किलबिल - टाकाऊतुन टिकाऊ - कार मिरर डँगलर- आदिती

नावः आदिती
वयः तीन वर्षे ४ महिने
माध्यम: प्लॅस्टिक, कागद, फोम
मदतः सामान गोळा करुन देणे, भोके पाडणे आणि प्रोत्साहन

--------------------------------------------

मी करत असलेल्या टाकाऊतुन टिकाऊ प्लॅस्टिक बाटल्यांच्या कलाकृती बघुन आदितीलाही काहितरी करायचे होते. मधेमधे लुडबुड करत होती. मग विचार केला तिच्याकडुनही काहितरी टातुटि च करुन घ्यावे. सोप्यात सोप्पे, फार वेळ न लागणारे असे काहितरी

--------------------------------------------

कार मिरर डँगलर:

साहित्यः प्लॅस्टिकच्या बाटल्यांची झाकणं, पाईप क्लिनर (क्राफ्ट शॉप्स मधे मिळतात) प्लॅस्टिक स्ट्रॉ चे तुकडे, फोम शेप्स, पॅकिंगमधे आलेले थेर्माकोलचे गोळे आणि कागदी मफिन कप्स.

कृती:
- आईने बाटलीच्या झाकणांना, थर्माकोलच्या गोळ्यांना भोके पाडुन दिली, स्ट्रॉ चे तुकडे करुन दिले.
- पाईप क्लिनरचे एक टोक दुमडुन/वळवुन दिले. (पाईप क्लिनर ऐवजी तार देखिल वापरता येइल. फक्त सॉफ्ट असावी, हाताला लागणार नाही याची काळजी घ्यावी)
- सगळे सामान आदितीच्या समोर ठेवले आणि तिला हवे तसे पाईप क्लिनर मधे ओवु दिले.
- वरती थोडी जागा मोकळी ठेऊन पाईप क्लिनर वळवुन हुक सारखा शेप दिला.
- डँगलर तय्यार अक्षरशः अर्ध्यातासात एक तयार झाला.
- गाडीच्या रियर व्ह्यु मिररला लटकवुन फोटो काढले

बच्ची भी खुष, बच्ची की आई भी खुष

--------------------------------------------

टीपः हा डँगलर गाडीतच लावायला पाहिजे असे काही नाही, घरात दरवाज्यावर, मुलांच्या खोलीत कुठेही लटकवता येइल. तसेच थोडे चकचकीत कागद, टिकल्या वगैरे पण वापरता येतिल.