विश्वकरंडकः एका न बघणारीच्या चष्म्यातून...

धन्यवाद चातक!

सानी मस्तच लिहिलंयस! आणि आपण एकाच बोटीत सेलत आहोत. ( सेलिंग इन द सेम बोट)
मी कधीच क्रीकेट पहात नाही. हो आता अगदीच भारत पाक मॅच आहे आणि आपण जिंकतोय तर पहाते आपली कशीबशी.

सहीय.... ९९ च्या वल्डकप पर्यंत मी दुसर्या गटात होतो काहीही झा लं तरी मॅच चुकवायची नाही ... दुसर्या दिवशी फायनल सेमचा पेपर असतानादेखिल रात्री मॅच पहायचो.... पण का कोणजाने क्रोनियेची न्युज वाचल्यापासुन मॅच बघायचा इंटरेस्टच गेला आणि खुप खुप वेळ वाया जातो याचा साक्षात्कार ( ?) झाला.... गेल्या १० वर्षात या वेळ्ची सेमी फायनल आणि फायनल बघितली... ते पण फक्त माहोल एन्जोय करण्यासाठी..... तसापण बेटींगचा धंदा क्रिकेटपेक्षा मोठा झालाय...

माझे वडील केव्हापासुन क्रिकेटचे चाहते झाले माहीत नाही पण ते भारताचे सामने आवर्जुन पाहतात, स्कोर दिसत नसला तरीही जवळ जाऊन जाऊन पाहतात.
आई त्याच्या विरुध्द पण तिने फायनल पाहीली आणि वडील रागवत असताना सुध्दा मल्हारला माझ्या मुलाला घरातील लाटने व कुकरचे भांडे वाजवायला पोत्साहन दिले.

मुकु

पण का कोणजाने क्रोनियेची न्युज वाचल्यापासुन मॅच बघायचा इंटरेस्टच गेला>>> सेम हिअर! खरे तर अझर आणि जडेजा यांचे प्रकरण ऐकल्यापासून तर पूर्णच गेला होता. विश्वचषकाने कसाबसा पुन्हा निर्माण झाला. हॅन्सी क्रोनिए या अत्यंत हॅन्डसम खेळाडूला नंतर दक्षिण आफ्रिकावाल्यांनी ' विमान अपघात असे भासवून' ठार मारले. देशाची मानहानि केल्याबद्दल! शॉन पोलॉकला काही कर्णधारगिरी जमत नव्हती, तरीही क्रोनिएला आणले तर नाहीच, उलट अद्दल घडवली. आपल्याकडे अजून हैदराबादला जीम चालते अझरची! क्रीम ऑफ सोसायटी पब्लिक तेथे येते.

वडील रागवत असताना सुध्दा मल्हारला माझ्या मुलाला घरातील लाटने व कुकरचे भांडे वाजवायला पोत्साहन दिले.>>>

खुसखुशीत लेख

माझे जवळपास सर्वच मित्र क्रि.प्रे. आहेत. त्यामुळे आमचा ग्रूप जमला की त्यांच्या धो धो गप्पा चालतात आणि मी त्यात सामिल होऊ शकत नसल्याने गर्दीत असूनही "रंग माझा वेगळा" असे होते.
पण इकडे चक्क बेफिकीर आणि अजुनही काही जण चटकन "सहमत आहे" म्हणाले.
दुनिया मे ऐसा भी हो सकता है ? सहीच !

सानी, मस्त लिहिलेय........

आमच्या एरियातल्या बुकींनी दिलेल्या घटनाक्रमानुसार घडायला लागल्यावर खरं तर मला पण खात्री झाली की हे सर्व फिक्स आहे....... पण देशप्रेम का काय ते स्वस्थ बसू देईना......

जीव लावून तरीही मॅच बघितली सगळ्या ग्रूपने मिळून........ जिंकल्याचं सेलिब्रेशन रस्त्यावर गाडी काढून मस्त टपावर बसून केलं....... तो माहौलच वेगळा होता पण....... पाकिस्तानवरचा विजय आणि फायनल...... त्या क्षणी बुकींनी सांगितलेले सर्व क्षणभर का होईना विसरायला झालं....

म्हणतात ना, विजय हा शेवटी विजय असतो, मग तो कसल्याही बळावर मिळवा.

युध्दात, खेळात आणि प्रेमात सगळेच क्षम्य असतं

सानी

आताशा माझेही क्रिकेटवरचे प्रेम मॅच फिक्सीग मुळे कमी झालेत, IPL तर बघतच नाही, बघितलेच तर सारखे ललीत मोदी, शशी थरुर, शरद पवार दिसतात.
शेवटी आग असेल तरच धुर निघतो ना?

बेफिकिरजी.. मी सर्व मॅचेस बेफिकिर होऊन पाहात असते आणी मॅच फिक्सिंग,बेटिंग इ.गोष्टींची अजिबात फिकिर करत न्हाई..
हा खेळ मनापासून आवडतो त्यामुळे कुणीका षटकार मारो,कठीण कॅच झेलो, उत्तम बॉलिंग करो..त्या प्रत्येकाला (त्याच्या नॅशनॅलिटी ला महत्व न देता..) मनमुराद दाद देते.
टी ट्वेंटी तर खूप आवडता..
मुकु. तुमच्या आईच्या गेम स्पिरिट ला सलाम.. मॅच जिंकल्यावर (पाक्-भारत) ओरडून घसा दुखला आणी टाळ्या वाजवून हाताला झिणझिण्या आल्यावत्या

मुकु. तुमच्या आईच्या गेम स्पिरिट ला सलाम..
होन तो लहान त्याला काय समजणार विशेष. बाहेर जोरजोरात फ्टाके फुटत होते, यालाही जोश आला.
आणि हो त्या नंतर काही दिवसानी तेच भांडे मी पाहीले आणि बाबाला विचारले बाबा भांड्यावालीने एवढे कसे आपटले हे. अगदी जागो जागी फोड आल्या सारखे झालं होतं. तर बाबा म्हणाले तुझ्या पोराचा प्रताप तो.

>>> २. क्रिकेट हे आनंद आणि करमणूकीपुरते राहिले नसून त्याचा खुप मोठा व्यापार झाला आहे.

ज्यांना व्यापार करायचा आहे त्यांना तो करू देत. त्यांना आपण थांबवू शकत नाही. मात्र आमच्यासारख्यांना जोपर्यंत क्रिकेटमुळे आनंद मिळत राहील, तोपर्यंत आम्ही ते एन्जॉय करू.

पण मास्तुरे,

एका गटाचे म्हणणे असे आहे की मुळात प्रेक्षकांना खूप मजा यावी व स्पेशली 'जे जिंकावेत असे बहुसंख्य प्रेक्षकांना वाटत आहे ते जिंकावेत' याच साठी फिक्सिंगवाले कार्यरत असतात. मग हे ऐकले की खोटेच वाटायला लागते.

आवडले.

>>> एका गटाचे म्हणणे असे आहे की मुळात प्रेक्षकांना खूप मजा यावी व स्पेशली 'जे जिंकावेत असे बहुसंख्य प्रेक्षकांना वाटत आहे ते जिंकावेत' याच साठी फिक्सिंगवाले कार्यरत असतात.

फिक्सिंग हे व्यक्तिगत पातळीवर शक्य आहे. म्हणजे एखादा खेळाडू ठरवून वाईट खेळू शकेल किंवा आलेले झेल सोडू शकेल. पण एखाद्याच्या व्यक्तिगत खेळामुळे संपूर्ण सामन्याचा निकाल फिरविता येणे जवळपास अशक्यच वाटते. त्यासाठी दोन्ही संघातील सर्व २२ खेळाडूंचा सहभाग हवा. फिक्सिंग घडवून आणणारे ते प्रेक्षकांना मजा यावी म्हणून करत नसावेत. ते सामन्यावर झालेल्या बेटिंगवर ठरवत असणार.

२०११ च्या स्पर्धेतला कोणताही सामना फिक्स होता असे मला वाटत नाही. पाकड्यांनी सचिनचे ठरवून झेल सोडले असे काही जणांचे मत आहे. पाकिस्तानचे खराब क्षेत्ररक्षण जगप्रसिध्द आहे. त्यामुळे त्यांनी झेल सोडल्याचे कोणाला फारसे आश्चर्य वाटलेले नाही. जर ठरवून झेल सोडले असते तर वेगवेगळे ४ खेळाडू यात सहभागी होते असे म्हणले पाहिजे. जर तो सामना पाकड्यांना मुद्दामहून हरायचा होता तर वहाब रियाझला ५ बळी घेण्याची गरज नव्हती. उलट वेडीवाकडी गोलंदाजी करून भारताला त्याने भारताला ३५० च्या पुढे जाऊन द्यायला पाहिजे होते.

श्रीलंकेने सुध्दा अंतिम सामना ठरवून हरला अशी एक अफवा आहे. ते खरे वाटत नाही. हरायचेच होते तर २७४ धावा करण्याऐवजी ते २०० धावांच्या आतच बाद झाले असते आणि महिला जयवर्धने, संगक्कारा, थिसारा परेरा, कुलसेकरा, दिलशान इं. नी चांगली फलंदाजी केली नसती. भारताने फिक्सिंगमुळे तो किंवा स्पर्धेतले इतर काही सामने जिंकले असे म्हणणे हा चांगला खेळ केलेल्या भारतीय खेळांडूवर अन्याय आहे.

फिक्सिंगमध्ये काही खेळाडू व्यक्तिगत पातळीवर सहभागी असल्याचे यापूर्वी काही वेळा उघडकीला आले आहे. परंतु संघातले सर्व ११ खेळाडू त्याच्यात सहभागी असणे अशक्य वाटते.

मास्तुरे,

आपला प्रतिसाद खूपच 'आवडायला हवा' असा आहे मात्र मला अनेक वाक्यांमध्ये घोळ जाणवले व हे मत आपल्या बाबत वैयक्तीक मत नसून एक फक्त मत आहे.

'कोणते घोळ'?

ते भारतातील ४ मे रोजी दुपारच्या आत लिहीन.

-'बेफिकीर'!

चांगलं लिहिल आहेस .

सानी, हळू हळू हा बाफ क्रिकेटप्रेमाकडे सरकू लागला आहे. सावधान !

सानी छान लिहिलंयस. मी आणि नवरा दोघेही क्रिकेटवेडे नाही.
त्यांनी(क्रिकेटर्सनी) खेळून पैसे कमावायचे आणि आपण नुस्तं बघत बसून दिवस वाया घालवायचा. नाही पटत.
हां आता अगदी भारत पाक मॅच आहे आणि आपण जिंकतोय मग ठीके.
आणि हो आयपीएल तर नाहीच पटत.

ओह माझा प्र्.सा. आलाय. मला वाटलं की इथे माबोवर काहीतरी गडबड होत होती तर मला वाटलं सेव्ह नाही झाला. पण वर दिसला..हा टायपल्यानंतर. असो

कितीही काहीही म्हटले तरी क्रिकेटचा राग येणार्यांनाही क्रिकेट कळत असतेच आणि मोजक्या का होईना म्याचेस बघितल्या जातातच!

युरोपिय देशांत क्लब फ़ूटबॉलमध्येही निष्ठेने सामने बघणारे असतातच की! इतकेच नाही तर सपोर्टरांची हाणामारीही होते. तशी खेळाडूंची झोम्बाझोम्बी तर बर्‍याचदा होतच असते.

आयपीएलच्या बाबतीत बोलायचे तर मला काही मनापासून तो प्रकार आवडत नाही पण चुरस यायला सुरवात झाली की त्यात वेळ जातोच.

खरी मजा टेस्ट क्रिकेट पाहतांना येते हे मात्र खरे!

>>क्रिकेटचा राग येणार्‍यांनाही क्रिकेट कळत असतेच
मला फक्त ओव्हर आणि रन एवढेच कळते. अर्थात रन बरोबरच चौकार, षटकार, धावचित, पायचित, झेल, त्रिफळाबाद हे पण कळते. पण हे अगदीच मुलभूत ज्ञान असावे.
बाकी नो बॉल, वाईड, स्लिप, सिली पॉईन्ट हे सगळे शब्द बाऊन्सर जातात.