कुलूपबंद पेटी - शतशब्दकथा

Submitted by किल्ली on 29 December, 2024 - 10:29

आपल्या कुटुंबासोबत तो त्या प्रसिद्ध आणि प्राचीन शिवमंदिरात दर्शनासाठी आला होता. दर्शन घेऊन बाहेर पडताना, मंदिराभोवती प्रदक्षिणा घालताना त्याची भिरभिरती नजर सतत काहीतरी शोधत होती. मुळात मंदिरात येऊन दर्शन घेणे हे काही त्याचे मुख्य उद्दिष्ट नव्हते. त्याच्या सरावलेल्या दृष्टीने चौफेर शोध घेऊनही हवी असणारी वस्तू कुठेच दृष्टीस पडली नाही. पूर्वी त्याने अनेकवेळा इथे पाहिली होती आणि मिळवली होती. आजही त्याला ती वस्तू हवी होती.
इथे येण्याचा उद्देश असफल झाला की काय असे त्याला वाटू लागले आणि पुढच्याच क्षणी त्याला देवळाच्या दारावर ती वस्तू दिसली, कुलूपबंद पेटी!

"ह्यात आहे का खडीसाखर, आई? मी खाईन म्हणून त्यांनी बंद करून ठेवलीये का?"

विषय:

लेखन

संस्कृती

शब्दखुणा:

पेटी

Groups audience:

गुलमोहर - कथा/कादंबरी

Group content visibility:

Use group defaults

शेअर करा

हाहा … ओमचा प्रश्न आहे काय??

Submitted by साधना on 29 December, 2024 - 10:33

मुंगळा की काय?

Submitted by सामो on 29 December, 2024 - 10:56

आमची मनू पण हेच करते. नेमका

आमची मनू पण हेच करते. नेमका पायऱ्यांच्या समोर डबा ठेवलेला असतो. दर्शन घेऊन येईपर्यंत धीर नसतो तिला.

Submitted by मी चिन्मयी on 29 December, 2024 - 11:39

फुटाणे आणि खडीसाखरेचा प्रसाद

फुटाणे आणि खडीसाखरेचा प्रसाद बघितले की मला बोर व्हायचे. काय हे नुसते गोड गोड. काही पोटाला सुद्धा लागत नाही. जास्त खावेसे सुद्धा वाटत नाही. त्यामुळे पैसे वाचवायला कॉस्ट कटिंग लो बजेट प्रसाद वाटायचा..
पण मग नंतर मुलगी झाली.. आणि त्या प्रसादाची खरी किंमत कळली