गौळण: असा काय करशी तु रे नंदाच्या कान्हा
Submitted by पाषाणभेद on 8 September, 2010 - 22:08
गौळण: असा काय करशी तु रे नंदाच्या कान्हा
असा काय करशी तु रे नंदाच्या कान्हा
उगा खोड्या काढी मज सोड ना ||धृ||
गोड बोलणे तुझे लाघवी
यमुनातीरी वेणू वाजवी
करशी मग तु रे बळजोरी
मीही सांगे यशोदेला तुझा खोटा गुन्हा ||१||
दह्यादुधाचे विरजण लावले
लोणी सारे विकण्या निघाले
वाट अडवण्या आडवा येई
उपकार कर माझ्यावरती आता जावू दे ना ||२||
गुलमोहर:
शेअर करा
