जाणिवा

Submitted by पुरंदरे शशांक on 3 April, 2023 - 01:51

जाणिवा

डोळे जाणतीना काही
व्योम अफाट केवढे
दिसे पटलावरी ते
पाहूनीच धन्य होते

गंध फुलांचा मोहक
जरी जाणिवा सजग
जग सुगंधाचे थोर
काय जाणवे सलग !

स्पर्श रुप रस गंध
जाणिवेत मावेना की
एका सानुल्या देहात
लाभे जरासी झुळुकी

विश्व होऊनिया जरी
भोगे विशाल सोहळे
थिटी जाणिव फाटता
माझे मीपण मावळे
----------------------------------------

व्योम......आकाश, अंतराळ
पटल.....मानवी डोळ्याच्या आतील पडदा ज्यावर प्रतिमा उमटते/रेटिना
थिटी.... मर्यादित, क्षुद्र

विषय: 
तत्त्वज्ञान
काव्यलेखन
शब्दखुणा: 
व्योम
पटल
मीपण
सोहळे
Groups audience: 
गुलमोहर - कविता
Group content visibility: 
Public - accessible to all site users
शेअर करा

विश्व होऊनिया जरी
भोगे विशाल सोहळे
थिटी जाणिव फाटता
माझे मीपण मावळे

अप्रतिम...

Submitted by दत्तात्रय साळुंके on 3 April, 2023 - 02:47

खूप सुंदर, गुढ अर्थ असलेली कविता आहे. म्हणून एक छोटा बदल सुचवावासा वाटतो. ठीक वाटलं तर करा..

रूप रस गंध स्पर्शी
जाणिवेत मावेनाशी
एका सानुल्या देहास
लाभे झुळूक जराशी..

Submitted by mi manasi on 17 April, 2023 - 23:31