.

भरत, अशी ओळ आहे ती.
मैना माझी गोड बोलते, तिजला माझा लळा

पण शकुंतला म्हंटले तर यमुनेचा संदर्भ लागत नाही !!

वनबाला, वनराणी, मैना हरिणी यामुळे मला शकुंतला वाटली.

भरत, दिनेशदा, धन्यवाद कविता पोस्ट केल्याबद्दल. सत्यवती कोळयाची मुलगी होती ना? त्यामुळे हरिणी, वन वगैरेंचे संदर्भ लागत नाहीत हे पटते.

तिच्या अंगाला माश्यांचा वास येत असे म्हणून ती मस्यगंधा आणि तो वास योजनभर येत असे म्हणुन ती योजनगंधा !!!
चोप्रांच्या महाभारतात ही भुमिका देबश्री रॉय ने केली होती बहुतेक आणि आशालता ने शकुंतलेची (पण या अगदी पहिल्या पहिल्या भागातच होत्या.)

सत्यवतिच्या कथेवर रामदास कासलेबुवान्ची एक जबरदस्त "डबलबारी" आहे.......(कधि कोणी डबलबारी हा भजनाचा प्रकार ऐकला असेल तर...)