अवघी विठाई माझी (१३) - बटरनट

मस्त माहिती देताय. मला पण आवडतो लाल भोपळा (पण म्हणजे मी थोर असेन काय?)

हो ग देवी. तू नी मी थोरच. माझीही आवडती भाजी. लहानपणी काविळ झाल्यावर डॉ. नीं फुलके आणि भोपळ्याची भाजी सारखी खायला सांगितली तेव्हापासून काहीही कष्ट न घेता आवडायला लागली बहुतेक

इथे याला बटरनट स्क्वॅशच म्हणतात. याचे सूप छान लागते. जुन्या माबोत मी टाकली होती. ऑलिव्ह ऑइल लावून ग्रिल करायचे मग व्हेजी स्टॉकबरोबर मिक्सरमधून काढून घेऊन मीठ, मीरपूड घालून उकळायचे.
इथे वेगमन्स सारख्या दुकानांत फ्रेश कट केलेला मिळतो.
इथे अजून काही रेसिपीज आहेत -
https://www.wegmans.com/webapp/wcs/stores/servlet/RecipesView

सायो, मला पण लहान पणी डॉ. नीं फुलके भेटले असते तर किती बरं झालं असतं! मी ही जरा बटरनट सारख्या भाज्या खायला शिकलो असतो.

दिनेशदा, ह्या एरवी फारशा खास न दिसणार्‍या(डोळ्याला) अथवा न आवडणार्‍या भाज्यांचे तुम्ही जे काही बनवता ते फारच भारी दिसतं! छान वाटतेय ही सुद्धा रेसिपी.

याचे तुकडे मेथी कडिपत्ता सुकीमिर्चीच्या फोडणीवर परतून त्यात दही घालून कोशींबीर करता येते. सांबारात, किंवा आमटीत पण मस्त लागतात याच्या चौकोनी फोडी.

दिनेशदा छान माहिती.

काल बिग बझार मध्ये लीक ही भाजी दिसली. मी ते छोटे कोबी (नाव विसरले) शोधत होते, पण दिसले नाहीत.

दिनेशदा मागील वर्षी लेकीकडे(युएसे) व परताना मैत्रिणीकडे (यूके) या बटरनटची दोन अगदी वेगवेगळ्या प्रकारे भाजी खाल्ली होती. मस्त होती. आवडली.
बाकी चालू दे. खूप छान लिहिताय.

अरे वा! मस्त फोटोज आणि पाकृ!
ह्या भाजीला आपल्याकडे पथ्यकर भाज्यांमध्ये गणले जाते. गवार - तांबडा भोपळा हे एक आवडते कॉम्बो. भरीत, घारगे, रायते, चटणी, सांबार, सूप....सगळीकडे वापरता येणारी ही भाजी!

वाह दिनेशदा, या भाजीला वेगळे नाव असेल माहित नव्हतं.

<<साने गुरुजींनी पण ती भाजी आवडत असल्याचे लिहून ठेवले आहे.>> हो. शिवाय भोपळ्याच्या फुलांच्या भाजीचा सुध्दा त्यांनी उल्लेख केलेला आहे. विशेष करून कोकणात पावसाळ्यात इतर भाज्या मिळणं कठीण असतं, मग भोपळ्यावर भर असतो. भोपळ्याची फुलं कधीकधी दादर, सिटीलाईट ला दिसतात.

मी कधीपासुन घरच्या कुंडीत भोपळ्याचा वेल लावायचा अयशस्वी प्रयत्न करत आहे. फुलं येतात पण भोपळे धरत नाहीत. मला वाटतं की हि वेल जमिनीतच येऊ शकते. कित्येक झोपड्यांवर चढवलेली दिसते.

<<गवार - तांबडा भोपळा हे एक आवडते कॉम्बो. >> अनुमोदन. मी गवारीत नेहेमीच्या लाल भोपळ्याच्या केवळ साली घालते. साधारण शेंगांच्या आकाराच्या कापून टाकल्या की भाजी दिसते पण छान. या सालींची चटणी सुध्दा खमंग होते. साली बारिक चीरुन थोड्याशा तेलावर सुक्या होईपर्यंत परतून घ्यायच्या. तीळ भाजून घ्यायचे. गार झाल्यावर मिक्सर मधून काढताना तिखट, मीठ, लिंबू घालायचे.

दा, तुम्ही लिहिल्याप्र्माणे स्वीट कॉर्न्,टोमॅटो,शिमल्या मि.घालून लाभोची छान भाजीच करते! ही चाल्ये!

मालदीवला हे मिळायचे भरपूर.. मी पुलाव करताना भातात घालत होतो. घडाभाजी ( उकडहंडी) करताना हे घालायचो..

दिनेशदाजी, (दाजी चा योग्य तो अर्थ )

खुपच मस्त. नेह्मी ह्या भाजीकडे बाजारात न पाह्णारी मी (कारण अज्ञान) आता फोटु पाहुन भारावले आहे.

दिनेशदा,
तुमचा बटरनट मस्त वाटला.

म्हणजे आपण जगात कुठेही गेलं तरी आपल्या इथल्यासारखा भोपळा आहेच..
पण हा भोपळा बहुतेक गोडच असतो का ?
घारग्या सोडुन दुसरा काही उपयोग करु शकतो, कृपया अधिक माहिती द्यावी.

छान माहिती.

पण हा भोपळा बहुतेक गोडच असतो का ?
घारग्या सोडुन दुसरा काही उपयोग करु शकतो, कृपया अधिक माहिती द्यावी.>>>>

गोड असतो असं नाही भोपळ्याची भाजी करतो तशीच ह्याची भाजी होते.

बटरनट चं सुप ही मस्त लागतं.

बटरनट शिजवायची सोपी क्रुति:
बटरनट अर्ध कापुन मायक्रोवेव्ह मधे ५-१० मि शिजवायचे. मऊ झाले की चमच्याने गर काढुन तो वापरायचा. फोडी हव्या असतील तर थोडा कमी वेळ शिजवावे.