गाणी मनातली (आवडलेली मराठी गाणी)

भरत धन्स रे सगळ्या गाण्यांसाठी
शोभाजींचे अजुन एक गाणे चित्रपटः तांबडी माती - "नजरीया लागे नही कही और" (गाणे हिंदी चित्रपट मात्र मराठी :-))

अवांतरः
आणि लताच्या आवाजात एक चित्रपटगीत.>>>>भरत, ते गाणे "सत्यम शिवम सुंदरम" चित्रपटातील का?
रंगमहल के दस दरवाजे
ना जाने कौनसी खिडकी खुली थी
सैंया निकस गये मै ना लडी थी
सर को झुकाये मै तो चुपके खडी थी
सैंया निकस गये मै ना लडी थी

"सर्वसाक्षी" या चित्रपटाची सीडी मी खास "बांधले मी बांधले..." या गाण्यासाठीच घेतली होती. आशाचे हे गाणे आवडीचे, खुप शोधले पण नाहि मिळले शेवटे महाराष्ट्र ग्रामोफोन (दादर) येथे चित्रपटाची सीडी मिळाली, पण दुर्दैवाने त्यात गाणे फक्त एकाच कडव्याचे होते नंतर आंतरजालावरील एका मित्राने पूर्ण गाणे पाठवले. हा चित्रपट शनिवारी (जर घरी असेल तर ;-)) नीट पाहतो.
आक्रीतची पण सीडी आता बघायला पाहिजे. हा चित्रपट ऑनलाईन उपलब्ध आहे का?

(अवांतरः अमोल पालेकरने एका हिंदी चित्रपटातही खलनायकाची भुमिका केली आहे ना? चित्र्पटाचे नाव बहुदा "दामाद" (but Not Sure).

रच्याकने, स्मिता पाटिलचा विषय निघालाच (सर्वसाक्षीच्या निमित्ताने) आहे तर कुणी सांगू शकाल का कि तिचा पहिला "मराठी" चित्रपट कोणता आहे?
"सामना" या चित्रपटात "कुणी तरी अशी पटापट गम्मत आम्हा सांगेन काय? या टोपीखाली दडंलय काय?..." या गाण्यात (गायकः रविंद्र साठे, श्रीराम लागू, चित्रपटातः श्रीराम लागू)
"चमचमणार्‍या चांदण्याजैसी
मोगरीवरल्या दवाजैसी
स्पर्श झाला कि कणाकणाने
विरघळणार्‍या आसवांजैसी......." या कडव्यात स्मिता पाटिल आहे, तोच तिचा पहिला चित्रपट का? (या चित्रपटात वरील गाण्यातील एका कडव्यापुरतीच भूमिका आहे.)

अवांतरः
ह्या चित्रपटात तो हिरो आहे.. >>>>धन्स साधना!!! या चित्रपटात रंजिता हिर्वीन आहे ना? "जिंदगी के सफर में ना जाने, मिलते है कुछ अंजाने" हे गाणे आहे या चित्रपटात (दामाद).

सुरेश वाडकरांचे "सुहास्य तुझे हे मनासी मोहे..." हे "संसार" या चित्रपटातील गाणे मी शोधत आहे. कुणाकडे असल्यास पाठवा किंवा गाण्याची/चित्रपटाची सीडी कुठे मिळेल ते कळवा :-).

सुरेश वाडकर (सोबत अजुन कुणीतरी आहे. आठवत नाही) यांचे आवडते अजुन एक गाणे "कथा दोन गणपतरावांची" या चित्रपटातील
"कुठे आहे कुठे तुझाच सोबती जुना
कळे गावातले विचार हे तुला पुन्हा
जुन्या वाटेवरून चालणे हे नवे
कशी वळशी नजर तुझी पहा पुन्हा पुन्हा

जुने विसरायचे बरे नव्हे अरे मना
असे बदलायचे बरे नव्हे अरे मना......" असेच काही शब्द आहे. छान शब्द, संगीत आणि अर्थातच आवाज.
चित्रपटात दिलीप प्रभावळकर आणि मोहन आगाशेंची जुगलबंदी आहे. दोन जिवलग मित्र आणि नंतर त्यांच्यात होणारे वैर अशी विनोदी अंगाने जाणारी काहीशी कथा होती.

सुरेशजींची ऑल टाईम फेव्हरीटः
१. पाहिले न मी तुला तु मला न पाहिले
२. तु गेल्यावर असे हरवले सूर, हरवले गाणे
३. जेंव्हा तुझ्या बटांना उधळी मुजोर वारा
४. पहाटे पहाटे मला जाग आली

आणि खुप खुप खुप सारी गाणी

धन्यवाद दा, अधिक माहितीसाठी.
माज्याकडे मा. दिनानाथ आणि आशा भोसले यांच्या आवाजातले गाणे आहे. मागे एकदा FM Gold वर संसार चित्रपटातील हे गाणे सुरेशजींच्या आवाजात ऐकले होते.

माधव, ईमेल मिळाला. खुप खुप धन्यवाद

मला वाटते सुमती टीकेकरच्या आवाजात एक झोपाळ्याचे गाणे होते.>>> अजुन एक गाणे "गीत होऊन आले सुख माझे आले साजणा....." हे आहे त्या चित्रपटात.

सुरेशजींच्या गाण्यांचा मी पंख आहे
मागे एकदा ई टिव्ही मराठीवर त्यांचा "सूरमयी शाम" हा कार्यक्रम व्हायचा. अख्खा कार्यक्रम रेकॉर्ड करून ठेवलाय (ऑडियो फॉर्मेटमध्ये).

योग्या.. तुला दुसरा उद्योग नाहि क रे???>>>>>आवडीच्या गाण्यांसाठी कुछ भी करेगा!!!!!!

माधव, खुप खुप धन्यवाद "सुहास्य तुझे मनासी...." साठी. मन भरून ऐकतोय आज.

हा मराठी गाण्यांचा बीबी आहे हे माहीत असूनही थोडा आगाऊपणा करतोय.>>>दा, आगाऊपणा चालेल :).

गायिका लताच. पण तिने त्या गाण्याला अशा काही उंचीवर नेऊन ठेवलेय...>>>>पहिल्यांदाच ऐकले. धन्यवाद दा, गाण्याची माहिती आणि ओळख करून दिल्याबद्दल

सुरेशजींचे अजुन एक आवडीचे गाणे

ओळखीचा वाटल्यावर वाट तो बदलून गेला
तो तसा घाईत नव्हता पण मला टाळून गेला

एकटा आहे मुळी मी हीच सोबत खूप आहे
अन कुणा मग दोष देऊ हात जर निसटून गेला
तो तसा घाईत नव्हता पण मला टाळून गेला ............

जो तुझा आहे दिवाणा तो तुझ्या शहरात आहे
सांग मग तो कोण होता जो शहर सोडून गेला
तो तसा घाईत नव्हता पण मला टाळून गेला ............

प्रश्न मी साधेच केले टाळले ज्यांना असे तू
की खुलाशांचाच सार्‍या अर्थ मग बदलून गेला
तो तसा घाईत नव्हता पण मला टाळून गेला ............

(मूळ गीतात अजुन काही कडवे आहेत जे गाण्यात नाही आहे. गीतकारः चंद्रशेखर सानेकर)

ओळखीचा वाटल्यावर वाट तो बदलून गेला
तो तसा घाईत नव्हता पण मला टाळून गेला

एकटा आहे मुळी मी हीच सोबत खूप आहे
अन कुणा मग दोष देऊ हात जर निसटून गेला

तो कधी झाला न माझा, जो कधी नव्हता कुणाचा
एक होता चेहरा जो आरसे चुकवून गेला

वाटले त्याला, बघावे एकटा जगतो कसा मी
एवढ्यासाठीच मजला तो घरी भेटून गेला

जो तुझा आहे दिवाणा तो तुझ्या शहरात आहे
सांग मग तो कोण होता जो शहर सोडून गेला

टाळला मी आरसा तर चेहरा विसरून गेलो
पाहिला, तर सर्व पारा आतला निखळून गेला

आजही सांगू न शकलो त्यास माझी यातना मी
आजही जखमेवरी तो आसवे बरसून गेला

शेवटी अश्रूंत माझ्या चेहरा माझाच दिसला
जो दिलासा भेटला तो आरसा देऊन गेला

तो तुझा नव्हता कुणी तर का तुला मंजूर होता?
तो तुझा होता कुणी तर का तुला जाळून गेला?

प्रश्न मी साधेच केले टाळले ज्यांना असे तू
की खुलाशांचाच सार्‍या अर्थ मग बदलून गेला

रच्याकने आज सकाळी वारा लबाड आहे.. लागलेले. तुझ्याकडे आहे काय??>>>>साधना, जीमेल चेक कर

साधना हे घे संपूर्ण गाणे:

लपत, छपत, बिचकत, दबत, सननन करत, अन् गुणगुणत
वारा.....वारा...वारा..... वारा निघे लपाया

झाडात आड आहे
गिल्ला करुन पाने
सांगून राहिली की
वारा लबाड आहे
वारा.....वारा...वारा..... वारा लबाड आहे

झाडात मोहराचे
सारे घबाड आहे
वाकून एक फ़ांदी
सांगून राहिली की
भुंगा ........भुंगा ......... भुंगा ......
भुंगा उनाड आहे
वारा लबाड आहे

वाड्यास भोवताली
राई उफ़ाड आहे
पडवीवरील बोले
छपरी ........छपरी ......... छपरी ......
छपरी उजाड आहे
वारा लबाड आहे....

चोरून दे मुका तू
वस्ती चहाड आहे
वा-यास साखळी ही
सांगून राहिली की
उघडी....... उघडी....... उघडी
उघडी कवाड आहे..
वारा लबाड आहे....

अल्बमः अबोलीचे बोल
संगीतः श्रीधर फडके
स्वरः श्रीधर फडके आणि अनुराधा पौडवाल
गीतः शिरीष गोपाळ देशपांडे..