ओळखा पाहू ....... एक गंमतखेळ - ३

विलियम वर्डस्वर्थचे मराठी अनुवादक का?

विल्यम वर्ड्सवर्थ ?

जाई, आता जाऊदे !

उत्तर : परशुराम देशपांडे
रेल्वेतील नोकरी बरोबर २० वर्षे पूर्ण होताच सोडली. तेव्हा वय ४४.

शेक्सपिअर च्या सर्व साहित्याचा अनुवाद करण्याचा मानस.
बरीच नाटके अनुवाद करून झालीत.
दुवा :
https://www.bookganga.com/eBooks/Books?AID=4781513040246907903

ओके .
परशुराम देशपांडे नामक लेखक माहीत नव्हता . त्यामुळे त्यांचं काही वाचल्याची शक्यता नव्हती. प्युअरली गेसवर्क .

काही वर्षांपूर्वी अशी एक लाट आली.

वय ४५ च्या दरम्यान जर आर्थिक गरज पूर्ण झाल्यासारखी वाटल्यास नोकरी सोडायची आणि मग आवडते काम, छंद वगैरे करत पुढील आयुष्य.

त्यात हे लेखक, संजय भा जोशी असे लोक होते .

परशुराम देशपांडे >>>
भारीच. डोस्के गेले कामातून !
आता मी देतो-

बिहार मधील एक भीषण मोठ्या खाण अपघातावर आधारित पुस्तक लिहिणारे.
विशिष्ट राजकीय विचारधारेचे .

अकरा कोटी गॅलन पाणी
अनिल बर्वे

बरोबर

हे लोकप्रिय लेखक कोवळ्या वयात घरातून पळून गेले होते. इतिहास, लोकसाहित्य, संतकाव्य हे त्यांच्या आवडीचे आणि अभ्यासाचे विषय होते.

रामदास बोहल्यावरन पळाले, म्हणजे ते नसावेत

आनंद यादव ?
रा चिं ढेरे ?

नाही, तिन्ही नाहीत.

सदानंद मोरे?

म ना अदवंत
द ता भोसले

गोनीदां पळून गेले होते.

यांनी गाडगेबाबांबरोबर आयुष्याचा काही काळ घालवला होता.
गो नी दांडेकर बरोबर भरत

बरेच तास झालेत, पुढचे कोडे:

१. मराठी, हिंदी व इंग्लिश मधून सामाजिक लेखन.
२. परखड राजकीय मतप्रदर्शन
३. आपल्या एका राष्ट्रपुरुषावरील चित्रपटाचे लेखन.

अरूण साधू

एकदम बरोबर !

आता मी एक सोपे देतो .

“जगण्यासाठी पैसा किती लागतो हे एकदा ठरवता आलं पाहिजे. नोकरीशिवाय आपलं भागू शकतं हे एकदा पटले तर, ताबडतोब ते मानहानीचे आयुष्य झुगारून द्यायला हवं. इलाज नसतो तेव्हा आपण सतत अपमान पचवतोच”

व पु?

बरोबर

स्वरूप देताय का ?

यातून बघितल्यावर झाड नुसतीच हिरवी दिसत नाही आणि आकाश सुद्धा निळ दिसत नाही.... आणि माणस तर चक्क इंद्रधनुष्याच्या रंगाची दिसतात
असा आशय मांडणारी एक प्रसिद्ध कविता आहे यांची!

बालकवी ठोंबरे

नाही!

अजून एखादा मुद्दा ?

यांनी दूरदर्शनवरील लोकगीतांवर आधारलेल्या एका कार्यक्रमाचे सादरीकरण केले होते

क्लूवरून शांता शेळके वाटताहेत.
कविता आठवत नाहीए.

शांता शेळके बरोबर आहे
कार्यक्रमाचे नाव आहे: रानजाई

ती कविता आहे "लोलक"

लोलक
देवाच्या देवळातून चोरून आणलेला लोलक
हरवला माझ्या हातून!
तेव्हा डोळ्यातली फुलपाखरं उडून गेली
आणि विझली पाण्याच्या थेंबातली इंद्रफुलं!

आता गवत नुसतंच हिरवं दिसतं
आणि आभाळ नुसतंच निळं!
घराघरांना, माणसांना फुटतंच नाहीत इंद्रधनुष्याच्या रेषा!

परवा एक पोर आली उड्या मारत.
हातांचे पंख पसरून डोळे विस्फारून,
खिदळत मला म्हणाली,
"गम्मत बघ! गवत हिरवं नसतं,
आभाळ निळं नसतं
आणि माणसं असतात इंद्रधनुष्याची बनवलेली!, महिताय तुला ?"

माझा लोलक हिला कुठे सापडला?
देवळातल्या झुंबराला किती लोलक आहेत अजून?

-शांता शेळके