आस

Submitted by मन्या ऽ on 26 May, 2020 - 09:36

आस

अशाच या कातरवेळी
निशब्द असावा
आसमंत सारा
त्यासमयी रवि तु
क्षितिजाच्या कुशीत निजावा

रवि तुज निजवताना
वारा ही गाई झुळझुळ गाणे
ती लुकलुकणारी कोर ही
बघ तुज कथा सांगे

अशाच एका कातरवेळी
बघ. कोण पणती
त्या तुळशीसमोर लावे
मंद अश्या त्या प्रकाशात
माझा ऊर भरुन वाहे

तेव्हा दुरवर कोठेतरी
मज ऐकु येते ती किणकिणारी घंटा
'आस' लागे मनास कान्हा
तसाच ऐकु येईल का रे मज
एक दिन तुझा मधुर पावा..

-दिप्ती भगत
(९मे, २०२०)

विषय: 
मुक्तस्रोत(Open Source)
काव्यलेखन
शब्दखुणा: 
आस
कान्हा
कातरवेळ
Groups audience: 
गुलमोहर - कविता
Group content visibility: 
Public - accessible to all site users
शेअर करा

@सामो, थँक्स! Happy

@अन्नत_यात्री, मी लुकलुकणारी चकोर आभाळात टिमटिमणाऱ्या चांदणीला म्हटले आहे..

Submitted by मन्या ऽ on 27 May, 2020 - 14:01

किल्लीताई, अस्मिता प्रतिसादांसाठी धन्स! Happy

चकोर पक्षी असतो>>> हे ठाऊक नव्हते..
चंद्राची कोर असे म्हणायचे असेल>>> कवितेत संपादीत केले आहे.
थँक्स सामो.. Happy

Submitted by मन्या ऽ on 27 May, 2020 - 21:09

मस्त

Submitted by अजिंक्यराव पाटील on 28 May, 2020 - 04:49

मस्तच....

Submitted by तुषार विष्णू खांबल on 13 June, 2020 - 00:46

छान!
सांज ये गोकुळीची आठवण आली

Submitted by vasant_20 on 13 June, 2020 - 11:27

चकोर पक्षी असतो>>> हे ठाऊक नव्हते....>>>>>>
आश्चर्य वाटले. एका कवियत्रीला चकोर माहित नाही . अहो चकोर कवीलाकांनीच शोधलेला पक्षी आहे.
ते जाउदेत.
आपल्या कविता छानच असतात . ही पण छानच आहे.

Submitted by प्रभुदेसाई on 16 June, 2020 - 00:21

का मी असे म्हणतो ? पहा
चकोर पक्षी और चांद
वेसे तो भारत में और विश्व में कई प्रकार के सुंदर पक्षी पाए जाते हैं, परंतु भारत में चकोर पक्षी का वर्णन हमें साहित्य में बहुत ज्यादा पढ़ने को मिलता है, कई गद्य लेखकों और कवियों ने अपनी रचनाओं में चकोर पक्षी का चित्रण किया है, चकोर पक्षी को अक्सर कविताओं में प्रेमी के रूप में चित्रित किया गया है जो कि रात भर चंद्रमा को निहारता रहता है, तथा रात को चंद्रमा की ओर देख कर रोता रहता है, कवि अक्सर अपनी रचनाओं में चकोर पक्षी की उपमा का इस्तेमाल करते हैं करते हैं, चकोर पक्षी को एक वियोगी प्रेमी के रूप में दर्शाया गया हैं,
---- आन्तरजाला वरून

Submitted by प्रभुदेसाई on 16 June, 2020 - 00:47

@प्रभुदेसाई, मी सर्वप्रथम 'चकोर' हा शब्द हिंदी कवितेतच वाचला होता. पण त्यावेळी अर्थ समजुन घेतला नाही. ही माझी चुक, आता मी सुधारण्याचा प्रयत्न करत आहेच. कवितेच्याच काही गोष्टी नव्याने उमजुन घ्यायचा प्रयत्न करत आहे..
असो.
आपण सविस्तर दिलेल्या प्रतिसादासाठी मनपुर्वक धन्यवाद! वाचत रहा.. Happy

Submitted by मन्या ऽ on 20 June, 2020 - 17:22

हिंदीत इतके लांब जायची गरज नाही.
हे पहा इथे मराठी
कैवल्याच्या चांदण्याला भुकेला चकोर
कैवल्याच्या चांदण्याला भुकेला चकोर
चंद्र व्हा हो पांडुरंगा
ज्ञानेश्वरीी पासून सगळीकडे उल्लेख आहेत. वाचा वाचत रहा. वर्तमानपत्राच्या शेवटी संपादक कोण , कुणी प्रकाशित केले ,कुणी छापले तिथपर्यंत वाचत रहा. कुठले वाचन केव्हा कसे उपयोगी पडेल ते सांगता येणार नाही .

Submitted by प्रभुदेसाई on 20 June, 2020 - 23:54